Actualitats
Vòlon far un pargue tematic catar a Montsegur
Lo projècte d’amainatjament toristic de mai de 3,8 milions d’èuros es fòrça contestat per l’occitanisme
Lo projècte Montsegur 2020, qu’en març passat ja denonciava Occitània e Libertat, es estat aprovat aqueste julhet passat, amb de dimensions fòrça mai grandas de çò qu’òm cranhiá. La comunautat de comunas del País d’Òlmes (CCPO) a recuperat la competéncia per l’amainatjament e l’esplecha del sit, a lançat lo concors d’arquitècte per bastir un edifici d’aculhença al pè del castèl, amb d’informacions, de comuns, un portanèl e la creacion d’un musèu nòu al còr del vilatge. “Arribam a un còst total de 3 832 600 èuros fòra taxa. En sabent que los divèrses partenaris (estat, region, departament e Euròpa) an acceptat lo principi d’un subvencionament a la nautor de l’80%”, çò anonciava, segon La Dépêche, Gérald Sgobbo, president de la CCPO.
De protèstas
En març passat protestèt l’associacion ciutadana foissenca Occitània e Libertat, que lancèt una peticion en linha per demandar que se bastisca pas de construccions ni mai que se faga pagar per accedir al Prat dels Cremats. “Montsegur es un santuari e tanben un cementèri. La tragèdia que s'i debanèt cogís de nòstra part memòria, respècte e umilitat”, çò afirma lo collectiu, que demanda que “tota construccion, se se deu bastir, demòre invisibla dins la perspectiva actuala del sit” e que “l'accès al Prat dels Cremats e al monument demòre liure e a gratis per totes, e aquò lo sant clame de l'an”.
De son costat lo Partit Occitan (PÒC) ditz que vòl “pas de Catarland”. Lo PÒC afirma que “los tragics eveniments que se debanèron aquí impausan la decéncia, lo respècte”, e reclama “un accès liure e gratuit a l’estèla o a un eventual futur monument commemoratiu”. La gratuitat, segon lo PÒC es “indispensabla”. Lo partit occitanista revendica que tant Monsegur, coma totes los luòcs d’Occitània que permeton de conservar la memòria coma Orador de Glana o Gurs, “sián preservats de tota activitat comerciala rambalhaira”.
Per tot aquò, lo PÒC ditz qu’es “plan favorable a la mesa en valor del sit e de l’istòria occitana e catara a travèrs d’un musèu”, mas que “rèsta atentiu al contengut del projècte”. Dins aquel sens, lo Partit Occitan precisa que l’endrech “simboliza uèi lo combat contra l’intolerància religiosa, malaürosament totjorn d’actualitat”, e ajusta que “Montsegur simboliza tanben la resisténcia occitana contra la conquista del rei de França e mai largament contra totas las formas d’imperialisme , coma o cantava Claudi Martí”. En mai d’aquò, lo partit occitanista remembra la desvaloracion “de marrit gost” de l’imatge dels catars coma las “estatuas dels cavalièrs catars que bòrdan l’autoestrada criticadas per Francis Cabrel, la promocion de la carn catara mentre qu'aquestes èran vegetarians, e quitament una plancha catara”.
Tanben lo Partit de la Nacion Occitana (PNO) protèsta contra lo projècte e reclama de “protegir e santuarizar lo Prat dels Cremats”. Dins aquel sens, lo PNO remembra que “l’indústria del torisme deu èsser un esplech al servici de l’economia occitana e non pas una arma contra lo país, mai encara quand s’agís d’anar contra la dignitat de la nacion occitana”.
De protèstas
En març passat protestèt l’associacion ciutadana foissenca Occitània e Libertat, que lancèt una peticion en linha per demandar que se bastisca pas de construccions ni mai que se faga pagar per accedir al Prat dels Cremats. “Montsegur es un santuari e tanben un cementèri. La tragèdia que s'i debanèt cogís de nòstra part memòria, respècte e umilitat”, çò afirma lo collectiu, que demanda que “tota construccion, se se deu bastir, demòre invisibla dins la perspectiva actuala del sit” e que “l'accès al Prat dels Cremats e al monument demòre liure e a gratis per totes, e aquò lo sant clame de l'an”.
De son costat lo Partit Occitan (PÒC) ditz que vòl “pas de Catarland”. Lo PÒC afirma que “los tragics eveniments que se debanèron aquí impausan la decéncia, lo respècte”, e reclama “un accès liure e gratuit a l’estèla o a un eventual futur monument commemoratiu”. La gratuitat, segon lo PÒC es “indispensabla”. Lo partit occitanista revendica que tant Monsegur, coma totes los luòcs d’Occitània que permeton de conservar la memòria coma Orador de Glana o Gurs, “sián preservats de tota activitat comerciala rambalhaira”.
Per tot aquò, lo PÒC ditz qu’es “plan favorable a la mesa en valor del sit e de l’istòria occitana e catara a travèrs d’un musèu”, mas que “rèsta atentiu al contengut del projècte”. Dins aquel sens, lo Partit Occitan precisa que l’endrech “simboliza uèi lo combat contra l’intolerància religiosa, malaürosament totjorn d’actualitat”, e ajusta que “Montsegur simboliza tanben la resisténcia occitana contra la conquista del rei de França e mai largament contra totas las formas d’imperialisme , coma o cantava Claudi Martí”. En mai d’aquò, lo partit occitanista remembra la desvaloracion “de marrit gost” de l’imatge dels catars coma las “estatuas dels cavalièrs catars que bòrdan l’autoestrada criticadas per Francis Cabrel, la promocion de la carn catara mentre qu'aquestes èran vegetarians, e quitament una plancha catara”.
Tanben lo Partit de la Nacion Occitana (PNO) protèsta contra lo projècte e reclama de “protegir e santuarizar lo Prat dels Cremats”. Dins aquel sens, lo PNO remembra que “l’indústria del torisme deu èsser un esplech al servici de l’economia occitana e non pas una arma contra lo país, mai encara quand s’agís d’anar contra la dignitat de la nacion occitana”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Si fan pas pagar los que parlon occitan, alara costarà pas car.
Une fois de plus certains occitanistes brillent par leur ignorance ou profitent de l'occasion pour tenter d'exister en ayant des positions extrêmes. Leur méconnaissance du dossier est flagrante et le jornalet perd de sa crédibilité en se faisant l'écho d'une actualité complètement dépassée. Le projet actuel est la réalisation d'un nouveau musée au centre du village et la réalisation au parking du chateau d'un accueil digne de ce nom avec des wc pour les visiteurs. L'accès à la stèle restera libre d'autant qu'elle est la propriété de l'association qui l'a érigée. Bien sur toute l'informatuon se fera en plusieurs langues y compris l'occitan. Une borne interactive permettra aux visiteurs d'avoir acces a toute l'histoire du lieu. Le cote sacré des lieux sera respecté et meme renforcé. Il n'est pas prévu d'autres aménagements et l'enveloppe budgétaire annoncée est réaliste. Je demande au journalet de n'a pas associer ma photographie du 16 mars 2016 à l'article de propagande du POC et du PNO. Il eut été judicieux de demander au maire de la commune de Montségur le contenu de l'actuel projet. Signé Patrick Lasseube
Cal pagar ara per anar a Montsegur? Cal obténer que siaga a gratis per los que parlam occitan!
Me opausi pas qu’en Montsegur volon far de torisme. Mas cal gardar un respècte, Montsegur es pas Disneyland Paris.
Per principi, soi pas contra lo fait d'amainatjar lo sit de Montsegur. La cabina ont se pagan las bilhetas d'entrada es indigna d'un sit istoric per Occitània. Per principi soi favorable a un musèu extendut dins lo vilatge.
Per contra soi d'a fons d'acòrdi que cal saber preservar la qualitat de lòc de remembrança nacionala occitana al Prat dels Cremats. Es un sit sacrat que non pòt pas èsser donat als mercadièrs del temple.
Cal lutar per que sián presentas tant la dimension lingüistica coma la dimension de dignitat nacionala d'aqueste amainatjament.
Pensi que seriá una error d'èsser d'emblada contra tot projècte de Montsegur: Montsegur a besonh de viure e la preséncia de toristas, de vesitaires o de pelegrins es una font economica. Aqueste vilatge s'amerita melhor que de crebar un segond còp per de rasons de misèria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari