L’Assocacion Caminòc de Santa Gabèla (Lauragués), que trabalha per promòure la lenga e la cultura occitanas, organiza qualques eveniments fòrça interessants per la fin de setembre e lo començament d’octòbre. Totes aqueles eveniments son organizats per sosténer lo projècte d’un centre cultural a Santa Gabèla, que compren, especialament, una Calandreta.

Lo 30 de setembre al Plan del Genat
 
Dissabte 30 de setembre, se debanarà una caminada guidada en occitan al Plan del Genat. S’agís d’una passejada aisida de qualques 700 mètres de desnivèl. Sortirà de la gara de Tarascon (Savartés) e es dobèrta als enfants de mai de uèch ans.
 
Per arribar al Plan del Genat, se pojarà per una dralha long d’una paret rocosa impressionanta. Al delà de las explicacions sus la fauna e la flòra en lenga nòstra, se dirà de contes pels enfants.
 
Un còp al plan, se partejarà un dinnar trach del sac e una magnifica vista sus la val.
 
Informacions e inscripcions al +33 (0)6 51 11 32 47.
 
 
Los 6 e 7 d’octòbre a l’escota del bram del cèrvi en Comenge
 
Aquela caminada, de las facilas, vos farà partir en fin de vèspre al mièg dels bòsques montanhòls fins a una cabana, que se causirà en fonction del nombre de participants, situada suls versants boscoses dels Pirenèus centrals. I passaretz una nuèch e puèi tornaretz dins la matinada per qualque autre camin.
 
Informacions e inscripcions al +33 (0)6 51 11 32 47 abans lo 3 d’octòbre.
 
 
Los 13 e 14 d’octòbre: Fèsta Occitana de Santa Gabèla
 
L’activitat de Caminòc per recaptar d’argent, pel projècte del centre cultural e la Calandreta, seguís la dimenjada dels 13 e 14 d’octòbre a Santa Gabèla (Lauragués)
 
Al delà de projeccions e de conferéncias d’istòria, d’estagis de musica, d’una mongetada, lo concèrt d’òrgue de Rudolf Lutz, lo concèrt d’Eric Fraj e lo balèti del duo Brotto Lopez, cal soslinhar l’inauguracion del Passatge Maurici Andrieu, amb un vin d’onor ofèrt per la municipalitat.