Actualitats
L’ironica istòria del pastor batista qu’acusava los omosexuals de las catastròfas naturalas
Tony Perkins diguèt que Dieu punís los gais amb de desastres naturals, e son ostal es estat destruch per una “inondacion de proporcions gaireben biblicas”
Lo pastor batista estatsunidenc Tony Perkins faguèt arunan polemica en tot assegurar, dins una entrevista, que las catastròfas naturalas talas coma las inondacions “son un puniment de Dieu a causa de l’avortament e dels maridatges omosexuals”. Ara, semblariá que Dieu a respondut a sos prepauses amb ironia. Perkins es estat evacuat en canòa de son ostal a causa de las fòrtas inondacions que patís l’estat de Loisiana.
“Nos calguèt fugir en canòa. L’aiga arribèt a tres mètres de nautor. Lo nòstre ostal s’inondèt. Qualques unas de las nòstras veituras tanben”, çò diguèt Perkins dins son programa de ràdio. En mai d’aquò, precisèt que l’80% dels membres de sa glèisa foguèron afectats pels aigats. “Es estada una inondacion de proporcions gaireben biblicas”, çò diguèt dins una entrevista amb lo Conselh de Recèrca de la Familha (Family Research Council, en anglés), una organizacion ultraconservatritz dont es lo president. Perkins es tanben ja conegut per aver comparat l’omosexualitat e la pedofilia.
L’ironia divina
En 2015, Tony Perkins faguèt una entrevista del rabin messianic Jonathan Cahn que diguèt que l’auragan Joaquín, qu’aviá devastat las illas Bahamas , èra “un senhal de la colèra de Dieu”. Cahn assegurava qu’aquela tempèsta mostrava que Dieu èra malcontent a causa de la legalizacion del maridatge omosexual, de l’avortament e de las relacions entre l’ÒNU e Israèl. Perkins se mostrèt d’acòrd e apondèt: “Dieu ensaja de nos mandar un messatge”. Ara, sabem pas cossí aurà interpretat l’aigat qu’a negat son ostal.
“Nos calguèt fugir en canòa. L’aiga arribèt a tres mètres de nautor. Lo nòstre ostal s’inondèt. Qualques unas de las nòstras veituras tanben”, çò diguèt Perkins dins son programa de ràdio. En mai d’aquò, precisèt que l’80% dels membres de sa glèisa foguèron afectats pels aigats. “Es estada una inondacion de proporcions gaireben biblicas”, çò diguèt dins una entrevista amb lo Conselh de Recèrca de la Familha (Family Research Council, en anglés), una organizacion ultraconservatritz dont es lo president. Perkins es tanben ja conegut per aver comparat l’omosexualitat e la pedofilia.
L’ironia divina
En 2015, Tony Perkins faguèt una entrevista del rabin messianic Jonathan Cahn que diguèt que l’auragan Joaquín, qu’aviá devastat las illas Bahamas , èra “un senhal de la colèra de Dieu”. Cahn assegurava qu’aquela tempèsta mostrava que Dieu èra malcontent a causa de la legalizacion del maridatge omosexual, de l’avortament e de las relacions entre l’ÒNU e Israèl. Perkins se mostrèt d’acòrd e apondèt: “Dieu ensaja de nos mandar un messatge”. Ara, sabem pas cossí aurà interpretat l’aigat qu’a negat son ostal.
Tony Perkins says God punishes gays with natural disasters, has home destroyed by 'biblical' flood https://t.co/R8iOlJ8stt
— Elyse (@elyselittenberg) 18 d’agost de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi que lo tipe es pas clar. Per ieu es comunista lo cuol benesit, vist que Dieu l'asaiguèt e li neguèt doas veituras.... Tres mestres d'aiga.... La pròva de nòu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari