Actualitats
Catalonha celèbra uèi sa fèsta nacionala en disent al Mond que son prèstes per l’independéncia
Dins las divèrsas manifestacions convocadas uèi en Catalonha, se vòl “mostrar al Mond que [son] un país viu, en movement, organizat e prèst per venir un nòu estat”
302 ans après la pèrda de sas libertats, Catalonha festeja uèi sa jornada nacionala dins l’encastre d’un procès per l’independéncia que se debana dempuèi sièis ans, e dins un estat espanhòl que ten un dels recòrds mondials de jorns sens govèrn.
Al delà dels actes institucionals, l’Assemblada Nacionala Catalana (ANC) e Òmnium Cultural an apelat a cinc manifestacions simultanèas a Salt, Berga, Tarragona, Lhèida e Barcelona. “Volèm que la votz de totas las gents que compausan aqueste país se faga ausir dins la mobilizacion en cinc ponches del territòri, çò que mostrarà al Mond que sèm un país viu, en movement, organizat e prèst per venir un nòu estat”, çò dison los coordenadors de la mobilizacion. Se prevei que la participacion serà massissa, coma se passèt dins las mobilizacions dels ans precedents.
En mai d’aquò, e per internacionalizar lo procès independentista, l’ANC a organizat la setmana catalana apelada #CatalanWeek, amb d’eveniments pendent tota la setmana a París, Londres, Zuric, Madrid, Bilbao, Roterdam, Sant Sebastian....
L’11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Crida a la mobilizacion:
Presentacion de la mobilizacion:
La cançon de la mobilizacion:
Al delà dels actes institucionals, l’Assemblada Nacionala Catalana (ANC) e Òmnium Cultural an apelat a cinc manifestacions simultanèas a Salt, Berga, Tarragona, Lhèida e Barcelona. “Volèm que la votz de totas las gents que compausan aqueste país se faga ausir dins la mobilizacion en cinc ponches del territòri, çò que mostrarà al Mond que sèm un país viu, en movement, organizat e prèst per venir un nòu estat”, çò dison los coordenadors de la mobilizacion. Se prevei que la participacion serà massissa, coma se passèt dins las mobilizacions dels ans precedents.
En mai d’aquò, e per internacionalizar lo procès independentista, l’ANC a organizat la setmana catalana apelada #CatalanWeek, amb d’eveniments pendent tota la setmana a París, Londres, Zuric, Madrid, Bilbao, Roterdam, Sant Sebastian....
L’11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
Crida a la mobilizacion:
Presentacion de la mobilizacion:
La cançon de la mobilizacion:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca Catalunya, i Occitània Lliures! Que el que és un començament per nosaltres, ho sigui també per tots els Països del Mon.
Despertaferro!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari