E mai s’Índia amassa un quart de la populacion mondiala, los mèdias an a pena raportat la cauma generala que la visquèt aqueste divendres passat lo país, e qu'es seguida per totes los sectors de produccion, l’educacion, la banca e los transpòrts. Participèron a la cauma 180 milions de personas, segon Quartz, e d’après çò que confirman divèrses caumaires sus Twitter. La BBC parla de 150 milions e The Guardian ditz que son 140 milions.
 
Los centenats de milions de caumaires seguissián l’apel dels dètz sindicats màger en tot exigir la fin de çò qu’apèlan “las politicas antiobrièras e antipopularas” del govèrn de Narenda Modi.
 
Demest las 12 demandas dels caumaires (veire document çai-jonch) cal soslinhar lo salari minimal de 15 000 ropias (aperaquí 200 èuros), la seguretat sociala universala e empedir las privatizacions e l’investiment del capital estrangièr dins los camins de fèrre, las indústrias, las asseguranças e la defensa.