Actualitats
L’ultradrecha torna pojar en Alemanha
Pel primièr còp lo partit d’extrèma drecha Alternativa per Alemanha a obtengut mai de vòtes que lo partit d’Angela Merkel
Las eleccions dins l’estat alemand de Meclemborg-Cispomerània an balhat tornarmai un resultat estonant. Pel primièr còp dins aqueste estat lo partit d’extrèma drecha Alternativa per Alemanha a obtengut mai de vòtes que lo partit d’Angela Merkel, los crestians democratas de la CDU. L’analisi dels resultats es un avertiment per Berlin; l’extrèma drecha poiriá aver sa plaça dins lo Parlament alemand.
La CDU d’Angela Merkel, doncas, a agut solament lo 19% dels vòtes e Alternativa per Alemanha lo 21%. Ça que la, es fòrça probable que se repetisca la coalicion de la CDU amb los socialdemocratas, l’SPD; ensems arriban al 31% dels sufragis.
La votacion s’es debanada solament un jorn après que Merkel aja signat un tractat amb Àustria per admetre de milièrs de refugiats sirians que demòran encara en Ongria e que vòlon intrar dins l’UE. La campanha es estada vista coma un senhal per las eleccions de la Republica Federala de l’an que ven.
Lo secretari general dels crestians democratas en Meclemborg-Cispomerània, Peter Tauber, a dich que lo resultat “es amar per totes los partits democratics” pr’amor qu’avián perdut fòrça vòtes que se’n son anats a Alternativa per Alemanha.
Tauber apondèt qu’aquela nòva formacion politica “es un partit d’extrèma drecha que fa de l’extremisme una causa acceptabla”.
La creissença de l’ultradrecha
Alternativa per Alemanha es un nòu partit alemand qu’a obtengut mai e mai de vòtes dins las tres darrièras eleccions dels Länder o estats alemands ont s’es presentat. Son messatge es d’avertir la populacion que l’arribada dels refugiats metrà fin a las subvencions e al biais de viure dels alemands. Los caps del partit, après conéisser los resultats de l’eleccion, se mostravan trionfants.
A las eleccions d’aquesta dimenjada i a agut un 10% mai de participacion qu’a d’autras precedentas. La sola consolacion que s’i pòsca trobar es que lo partit neonazi Democracia Nacionala es pas arribat al 5% dels vòtes necessaris per obténer de deputats dins lo parlament regional de Meclemborg-Cispomerània.
Ara, divèrses politicians de la quita CDU an criticat Merkel en tot dire que lo partit parla pas dels vertadièrs problèmas que preocupan los alemands e qu’aquò solament benefícia als partits de l’extrèma drecha coma Alternativa per Alemanha.
Las eleccions venentas seran a Berlin e Angela Merkel deurà trabalhar fòrça se vòl capvirar aqueles marrits resultats electorals.
Christian Andreu
La CDU d’Angela Merkel, doncas, a agut solament lo 19% dels vòtes e Alternativa per Alemanha lo 21%. Ça que la, es fòrça probable que se repetisca la coalicion de la CDU amb los socialdemocratas, l’SPD; ensems arriban al 31% dels sufragis.
La votacion s’es debanada solament un jorn après que Merkel aja signat un tractat amb Àustria per admetre de milièrs de refugiats sirians que demòran encara en Ongria e que vòlon intrar dins l’UE. La campanha es estada vista coma un senhal per las eleccions de la Republica Federala de l’an que ven.
Lo secretari general dels crestians democratas en Meclemborg-Cispomerània, Peter Tauber, a dich que lo resultat “es amar per totes los partits democratics” pr’amor qu’avián perdut fòrça vòtes que se’n son anats a Alternativa per Alemanha.
Tauber apondèt qu’aquela nòva formacion politica “es un partit d’extrèma drecha que fa de l’extremisme una causa acceptabla”.
La creissença de l’ultradrecha
Alternativa per Alemanha es un nòu partit alemand qu’a obtengut mai e mai de vòtes dins las tres darrièras eleccions dels Länder o estats alemands ont s’es presentat. Son messatge es d’avertir la populacion que l’arribada dels refugiats metrà fin a las subvencions e al biais de viure dels alemands. Los caps del partit, après conéisser los resultats de l’eleccion, se mostravan trionfants.
A las eleccions d’aquesta dimenjada i a agut un 10% mai de participacion qu’a d’autras precedentas. La sola consolacion que s’i pòsca trobar es que lo partit neonazi Democracia Nacionala es pas arribat al 5% dels vòtes necessaris per obténer de deputats dins lo parlament regional de Meclemborg-Cispomerània.
Ara, divèrses politicians de la quita CDU an criticat Merkel en tot dire que lo partit parla pas dels vertadièrs problèmas que preocupan los alemands e qu’aquò solament benefícia als partits de l’extrèma drecha coma Alternativa per Alemanha.
Las eleccions venentas seran a Berlin e Angela Merkel deurà trabalhar fòrça se vòl capvirar aqueles marrits resultats electorals.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que li envien un molon d'emigrants, es pas una bona nova per cap país. Mas oposar-se a tanta emigracion es pas ser nazi ni d'extrema destra. La destra al govern vol man d'obra barata per pagar quatre reals als trabalhadors, far baissar los salaris, e posar un altra trabalhador nou se aqueste demana unas condicions laborals raonables.
agachatz lei fotos dei vilas alemandas en mai 1945 o puslèu ço que ne sobrava e capiretz perqué l'ideologia nacionau-socialista ei moarta e enterrada, i a de segur agut de partits neo-nazi en Alemanha que se son agut presentats ais eleccions, mai an jamai capitat ren que 1 %, 2 %... Alternative für Deutschland es diferent, l aguèsse pas agut aquela ondada migratoria censada tapar lei traucs de la natalitat germanica, aqueu partit se seriá estancat Frau Markel, filha de pastor, maridada e ges d'enfant. Non pas de n'adoptar dos, tres quatre o cinc, li agrada mièlhs de far venir de bonas femnas de reproducion, musulmanas, aquo vai sensa dire que repoblaràn la republica federala dins l'afaire de doas generacion: mai en estent qu'aquelas femnas saràn acompanhadas de seis omes, li aurà de niadas d'enfants e de masclàs que seràn endoctrinats e partiràn mai en guerra islamo-fascista a la tresena generacion; aquo es una eventualitat, mai pot n'i aguer d'autras : l'esfondrament economic de la locomotiva de l'Europa, o ben e seriá miraculos, l'integracion d'aquelei "primo-arribants" -Neuankommlinge ?-dins nostra ludica civilisation dau consum e dau degalh
NB sai pas s'aqueu mot exista en alemand e la traduccion que ne fau es azardosa
El nazisme va ser un intent ridícul de fer un nou Imperi (Reich). En només uns 5 anys es va fondre (1939-1945). Tanmateix l'Imperi Romà va romandre en el poder absolut devers 5 segles tot i que a partir del segle III d.C certament va haver d’enfrontar-se a una sèrie de problemes greus. Ara mateix una part dels alemanys volen reviure un altre somni de "Reich". Mai he entès perquè els governants de França han maldat per voler unes relacions "amicals" amb Alemanya. No n'hi ha prou després de patir dues grans guerres mundials.
Dreta que puja o poder que baisha ? La magia deus percentatges.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari