Actualitats
Montpelhièr: quatre ans de preson ferma per un admirador de l’Estat Islamic
Justícia o revenge, s’agís d’una sancion recòrd per apologia del terrorisme
Lo tribunal correccional de Montpelhièr a condemnat aqueste dimècres 31 d’agost Khader Cikilli a la pena de cinc ans de preson, dont un amb sosta, per de faches d’apologia de terrorisme, çò rapòrta Midi Libre. Justícia o revenge, s’agís d’una sancion recòrd per aquel tipe de delicte.
Cikilli es un òme de 30 ans, que durant plusors meses, en 2015, publiquèt de propaganda de l’autoproclamat Estat Islamic suls rets socials Facebook e mai que mai Twitter. Demest sas publicacions, aviá quitament partejat de vidèos de decapitacions.
Fàcia a la duretat de la pena, son avocat a anonciat son intencion de far apèl.
Cikilli a solament retengut las cargas d’apologia de terrorisme, mas pas de carga per terrorisme. Foguèt suspècte de terrorisme, pr’amor que faguèt un anar-retorn entre Montpelhièr e Sint-Jans-Molenbeek, dins la banlèga de Brussèlas, en novembre de 2015 durant la dimenjada dels atemptats de París. Mas cap d’element a pas permés de verificar aquela sospiècha.
Cikilli es un òme de 30 ans, que durant plusors meses, en 2015, publiquèt de propaganda de l’autoproclamat Estat Islamic suls rets socials Facebook e mai que mai Twitter. Demest sas publicacions, aviá quitament partejat de vidèos de decapitacions.
Fàcia a la duretat de la pena, son avocat a anonciat son intencion de far apèl.
Cikilli a solament retengut las cargas d’apologia de terrorisme, mas pas de carga per terrorisme. Foguèt suspècte de terrorisme, pr’amor que faguèt un anar-retorn entre Montpelhièr e Sint-Jans-Molenbeek, dins la banlèga de Brussèlas, en novembre de 2015 durant la dimenjada dels atemptats de París. Mas cap d’element a pas permés de verificar aquela sospiècha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal estar fotut del cap per defendre a EI, e sa cola que l'ajudan coma l'Imperi del Mal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari