Actualitats
De racisme en Occitània: l’afar del burkini a passat l’òsca
Los imatges d’almens quatre policièrs municipals qu'umílian una femna sus la plaja de Niça an fach lo torn del Mond
La polemica del burkini en Occitània a passat l’òsca. Après que qualques comunas del país an enebit lo pòrt d’aquel vestit de banh, ara los rets socials e de mèdias de pertot mòstran lo racisme vergonhable que s’installa de mai en mai en cò nòstre.
Los imatges d’almens quatre policièrs municipals qu'umílian una femna sus la plaja de Niça an fach lo torn del Mond. Las fòtos mòstran una femna qu’es obligada de retirar una pèça blava de margas longas mentre qu’un dels policièrs escriu quicòm, saique un verbal.
The Guardian mençona lo testimoniatge d’una femna nomenada Mathilde Cousin qu'assistiguèt a la scèna: “Çò pus trist es que lo monde li cridavan: «Rintratz a cò vòstre!», quaucu unu aplaudissian la polícia”. Mentretant ,“sa filha plorava”, çò precisa Cousin.
Lo director de comunicacion de l’observatòri europèu dels dreches umans (HRW), Andrew Stroehlein, tot indignat, pausava la question: “Quantes policièrs armats cal per forçar una femna de se desvestir en public?”
L’imatge es estat difusat sus tota la planeta, e la majoritat dels mèdias presentan los eveniments coma una vergonha d'aspècte racista, coma o podèm legir sus Daily Mail, The Guardian, Metro, El Diario.es, El Mundo, La Libre.be, lo chinés YCWB, l’edicion en rus de Russia Today...
En nom de la laïcitat: “Aicí siam catolics!”
En mai d’aquò, lo Nouvel Obs apond rapòrta un autre cas que se passèt dimars a Canas. La polícia municipala demandèt a una femna nomenada Siam de quitar la platja o de pagar una contravencion. Èra abilhada amb de leggings, una tunica e un cairat sul cap del tipe hijab. L’AFP a confirmat que la femna foguèt multada per portar pas de vestits “respectuoses amb la moralitat e la laïcitat”.
“Meis enfants èran en plors, testimònis de mon umiliacion, e tanben ma familha”, çò explica Siam sul Nouvel Obs. “Ieu meteissa me siáu pas poguda empedir de plorar. Nos an umiliats”.
Siam apondiá: “La paraula racista s’es totalament liberada, siáu estada estabosida. Ai entendut de causas que jamai m’avián dichas en fàcia coma «Rintratz en cò vòstre!», «Dòna, la lei es la lei, n’avèm pron d’aqueleis istòrias», «Aicí, siam catolics!»”. Segon Siam, “certans an clarament aplaudit lei policiers. D’autres an traversat la rota per jónher la molonada sus la plaja”.
Lo cònsol de Canas justifica l’accion dels policièrs, que segon el pòdon verbalizar totas las tengudas “ostentatòrias”.
Los imatges d’almens quatre policièrs municipals qu'umílian una femna sus la plaja de Niça an fach lo torn del Mond. Las fòtos mòstran una femna qu’es obligada de retirar una pèça blava de margas longas mentre qu’un dels policièrs escriu quicòm, saique un verbal.
The Guardian mençona lo testimoniatge d’una femna nomenada Mathilde Cousin qu'assistiguèt a la scèna: “Çò pus trist es que lo monde li cridavan: «Rintratz a cò vòstre!», quaucu unu aplaudissian la polícia”. Mentretant ,“sa filha plorava”, çò precisa Cousin.
Lo director de comunicacion de l’observatòri europèu dels dreches umans (HRW), Andrew Stroehlein, tot indignat, pausava la question: “Quantes policièrs armats cal per forçar una femna de se desvestir en public?”
Question of the day: How many armed policemen does it take to force a woman to strip in public? pic.twitter.com/AXo1Oi4CmX
— Andrew Stroehlein (@astroehlein) 24 d’agost de 2016
L’imatge es estat difusat sus tota la planeta, e la majoritat dels mèdias presentan los eveniments coma una vergonha d'aspècte racista, coma o podèm legir sus Daily Mail, The Guardian, Metro, El Diario.es, El Mundo, La Libre.be, lo chinés YCWB, l’edicion en rus de Russia Today...
En nom de la laïcitat: “Aicí siam catolics!”
En mai d’aquò, lo Nouvel Obs apond rapòrta un autre cas que se passèt dimars a Canas. La polícia municipala demandèt a una femna nomenada Siam de quitar la platja o de pagar una contravencion. Èra abilhada amb de leggings, una tunica e un cairat sul cap del tipe hijab. L’AFP a confirmat que la femna foguèt multada per portar pas de vestits “respectuoses amb la moralitat e la laïcitat”.
“Meis enfants èran en plors, testimònis de mon umiliacion, e tanben ma familha”, çò explica Siam sul Nouvel Obs. “Ieu meteissa me siáu pas poguda empedir de plorar. Nos an umiliats”.
Siam apondiá: “La paraula racista s’es totalament liberada, siáu estada estabosida. Ai entendut de causas que jamai m’avián dichas en fàcia coma «Rintratz en cò vòstre!», «Dòna, la lei es la lei, n’avèm pron d’aqueleis istòrias», «Aicí, siam catolics!»”. Segon Siam, “certans an clarament aplaudit lei policiers. D’autres an traversat la rota per jónher la molonada sus la plaja”.
Lo cònsol de Canas justifica l’accion dels policièrs, que segon el pòdon verbalizar totas las tengudas “ostentatòrias”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#19 Òc-ben, a rason ! E coma dins las annadas trentas de monde a l'entorn aplaudissèron...
Aquesta foto me recorda las SS emportant-se una paura vielha jueva. Malament lo xovinisme de la dreta francesa e de l'extrema dreta racista xovinista.
En nom de la laïcitat: “Aicí siam catolics ?" Mas non soi pas catolic ieu, soi catar. E per ieu, lo còs de l'òme es ni mai ni mens vergonhable que lo còs de la femna… L'engana es de n'èsser l'esclau mailèu que non pas lo mèstre.
Dieu a creat la femna — e l'òme, per la servir e li cantar e li far l'amor. La femna, l'a creada desnusa. La femna es venguda desnusa al mond coma l'amor al còr de l'òme amorós. Tot çò mai es pecat, que non es pas amor…
#15 lo primièr e lo segond son lo meteis article, perdon, cal remplaçar lo segond per aquel article per exemple: http://www.revolutionpermanente.fr/A-propos-des-luttes-feministes-et-du-burkini
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari