Actualitats
La Cort Criminala Internacionala condemna la destruccion de l’art
Al Mahdi diguèt qu’ara aviá vergonha de çò qu’aviá fach
Aquesta setmana, la Cort Criminala Internacionala, a París, a decidit de declarar colpable un activista radical per sa destruccion d’autars e d’autres luòcs artistics d’una mosqueta dins la vila anciana de Tomboctó, en Mali. Seriá lo primièr còp qu’aquesta cort decidís de perseguir judiciàriament la destruccion del passat cultural d’una nacion coma un crime de guèrra.
Aital, dins lo jutjament, se poguèt ausir qu’Ahmad Al Faqi Al Mahdi, membre d’un grop jihadista restacat a Al Qaida, auriá fach d’atacas contra un mur de fanga qu’aviá de centenats d’annadas e tanben contra plusors bastiments religioses islamics aital coma de tombèls d’òmes sants de la vila maliana de Tomboctó.
Al Mahdi, qu’es un professor qu’estudièt las leis islamicas en Arabia Saudita per mejan d’argent libian, tanben es estat acusat de menar una brigada de la moralitat en aquesta vila que punissiá publicament las gents per d’accions menoras. Mas Al Mahdi diguèt qu’ara aviá vergonha d’aquò qu’aviá fach.
“Senti fòrça vergonha de çò qu’ai fach” çò diguèt abans de demandar perdon a la cort que rend aqueste jutjament. De mai, tanben demandèt perdon a las gents de Tomboctó en tot dire: “Soi un filh de la vila qu’a perdut sa dralha e ara voldriái èsser perdonat”.
Pr’aquò Al Mahdi confirmèt qu’èra estat influenciat per “un grop de gents que cresián pas vertadièrament a l’islam e qu’èran d’Al Qaida e d’Ansar, una branca de la primièra en Mali”. Tanben diguèt qu’esperava que son puniment “foguèsse un bon exemple pels marrits esperits amb qui aviá trabalhat fins a fa gaire”.
Al Mahdi poiriá recebre una pena de fins a 30 ans de preson per aquestes actes mas los procuraires aurián demandat solament una senténcia de fins a 11 ans pr’amor qu’Al Mahdi auriá confessat que desenant o tornariá pas jamai far un autre còp.
Un dels procuraires d’aqueste procès, Fatou Bensouda, diguèt qu’èra estat lo meteis Al Mahdi qu’aviá identificat los luòcs destruches e tanben qu’èra estat el meteis qu’aviá ordenat de los destruire.
Encara qu’Al Mahdi tanben poiriá èsser acusat d’autres crimes, aqueste jutjament de la Cort Criminala Internacionala voldriá centrar lo debat d’aqueste procès sus la destruccion de l’art e de bastiments istorics e culturals ancians a causa de l’intencion d’una persona o d’un grop de personas de voler far oblidar l’istòria e l’identitat de l’enemic.
“La Cort Criminala Internacionala a longtemps esperat per reconéisser aqueste tipe de malafachas, çò diguèt Andras Riedlmayerm, un estudiant d’Art Islamic e Arquitectura a l’Universitat estatsunidenca d’Harvard, mas ara ja s’es pogut veire que i una relacion entre las atacas contra la populacion e las atacas contra son eiretatge cultural”.
Christian Andreu
Aital, dins lo jutjament, se poguèt ausir qu’Ahmad Al Faqi Al Mahdi, membre d’un grop jihadista restacat a Al Qaida, auriá fach d’atacas contra un mur de fanga qu’aviá de centenats d’annadas e tanben contra plusors bastiments religioses islamics aital coma de tombèls d’òmes sants de la vila maliana de Tomboctó.
Al Mahdi, qu’es un professor qu’estudièt las leis islamicas en Arabia Saudita per mejan d’argent libian, tanben es estat acusat de menar una brigada de la moralitat en aquesta vila que punissiá publicament las gents per d’accions menoras. Mas Al Mahdi diguèt qu’ara aviá vergonha d’aquò qu’aviá fach.
“Senti fòrça vergonha de çò qu’ai fach” çò diguèt abans de demandar perdon a la cort que rend aqueste jutjament. De mai, tanben demandèt perdon a las gents de Tomboctó en tot dire: “Soi un filh de la vila qu’a perdut sa dralha e ara voldriái èsser perdonat”.
Pr’aquò Al Mahdi confirmèt qu’èra estat influenciat per “un grop de gents que cresián pas vertadièrament a l’islam e qu’èran d’Al Qaida e d’Ansar, una branca de la primièra en Mali”. Tanben diguèt qu’esperava que son puniment “foguèsse un bon exemple pels marrits esperits amb qui aviá trabalhat fins a fa gaire”.
Al Mahdi poiriá recebre una pena de fins a 30 ans de preson per aquestes actes mas los procuraires aurián demandat solament una senténcia de fins a 11 ans pr’amor qu’Al Mahdi auriá confessat que desenant o tornariá pas jamai far un autre còp.
Un dels procuraires d’aqueste procès, Fatou Bensouda, diguèt qu’èra estat lo meteis Al Mahdi qu’aviá identificat los luòcs destruches e tanben qu’èra estat el meteis qu’aviá ordenat de los destruire.
Encara qu’Al Mahdi tanben poiriá èsser acusat d’autres crimes, aqueste jutjament de la Cort Criminala Internacionala voldriá centrar lo debat d’aqueste procès sus la destruccion de l’art e de bastiments istorics e culturals ancians a causa de l’intencion d’una persona o d’un grop de personas de voler far oblidar l’istòria e l’identitat de l’enemic.
“La Cort Criminala Internacionala a longtemps esperat per reconéisser aqueste tipe de malafachas, çò diguèt Andras Riedlmayerm, un estudiant d’Art Islamic e Arquitectura a l’Universitat estatsunidenca d’Harvard, mas ara ja s’es pogut veire que i una relacion entre las atacas contra la populacion e las atacas contra son eiretatge cultural”.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò rai de las òbras d'art destruchas ? Mèfi que nos cal soscar a tot çò que significan" aquelas causas" valent a dire de traças fòrtas de l' Amor, l'anma de çò que sosten tota civilisacion . Alara Convivéncia de pertot ! Segur l'Occident deurà demandar perdon per son marrit passat mas ara s'agis del mond nòstre al nom de l'altruisme
ço que dins nostra civilizacion occidentala que nautres mespresam a un punt inimaginabla -siam copables de tot, colonialisme, racisme, derstruccion dei ressorças naturalas etc etc_ li a pasmens lo costat feble quand nostres enemics -lei fantics rejgios destruson una obra d'art, aqui li una reaccion inmediata. quand lei talibans destruguèron l'estatua monumentala de Boddà, aquo desencadenèt una ,guerra murtriera e inutila de la part dei pujssènças occidentalas qu'aguèssiam laissat lei talibans au poder e que fogessiam pas intervenguts, li auriá agut sensa dobta de guerras interioras a l'Afganistan e la situacion seriá pariera an aquela de vuei : una guerra civila sensa fin, que s'estingirà ben un jorn, coma la guerra de trenta ans en Alemanha, ansin que l'a agut representada Berthold Brecht dins "Mütter Courage"o ben Corneille "et le combat cessa, faute de combattants"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari