Actualitats
Lo ministèri public demanda de tornar jutjar Sarkozy per l’afar Bygmalion
Se l’èx-president ganha l’eleccion presidenciala en 2017, los procèsses judiciaris contra el demorarián blocats fins a la fin de son mandat, en 2022
Lo ministèri public financièr de París a requerit lo remandament de Nicolas Sarkozy per l’afar Bygmalion, çò es per “finançament illegal de campanha electorala”. Lo procuraire a demandat tanben lo remandament de totes los autres meses en examen, segon çò que rapòrta Europe 1. Al total son 14 personas mesas en examen que lo Ministèri Public demanda de tornar jutjar. Ara ven al jutge de decidir.
Sarkozy aspira a representar lo sieu partit politic, apelat ara Los Republicans, a l’eleccion presidenciala francesa que se tendrà en 2017, coma o anoncièt ja fa qualques jorns. En cas que ganhe l’eleccion, los procèsses judiciaris contra el demorarián blocats fins a la fin de son mandat, en 2022.
L’afar Bygmalion
L’èx-president de la Republica Francesa, Nicolas Sarkozy, foguèt mes en examen lo 16 de febrièr passat per “finançament illegal” de sa campanha presidenciala de 2012, a causa d’un despassament del plafon dels comptes de campanha.
Après l’entendre durant 12 oras, los jutges del pòl financièr del tribunal de granda instància de París tanplan decidiguèron de plaçar l’èx-president francés jos l’estatut de testimòni assistit per “fals, escrocariá e abús de fisança”. O faguèron dins l’encastre de l’afar Bygmalion, un escàndol que se nomena coma la societat que faguèt de facturas falsas d’aperaquí 18,5 milions d’èuros per que l’UMP, lo partit de Sarkozy, poguèsse justificar de despensas qu’en vertat correspondián a la campanha electorala.
Amb Sarkozy son ja 14 los individús meses en examen per aquel afar, dont los caps de Bygmalion, mas tanben divèrses lidèrs de l’UMP coma l’èx-director general Eric Cesari e los dos responsables de la campanha, Guillaume Lambert e Jérôme Lavrilleux, qu’a reconegut sa participacion a l’afar.
Sarkozy aspira a representar lo sieu partit politic, apelat ara Los Republicans, a l’eleccion presidenciala francesa que se tendrà en 2017, coma o anoncièt ja fa qualques jorns. En cas que ganhe l’eleccion, los procèsses judiciaris contra el demorarián blocats fins a la fin de son mandat, en 2022.
L’afar Bygmalion
L’èx-president de la Republica Francesa, Nicolas Sarkozy, foguèt mes en examen lo 16 de febrièr passat per “finançament illegal” de sa campanha presidenciala de 2012, a causa d’un despassament del plafon dels comptes de campanha.
Après l’entendre durant 12 oras, los jutges del pòl financièr del tribunal de granda instància de París tanplan decidiguèron de plaçar l’èx-president francés jos l’estatut de testimòni assistit per “fals, escrocariá e abús de fisança”. O faguèron dins l’encastre de l’afar Bygmalion, un escàndol que se nomena coma la societat que faguèt de facturas falsas d’aperaquí 18,5 milions d’èuros per que l’UMP, lo partit de Sarkozy, poguèsse justificar de despensas qu’en vertat correspondián a la campanha electorala.
Amb Sarkozy son ja 14 los individús meses en examen per aquel afar, dont los caps de Bygmalion, mas tanben divèrses lidèrs de l’UMP coma l’èx-director general Eric Cesari e los dos responsables de la campanha, Guillaume Lambert e Jérôme Lavrilleux, qu’a reconegut sa participacion a l’afar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo partit de destra chovinista disposat a enebir lo burkini, lo mocador, los símbols religioses, e aprés las lengas, lo pan gojat, l' oli, lo casolet, la bolhavesa, e far manjar fins las sardinas de llauna amb mantega.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari