Actualitats
Brasil: après la destitucion de Rousseff s’anóncia la privatizacion de las ressorsas publicas
Lo país fa una virada devèrs las politicas mai neoliberalas, coma Argentina
Dins las actualitats internacionalas avèm vist aquesta setmana la destitucion de la presidenta de Brasil, Dilma Rousseff, acusada d’aver contornejat los comptes per amagar lo deficit dins lo budget. Lo Senat validèt dimècres passat, per 61 vòtes en favor e 20 contra, aquel “impeachment” qualificat per Rousseff e per qualques jutges brasilièrs de “còp d’estat parlamentari”.
Michel Temer es vengut lo nòu president del país e a anonciat que sa politica principala serà la privatizacion de las ressorsas publicas. Totun, sa primièra tòca es d’aprovar una proposicion de lei per reformar la constitucion tocant los dreches socials. Aital, Brasil fa una virada devèrs las politicas mai neoliberalas, coma Argentina.
Las privatizacions, en Brasil apeladas eufemisticament “desestatacions”, s’arrestèron en 2003 amb la victòria de l’esquerrista Partit dels Trabalhadors (PT) e los dos darrièrs presidents del país Luiz Inácio Lula da Silva e Dilma Rousseff. Mas Témer comencèt aquelas “desestatacions” fa qualques meses coma president interimari e ara se prevei que va privatizar tot çò privatizable.
“L’estat deu transferir al sector privat tot çò que serà possible en matèria d’infrastructura”, çò disiá un rapòrt entitolat A Travessia Social (La Traversada Sociala) divulgat pel Partit del Movement Democratic Brasilian (PMDB), quand encara Témer èra vicepresident de Roussef e maquinava son saut sus la presidéncia. Aquel document especificava las politicas economicas que metriá en marcha lo PMDB en cas que conquistèsse la presidéncia, que Témer obtenguèt lo 12 de mai d’un biais interimari, e ara ja definitiu.
Dempuèi lo 12 de mai passat, que lo Parlament de Brasil votèt la destitucion de Dilma Rousseff, e mai se caliá esperar la confirmacion del Senat, Témer lancèt un plan d’austeritat justificat pels comptes publics del país que son “damatjats”. Amb aquel plan lo govèrn de Témer espèra encaissar l’an que ven entre 20 e 30 miliards de reals (entre 5,50 e 8,25 miliards d’èuros). Aquel plan inclutz una seguida de privatizacions.
Dins un primièr moment se prevei de privatizar los aeropòrts de Florianópolis, Porto Alegre, Salvador e Fortalesa e almens dos pòrts, segon de fonts del nòu govèrn del país. Témer a tanben anonciat las privatizacions dels aeropòrts de Congonhas (São Paulo) e Santos Dumont (Rio de Janeiro), mas la proposicion es pel moment en espèra. De tot biais, Témer anonciarà son plan quand rintrarà de la reünion del Grop dels 20 que se tendrà en China los 4 e 5 de setembre.
Amnestia per la corrupcion
Michel Témer es acusat de recebre d’argent negre per finançar sas campanhas electoralas, e d’èsser gratificat per divèrsas societats tocadas per l’escàndol de Petrobras, un ret de corrupcion que prenguèt illegalament 2 miliards de dolars de la societat estatala de petròli. Aquela enquèsta tòca tanben lo president del Senat, Renan Calheiros, e lo president de la Cambra dels Deputats, Rodrigo Maia.
Los tres politicians refusan las acusacions e per ara i a pas de pròvas que confirmen aquelas acusacions. Pasmens, dempuèi junh passat, una còla d’avocats son a elaborar una proposicion de lei anticorrupcion que cèrca de distinguir entre “recebre d’argent negre” e “recebre de gratificacions”. A l’ora d’ara, la lei es pauc clara dins aquel sens, e diferenciar los dos delictes desliurariá dos centenats de parlamentaris de las acusacions portadas per l’enquèsta.
L’enquèsta es coneguda coma l’operacion Lava Jato, per tant popularament òm apèla aquela proposicion “l’amnestia de Lava Jato”.
De legir:
— Directa: Cop d’estat encobert del poder judicial i mediàtic al Brasil (e traduch automaticament en occitan)
— Público: Los siete pecados capitales de la nueva era en Brasil tras Rousseff (e traduch automaticament en occitan)
— Opinion de Dídac Cerezo: Mas d’ont es vengut, aquel impeachment? Brasil e Dilma Rousseff
Michel Temer es vengut lo nòu president del país e a anonciat que sa politica principala serà la privatizacion de las ressorsas publicas. Totun, sa primièra tòca es d’aprovar una proposicion de lei per reformar la constitucion tocant los dreches socials. Aital, Brasil fa una virada devèrs las politicas mai neoliberalas, coma Argentina.
Las privatizacions, en Brasil apeladas eufemisticament “desestatacions”, s’arrestèron en 2003 amb la victòria de l’esquerrista Partit dels Trabalhadors (PT) e los dos darrièrs presidents del país Luiz Inácio Lula da Silva e Dilma Rousseff. Mas Témer comencèt aquelas “desestatacions” fa qualques meses coma president interimari e ara se prevei que va privatizar tot çò privatizable.
“L’estat deu transferir al sector privat tot çò que serà possible en matèria d’infrastructura”, çò disiá un rapòrt entitolat A Travessia Social (La Traversada Sociala) divulgat pel Partit del Movement Democratic Brasilian (PMDB), quand encara Témer èra vicepresident de Roussef e maquinava son saut sus la presidéncia. Aquel document especificava las politicas economicas que metriá en marcha lo PMDB en cas que conquistèsse la presidéncia, que Témer obtenguèt lo 12 de mai d’un biais interimari, e ara ja definitiu.
Dempuèi lo 12 de mai passat, que lo Parlament de Brasil votèt la destitucion de Dilma Rousseff, e mai se caliá esperar la confirmacion del Senat, Témer lancèt un plan d’austeritat justificat pels comptes publics del país que son “damatjats”. Amb aquel plan lo govèrn de Témer espèra encaissar l’an que ven entre 20 e 30 miliards de reals (entre 5,50 e 8,25 miliards d’èuros). Aquel plan inclutz una seguida de privatizacions.
Dins un primièr moment se prevei de privatizar los aeropòrts de Florianópolis, Porto Alegre, Salvador e Fortalesa e almens dos pòrts, segon de fonts del nòu govèrn del país. Témer a tanben anonciat las privatizacions dels aeropòrts de Congonhas (São Paulo) e Santos Dumont (Rio de Janeiro), mas la proposicion es pel moment en espèra. De tot biais, Témer anonciarà son plan quand rintrarà de la reünion del Grop dels 20 que se tendrà en China los 4 e 5 de setembre.
Amnestia per la corrupcion
Michel Témer es acusat de recebre d’argent negre per finançar sas campanhas electoralas, e d’èsser gratificat per divèrsas societats tocadas per l’escàndol de Petrobras, un ret de corrupcion que prenguèt illegalament 2 miliards de dolars de la societat estatala de petròli. Aquela enquèsta tòca tanben lo president del Senat, Renan Calheiros, e lo president de la Cambra dels Deputats, Rodrigo Maia.
Los tres politicians refusan las acusacions e per ara i a pas de pròvas que confirmen aquelas acusacions. Pasmens, dempuèi junh passat, una còla d’avocats son a elaborar una proposicion de lei anticorrupcion que cèrca de distinguir entre “recebre d’argent negre” e “recebre de gratificacions”. A l’ora d’ara, la lei es pauc clara dins aquel sens, e diferenciar los dos delictes desliurariá dos centenats de parlamentaris de las acusacions portadas per l’enquèsta.
L’enquèsta es coneguda coma l’operacion Lava Jato, per tant popularament òm apèla aquela proposicion “l’amnestia de Lava Jato”.
De legir:
— Directa: Cop d’estat encobert del poder judicial i mediàtic al Brasil (e traduch automaticament en occitan)
— Público: Los siete pecados capitales de la nueva era en Brasil tras Rousseff (e traduch automaticament en occitan)
— Opinion de Dídac Cerezo: Mas d’ont es vengut, aquel impeachment? Brasil e Dilma Rousseff
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per las tv de l'estat espanhol disian los resultats de la destitucion de Russet: 160 a favor dels conservadors, per 20 per Russet. La veritat era de 60 a 20. Li havien sumat 100 mai als conservadors, totas las tv de dreta. Inclosa la catalana.
Vivam dins un monde de corrupcions organisada per los financiers los pus riches que son au-dessus daus governaments e de las leis.
Contre la Finança l'òm pòd ren, disia mon pair que tornava dire çò que los socialistes frances avian tirats de la leiçon dau Front populari de 1936.
La Finança finança los partis de dreicha coma los partis de l'esquerra, mai tanben los medias. Malhor aus leaders qu'eschaparian a son contròle. L'òm crei esser lo lop dins la berjaria quand l'òm es leader mas sem mas l'anheu dins l'ostal daus lops.
es recusos ja haviem estat privatitzats per els corruptes del pt hi ha gent d´altres partits també pero erem nomes socis era el pt era lula qui encaplaçava la cleptocracia segons les investigacions hi ha molt mes evidencies de que dilma podria ser involucrada de que no pas temer jo mai havia sentit parlar d´ell lligat a la corrupció abans de l´impediment aço es un factoide politic.que es privatitzi tot!! llavors qui haura de pagar possibles desviaments seran es empresaris i no pas jo.quant als anomenats ´drets socials´ crec que el primer d´ells hauria de ser la seguretat un afer molt mal gestit pel pt i per els moviments (anti)socials d´esquerres que estan atacant i calumniant la policia tot el temps i la feina que esta en falta gracies a les desastroses politiques d´orientació socialista del pt. per cert el material recomanat per llegir avall del text no serveix de res recomano millores.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari