La ministra de l’educacion francesa, Najat Vallaut-Belkacem, a demandat un rendètz-vos amb Niantic, la societat qu’edita lo jòc Pokémon Go, lo jòc que reüssís. “Ai demandat que i aja pas de Pokémon rars dins los establiments escolars”, çò diguèt la ministra a un jornalista d’i-Télé, segon çò que rapòrta Le Monde.
 
Lo cabinet de Vallaud-Belkacem confirmèt aquela informacion al quotidian francés, en tot precisar que la ministra a escrich als caps dels establiments per lor remembrar l’existéncia d’un formulari que permet de senhalar los “Pokéstops” e las arenas indesirablas dels luòcs clau del jòc, que pòdon èsser plaçats dins d’escòlas, de collègis e de licèus. “La sola veraia inquietud pòrta suls Pokémon rars e lo risc d’intrusion massissa dins un establiment. Es especificament aquí dessús que lo rendètz-vos es estat demandat”.
 
Pokémon Go a revolucionat l’univèrs dels jòcs vidèo, e los jogaires se passejan per carrièras en tot ensajar de caçar de mostres virtuals. La formula magica es la mescla del passat e del futur. An recuperat los centenats de creaturas fantasticas que dins las annadas 1990 capitèron ben demest los usatgièrs de Game Boy, e las an incorporadas a la tecnologia de mòda, çò es la realitat aumentada.
 
Pokémon Go cèrca de produire la sensacion que lo jogaire fa partida de l’istòria. Los usatgièrs emplegan lor telefòn intelligent —concretament lo GPS e la camèra— per poder caçar de Pokémons dins lo Mond real. Quin espaci que siá de la vila pòt amagar de nòus mostres e lo jogaire se deu entraïnar per far evolucionar aquelas bèstias.





    

fffff		fffff
	Norvègia: an susprés una politiciana que jogava a Pokémon Go dins una comission parlamentària La cap del Partit Liberal de Norvègia, Trine Skei Grande, es estada suspresa per la television del Parlament d’aquel país en jogant a Pokémon Go pendent una comission sus la defensa e los afars estrangièrs, après aver pausat una question a un dels expèrts de la comission. Lo partit de Grande es un dels principals aliats del govèrn de la primièra ministra, Erna Solberg. Lo cap de la comission, Øyvind Halleraker, a declarat, après veire los imatges, qu'“es crucial que prengam seriosament la nòstra responsabilitat dins l’OTAN e l’Artic. Avèm parlat uèi de tèmas fòrça importants”. Al començament, Grande a refusat de far de comentaris, mas puèi, via SMS, s’es defenduda en disent que “qualques unes escotam melhor quand fasèm mai d’una causa”.

La folie Pokémon Go s'empare des cours d'écoles...por ITELE