Actualitats
Òslo: an començat las convèrsas de patz entre lo govèrn de las Filipinas e los rebèls comunistas
Las convèrsas foguèron blocadas en 2012 pr’amor que lo govèrn aviá refusat de liberar los caps comunistas empresonats dempuèi qualques decennis
Lo govèrn de las illas Filipinas e la Nòva Armada del Pòble (NPA), de tendéncia maoïsta, comencèron ièr a Òslo (Norvègia) de convèrsas de patz per ensajar de metre lo ponch final als gaireben cinquanta ans del conflicte qu’a provocat la mòrt de mai de 40 000 personas.
De representants de las doas parts del conflicte acordèron aquesta dimenjada passada una trèva. Ièr, diluns, se rescontrèron tèsta a tèsta dins la sala Nobel de l’ostalariá Holmenkollen Park, dins la capitala norvegiana. Una sala que rend onor al prèmi Nobel de la Patz e que sas parets son decoradas amb de retraches de las personalitats qu’an obtengut aquel prèmi.
“Aquò es un conflicte qu'a durat ben tròp longtemps”, çò diguèt lo ministre dels afars exteriors norvegian, Børge Brende. “Crosi vertadièrament los dets” per que i aja de progrèsses, çò declarèt als representants de las partidas en conflicte.
Las convèrsas favoridas per Norvègia entre lo govèrn filipin e l’alavetz Front Democratic Nacional (FDN) foguèron blocadas en 2012 pr’amor que lo govèrn aviá refusat categoricament de liberar los caps comunistas empresonats dempuèi qualques decennis.
Mas aqueste còp, los negociators arriban amb de gèstes concrets. La setmana passada, lo govèrn de Manila liberèt 17 caps de la guerrilha de l’NPA per tal que se poguèsson gandir en Norvègia e per establir las negociacions.
L’NPA compta amb aperaquí 3000 guerrilhièrs e es lo braç armat del Partit Comunista. Son activitat es mai que mai intensa al sud de las illas Filipinas.
De representants de las doas parts del conflicte acordèron aquesta dimenjada passada una trèva. Ièr, diluns, se rescontrèron tèsta a tèsta dins la sala Nobel de l’ostalariá Holmenkollen Park, dins la capitala norvegiana. Una sala que rend onor al prèmi Nobel de la Patz e que sas parets son decoradas amb de retraches de las personalitats qu’an obtengut aquel prèmi.
“Aquò es un conflicte qu'a durat ben tròp longtemps”, çò diguèt lo ministre dels afars exteriors norvegian, Børge Brende. “Crosi vertadièrament los dets” per que i aja de progrèsses, çò declarèt als representants de las partidas en conflicte.
Las convèrsas favoridas per Norvègia entre lo govèrn filipin e l’alavetz Front Democratic Nacional (FDN) foguèron blocadas en 2012 pr’amor que lo govèrn aviá refusat categoricament de liberar los caps comunistas empresonats dempuèi qualques decennis.
Mas aqueste còp, los negociators arriban amb de gèstes concrets. La setmana passada, lo govèrn de Manila liberèt 17 caps de la guerrilha de l’NPA per tal que se poguèsson gandir en Norvègia e per establir las negociacions.
L’NPA compta amb aperaquí 3000 guerrilhièrs e es lo braç armat del Partit Comunista. Son activitat es mai que mai intensa al sud de las illas Filipinas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern de Filipinas a las ordres de l'Imperi del Mal, explota de mala maniera als trabalhadors, son n'Alí Babà e los quaranta laires.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari