Lo sautaire italonorvegian Alexander Polli moriguèt dimars passat, a 31 ans, près de Chamônix (Arpitània) a causa d’un accident mentre que s’entraïnava. Polli èra un dels especialistas màgers del saut BASE. Polli èra conegut per publicar sus vidèos espectacloses sus Internet, e fa tres ans impressionèt tot lo mond en traversant la ròca Foradada de la montanha catalana de Monserrat.
 
Polli aviá 31 ans e al moment de l’accident èra amb d'autras cinc personas dins lo massís de Le Brévent, en Savòia. Segon çò que rapòrta Le Parisien, l’esportiu auriá percutit la cima d’un arbre. Tocat al cap, moriguèt qualques minutas après l’arribada dels secorses.
 
Amb la mòrt de Polli son ja cinc los practicants d’aquela disciplina mòrts dins los Alps dempuèi lo començament de l’estiu.
 
La disciplina del saut BASE consistís a sautar d’un luòc plan naut e a planar gràcias a un vestit ajustat amb de membranas entre lo còrs, e las extremitats simulan las alas d’un aucèl.