Actualitats
Revirada d’Alemanha e de França al TAFTA
Per contra, la Comission europèa considèra que las negociacions per un liure comèrci amb los Estats Units an lo sosten dels estats de l’UE
“Lo TTIP a mal capitat”, çò a dich lo ministre de l’economia alemand, Sigmar Gabriel, en considerant, aquesta setmana, qu’es mòrt lo projècte del Partenariat Transatlantic de Comèrci e d'Investiment (lo TTIP, segon sa sigla en anglés, qu'es tanben conegut coma TAFTA). Aquel projècte d’acòrdi comercial entre los Estats Units e l’Union Europèa se negòcia en secret dempuèi qualques meses.
Segon Gabriel, la malescasuda de las negociacions es un fach, “e mai se degun o reconeis pas”, pr’amor qu’après 14 rondas de convèrsas amb la delegacion estatsunidenca, òm es arribat quitament pas a un acòrdi dels 27 capítols debatuts.
La posicion del socialdemocrata Gabriel contrasta amb Angela Merkel, amb qui parteja un govèrn de coalicion. La cancelièra s’es totjorn mostrada favorabla al TTIP. Pasmens, l’opinion del ministre es nuançada pr’amor qu’el si qu’es favorable a l’acòrdi amb Canadà, nomenat CETA, que considèra qu’es un exemple que cal seguir per elaborar mai de tractats de comèrci internacional.
Segon la Comission Europèa, las negociacions marchan plan
D’un autre costat, la Comission Europèa (CE) assegura que la negociacion marcha ben e qu’a Brussèlas òm es dispausat a conclure un acòrdi amb los Estats Units a la fin d’ongan. La pòrtavotz executiva de l’UE, Margaritis Schinas, defendèt dimars que “la palma es en jòc” e que i aviá “de progrèsses. En mai d’aquò afirmèt que la CE a lo sosten de totes los estats membres de l’UE, que donèron lor apièja al president Jean-Claude Juncker. D’afirmacions fòrça diferentas de la que faguèt Sigmar Gabriel a la television alemanda ZDF, en tot dire que “las causas bolegan pas”.
França demanda l’arrèst de las negociacions
França a manifestat son oposicion d’un biais net e clar. Lo secretari d’estat del comèrci, Matthias Fekl, o a dich sus Twitter: “França demanda l’arrèst de las negociacions del #TAFTA #TTIP”.
Segon Fekl i deu aver una fin indubitabla de las convèrsas per tal que se pòsca recomençar “sus una bona basa”. En mai d’aquò precisèt que la CE a pas pus “lo sosten politic de França per las negociacions”. Segon lo ministre francés, los Estats Units ofrisson “solament de miquetas”.
De son costat, lo president François Hollande considèra que “las discussions poiràn pas arribar a un acòrdi d’aicí a la fin de l’an”. E apondèt, a prepaus del tractat, “que França lo poirià pas aprovar”. Hollande aviá ja dich lo 3 de mai passat que França refusava lo TAFTA perqu'“es pas per lo liure escambi sens règlas”.
Segon Gabriel, la malescasuda de las negociacions es un fach, “e mai se degun o reconeis pas”, pr’amor qu’après 14 rondas de convèrsas amb la delegacion estatsunidenca, òm es arribat quitament pas a un acòrdi dels 27 capítols debatuts.
La posicion del socialdemocrata Gabriel contrasta amb Angela Merkel, amb qui parteja un govèrn de coalicion. La cancelièra s’es totjorn mostrada favorabla al TTIP. Pasmens, l’opinion del ministre es nuançada pr’amor qu’el si qu’es favorable a l’acòrdi amb Canadà, nomenat CETA, que considèra qu’es un exemple que cal seguir per elaborar mai de tractats de comèrci internacional.
Segon la Comission Europèa, las negociacions marchan plan
D’un autre costat, la Comission Europèa (CE) assegura que la negociacion marcha ben e qu’a Brussèlas òm es dispausat a conclure un acòrdi amb los Estats Units a la fin d’ongan. La pòrtavotz executiva de l’UE, Margaritis Schinas, defendèt dimars que “la palma es en jòc” e que i aviá “de progrèsses. En mai d’aquò afirmèt que la CE a lo sosten de totes los estats membres de l’UE, que donèron lor apièja al president Jean-Claude Juncker. D’afirmacions fòrça diferentas de la que faguèt Sigmar Gabriel a la television alemanda ZDF, en tot dire que “las causas bolegan pas”.
França demanda l’arrèst de las negociacions
França a manifestat son oposicion d’un biais net e clar. Lo secretari d’estat del comèrci, Matthias Fekl, o a dich sus Twitter: “França demanda l’arrèst de las negociacions del #TAFTA #TTIP”.
La France demande l'arrêt des négociations du #TAFTA#TTIP
— Matthias Fekl (@MatthiasFekl) 30 d’agost de 2016
Segon Fekl i deu aver una fin indubitabla de las convèrsas per tal que se pòsca recomençar “sus una bona basa”. En mai d’aquò precisèt que la CE a pas pus “lo sosten politic de França per las negociacions”. Segon lo ministre francés, los Estats Units ofrisson “solament de miquetas”.
De son costat, lo president François Hollande considèra que “las discussions poiràn pas arribar a un acòrdi d’aicí a la fin de l’an”. E apondèt, a prepaus del tractat, “que França lo poirià pas aprovar”. Hollande aviá ja dich lo 3 de mai passat que França refusava lo TAFTA perqu'“es pas per lo liure escambi sens règlas”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Tafta se'n va per la pòrta mas tornarà per la fenèstra amb un autre nom. E serà pas mens taftaïan!
I a una guerra, pauç coneiguda, que fai ratja entre
- d'un biais, un malhum d'elites, d'entitats bancarias, de consòrciums financiers internacionaus e de marionetas politicas, que trabalhan a tornar far la psicologia dau public e de la societat, ente tot seria centralisat per lor permettre de controlar totas las faças daus governaments, dau comerci, de la vista e mesma de la bosòla morala emben una buraucracia sens estat d'amna que fera pas de nòstres interests son centre d'accion. Appelam -los : los globalistes
- de l'autre costat, un movament que lucha contre aquela globalisacion per defendre daus dreits de libertat per tot un chacun e que recampa de religios, d'atéus, , de personas de totas originas etnicas e financieras. Per en saubre mai : http://lesakerfrancophone.fr/les-raisons-pour-lesquelles-les-globalistes-sont-amenés-a-perdre.
Las consequenças dau non de Franca e d'Alemanha aura forças consequenças a començar per una guerra emben l'UE que porria desfar l'Euròpe, un raprochament emben Russia, un cop dur per los Etats-Unis que perdan daus alliats economics e de las consequenças an niveu politic dins los estats concernats. A segre!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari