Actualitats
L’èx-president colombian Álvaro Uribe a començat una campanha contra l’acòrdi de patz
Es a far un “torn pedagogic” per demandar qu’òm vòte “non” al referendum per ratificar l’acòrdi de patz del govèrn colombian e de las FARC
Lo 24 d’agost passat se signèt un acòrdi de patz en Colómbia per metre fin a una guèrra que dura dempuèi las annadas 1960. Ara ven als ciutadans d’aprovar o de refusar l’acòrdi de ponch final signat per lo govèrn colombian e las Fòrças Armadas Revolucionàrias de Colómbia (FARC). O faràn en respondent a la question “Sostenètz-vos l’acòrdi final per l’acabament del conflite e lo bastiment d’una patz establa e durabla?”, dins un referendum que se debanarà lo 2 d’octòbre que ven, que comptarà amb la supervision de l’Organizacion dels Estats Americans (OEA).
Mas l’èx-president Álvaro Uribe, ara senator e cap del partit de l’oposicion Centro Democrático, a entamenat un “torn pedagogic” per far camapanha per qu’òm vòte “non” a l’ocasion del referendum.
Uribe a publicat sus Twitter una fòto de l’autobús de campanha ont se pòt legir las frasas: “A las messorgas de Santos disi... non”, “A las FARC al poder disi... non”, “A l’impunitat pels terroristas disi...non”.
L’anóncia d’Uribe de començar sa campanha contra l’acòrdi de patz arribèt diluns passat, dos jorns après que lo president Juan Manuel Santos confirmèsse que l’acòrdi definitiu amb las FARC se signarà solemnament lo 26 de setembre que ven a Cartagena de Indias.
Mas l’èx-president Álvaro Uribe, ara senator e cap del partit de l’oposicion Centro Democrático, a entamenat un “torn pedagogic” per far camapanha per qu’òm vòte “non” a l’ocasion del referendum.
Uribe a publicat sus Twitter una fòto de l’autobús de campanha ont se pòt legir las frasas: “A las messorgas de Santos disi... non”, “A las FARC al poder disi... non”, “A l’impunitat pels terroristas disi...non”.
L’anóncia d’Uribe de començar sa campanha contra l’acòrdi de patz arribèt diluns passat, dos jorns après que lo president Juan Manuel Santos confirmèsse que l’acòrdi definitiu amb las FARC se signarà solemnament lo 26 de setembre que ven a Cartagena de Indias.
Comité ciudadano de Campaña NO+ empieza recorrido en Antioquia con pedagogía sobre por qué votar NO en el plebiscito pic.twitter.com/HgX6fUXfAC
— Álvaro Uribe Vélez (@AlvaroUribeVel) 4 de setembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las messorgas de la dreta, com ja sabem, se diuen la veritat, es per aprés negarla. Colha de miserables !
Uribe paramilitar
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari