Actualitats
En Itàlia son pas pus Charlie
La revista satirica Charlie Hebdo provòca l’indignacion en se trufant de las victimas del tèrratrem d’Itàlia del 24 d’agost passat
En Itàlia son pas pus Charlie. E mai s’en genièr de 2015 se solidarizèron amb la revista satirica francesa Charlie Hebdo, après l’atac terrorista que desencadenèt un masèl dins la redaccion, ara lo mond se mòstran indignats amb la revista. La causa n'es una vinheta que cèrca de far un resumit satiric del tèrratrem que devastèt lo centre del país e que tuèt gaireben tres centenats de personas. Lo dessenh mòstra dos ferits pel sisme e una montanha de tarcums amb de rèstas umanas dedins. Sus cada dessenh es escrich lo nom d’una mangiscla italiana: “macarrons amb de salsa de tomata”, “macarrons gratinats” e “lasanhas”.
Lo cònsol d’Amatrice, Sergio Pirozzi, que lo 24 d’agost passat planhiá que sa vila existiguèsse pas pus, a dich qu’aquel dessenh es una “vergonha”. “Cossí diable fan una vinheta suls mòrts! Soi segur qu’aquela satira embarrassanta e antiestetica correspond pas al sentiment del pòble francés”, çò declarèt Pirozzi a l’edicion italiana de l’Huffington Post.
Los rets socials son plens de messatges d’indignacion contra aquel dessenh desfortunat.
Charlie Hebdo èra ja conegut per aver ridiculizat d’un biais umiliant la lenga e lo pòble occitans, coma o remembravan plan sus lor tribuna d’opinion Gèli Grande e Joan Pèire Cavalier.
#ioNONsonocharlie tuits
Lo cònsol d’Amatrice, Sergio Pirozzi, que lo 24 d’agost passat planhiá que sa vila existiguèsse pas pus, a dich qu’aquel dessenh es una “vergonha”. “Cossí diable fan una vinheta suls mòrts! Soi segur qu’aquela satira embarrassanta e antiestetica correspond pas al sentiment del pòble francés”, çò declarèt Pirozzi a l’edicion italiana de l’Huffington Post.
Los rets socials son plens de messatges d’indignacion contra aquel dessenh desfortunat.
Charlie Hebdo èra ja conegut per aver ridiculizat d’un biais umiliant la lenga e lo pòble occitans, coma o remembravan plan sus lor tribuna d’opinion Gèli Grande e Joan Pèire Cavalier.
La nostra prima pagina di oggi @Charlie_Hebdo_ #Amatricepic.twitter.com/B7TwNNMVZW
— IL TEMPO (@tempoweb) 3 de setembre de 2016
#ioNONsonocharlie tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo chovinisme de merda present sempre a l'Estat francès.
Ahh ... Charlie Hebdo ... Quitament se soi un afogat d'umor gras e/o negre, i a pas qu'un mot que me monta quand lo vesi : laissièra.
Ai arrestat de lo legir en 2007. Los sicuts que tòrnan dempuèi : foot, governament, islam.
Soi pas convengut qu'a l'ora d'ara lo monde aguèsse vertadièrament besonh d'un jornal que siá "bèstia e missant", e qu'entretengue aqueste eslogan sens res portar de nòu. Repàpia fòrça.
D'autres jornals meritarián benlèu mai d'atencion.
Vergonha !
#2 ... Mes lo monde qu'an tots afichat "Je suis Charlie" en 2015 mentre que hèra chic sabèn çò qu'èra Charlie Hebdo.
Aquesta vinheta qu'ei dens la dralha de hèra de causas qui hasèn a l'epòca on los legèvi.
#1 N'ei pas de uei. Nosautes qu'ac deverem saber.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari