Actualitats
12 000 personas a Perpinhan pel “País Catalan”
An manifestat per que la nom de la nòva region prenga en compte lor catalanitat e an demandat a l’estat francés una particularitat juridica per Catalonha Nòrd
Qualques milièrs de personas manifestèron dissabte passat a Perpinhan (12 000 segon l’organizacion e 7000 segon la polícia) per reclamar que lo nòm de la region siá pas solament “Occitània”mas tanben “País Catalan”. Los manifestants tanben revendiquèron una entitat autonòma especiala per las encontradas catalanas que son dins l’estat francés, e quitament una particularitat juridica del país dins la nòva region. Demest los manfiestants i aviá 147 cònsols màgers de las 226 comunas del departament.
Los organizaires de la manifestacion exigiguèron de l’estat francés qu’escotèsse lo clam ciutadan e preservèsse l’identitat catalana, e qualques unes demandèron un autogovèrn per Catalonha Nòrd similar al de Corsega. “Perqué eles l’an e nosautres l’avèm pas? L’an perque lucheron”, çò diguèt Francesc Bitlloch del collectiu SEM.
Drapèls independentistas
Dins la manifestacion de Perpinhan, las bandièras esteladas, simbòl de l’independéncia de Catalonha, èran nombrosas, çò que marca l’influéncia del procès independentista del Principat de Catalonha.
La manifestacion comptèt amb la solidaritat occitanista, puèi qu'i participèron lo PÒC e País Nòstre, entre d’autres.
Sosten occitan
Lo Partit Occitan (PÒC), lo movement País Nòstre e d’autres representacions de l’occitanisme participèron d'efièch a la manifestacion. “Los catalans devon poder existir e decidir lor avenir”, çò ditz un comunicat del PÒC, que, tocant lo nom de la region, es “favorable a un nom qu'assòcie «Occitània» amb un adjectiu. S’agiriá de respectar lo fach que d’autras regions son tanben occitanas”. En mai d’aquò lo PÒC se declara “favorable a un nom qu’intègre «Catalonha» o «País Catalan»”.
Après la causida eissida del procès participatiu, que lo Conselh Regional i causiguèt “Occitània” amb lo sostítol “Pirenèus-Mediterranèa”, lo PÒC ditz qu’ara “cal trobar una sortida per lo naut amb un estatut per la Catalonha Nòrd per s’enfonzar pas dins una oposicion caricaturala dels catalans contra los occitans. Al contrari, es l’ocasion de construir un avenir”.
Manifestació a Perpinyà. 10 de setembre de 2016por vilawebtv
Los organizaires de la manifestacion exigiguèron de l’estat francés qu’escotèsse lo clam ciutadan e preservèsse l’identitat catalana, e qualques unes demandèron un autogovèrn per Catalonha Nòrd similar al de Corsega. “Perqué eles l’an e nosautres l’avèm pas? L’an perque lucheron”, çò diguèt Francesc Bitlloch del collectiu SEM.
Drapèls independentistas
Dins la manifestacion de Perpinhan, las bandièras esteladas, simbòl de l’independéncia de Catalonha, èran nombrosas, çò que marca l’influéncia del procès independentista del Principat de Catalonha.
La manifestacion comptèt amb la solidaritat occitanista, puèi qu'i participèron lo PÒC e País Nòstre, entre d’autres.
Sosten occitan
Lo Partit Occitan (PÒC), lo movement País Nòstre e d’autres representacions de l’occitanisme participèron d'efièch a la manifestacion. “Los catalans devon poder existir e decidir lor avenir”, çò ditz un comunicat del PÒC, que, tocant lo nom de la region, es “favorable a un nom qu'assòcie «Occitània» amb un adjectiu. S’agiriá de respectar lo fach que d’autras regions son tanben occitanas”. En mai d’aquò lo PÒC se declara “favorable a un nom qu’intègre «Catalonha» o «País Catalan»”.
Après la causida eissida del procès participatiu, que lo Conselh Regional i causiguèt “Occitània” amb lo sostítol “Pirenèus-Mediterranèa”, lo PÒC ditz qu’ara “cal trobar una sortida per lo naut amb un estatut per la Catalonha Nòrd per s’enfonzar pas dins una oposicion caricaturala dels catalans contra los occitans. Al contrari, es l’ocasion de construir un avenir”.
Manifestació a Perpinyà. 10 de setembre de 2016por vilawebtv
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que bé, el Rosselló s'esvera, quants mes millor.
Visca la Terra...Lliure !
"El Tàrrega".
La visibilitat del nom és necessària, mas lo chovinisme de merda de la "gusanera" francesa, sap pas que far per arribar a no far res.
O cal dire a Louise Ekland d'Europe1 qui s'i coneis en mestior de mesprés cultural, musical e lingüistic
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari