La descobèrta d’òsses de mamot de fa 45 000 ans poiriá far cambiar la preïstòria de tota la region asiatica e, benlèu, tanben l’americana. Aital, la confirmacion qu’aqueste mamot seriá estat matat per d’umans, plaça la preséncia umana en Artic 10 000 ans abans. E situa la possibilitat que l’òme dintrèsse sus lo continent nòrd-american fòrça abans, mas, e aquò es lo fach estonant, un estudi publicat dins la revista Science non pòt determinar se l’òme qu’auciguèt aqueste mamot foguèsse Homo sapiens sapiens o Homo sapiens neandertalensis.
Segon aquò, “los òmes qu’aurián matat aqueste mamot trobat fa gaire en Artic siberian perseguissián l’animal pr’amor qu’avián de besonh de la pèl, de la carn e dels òsses del mamot —çò diguèt Vladimir Pitulko, de l’Acadèmia de las Sciéncias Russa—. E ara ja se pòt confirmar que l’òme ja aviá colonizat l’Artic siberian central de la region de la baia de Ienissèi fa 50 000 ans. L’òme cacèt lo mamot de fòrça prèp”.
Cercavan de far de lesions mortalas
La còla qu’a analizat los òsses del mamot an pogut determinar que los caçaires ja l’avián nafrat amb de lanças abans de l’aucir. Volián causar de lesions mortalas dins las artèrias mai grandas de l’animal, mas sospièchan qu’aguèron d’esperar longtemps abans la mòrt del mamot. Alavetz lo mangèron entièr, e mai la lenga.
Amb aquesta descobèrta, d’autres paleontològs an trobat de rèstas de mamot, bisont, rinocèros, cèrvi roge, cèrvi e tanben lop. “Manjavan tot çò que podián, çò diguèt Pitulko. Lo lòp foguèt tuat pr’amor que lo caçaire se deviá defendre o pr’amor qu’anava après la noiridura del caçaire e per tant èra dangierós”.
En mai d’aquò, la sciéncia a pogut descriure l’environament siberian de l’epòca. Èran de prats longs e dobèrts amb pauca vegetacion mas fòrça erbivòrs. Las temperaturas èran semblablas a las que i a uèi lo jorn mas l’estiu èra mai caud.
Totun, Leonid Vishyatsky, de l’Institut d’Istòria de la Cultura Materiala russa non a pogut determinar s’aquestes òmes èran òmes modèrnes. Neandertal viviá tanben en aquela epòca e caçava de grand mamifèrs. Poirián èsser estats eles los primièrs a intrar en America?. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Segon aquò, “los òmes qu’aurián matat aqueste mamot trobat fa gaire en Artic siberian perseguissián l’animal pr’amor qu’avián de besonh de la pèl, de la carn e dels òsses del mamot —çò diguèt Vladimir Pitulko, de l’Acadèmia de las Sciéncias Russa—. E ara ja se pòt confirmar que l’òme ja aviá colonizat l’Artic siberian central de la region de la baia de Ienissèi fa 50 000 ans. L’òme cacèt lo mamot de fòrça prèp”.
Cercavan de far de lesions mortalas
La còla qu’a analizat los òsses del mamot an pogut determinar que los caçaires ja l’avián nafrat amb de lanças abans de l’aucir. Volián causar de lesions mortalas dins las artèrias mai grandas de l’animal, mas sospièchan qu’aguèron d’esperar longtemps abans la mòrt del mamot. Alavetz lo mangèron entièr, e mai la lenga.
Amb aquesta descobèrta, d’autres paleontològs an trobat de rèstas de mamot, bisont, rinocèros, cèrvi roge, cèrvi e tanben lop. “Manjavan tot çò que podián, çò diguèt Pitulko. Lo lòp foguèt tuat pr’amor que lo caçaire se deviá defendre o pr’amor qu’anava après la noiridura del caçaire e per tant èra dangierós”.
En mai d’aquò, la sciéncia a pogut descriure l’environament siberian de l’epòca. Èran de prats longs e dobèrts amb pauca vegetacion mas fòrça erbivòrs. Las temperaturas èran semblablas a las que i a uèi lo jorn mas l’estiu èra mai caud.
Totun, Leonid Vishyatsky, de l’Institut d’Istòria de la Cultura Materiala russa non a pogut determinar s’aquestes òmes èran òmes modèrnes. Neandertal viviá tanben en aquela epòca e caçava de grand mamifèrs. Poirián èsser estats eles los primièrs a intrar en America?. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bo saber que venim de lluny, el coneixement no te preu.
l'Ernest, "El Tàrrega".
M'a permés de descobrir lo site sapiéncia, passionant !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari