Actualitats
Tsipras assolida que lo desacòrdi entre l’Union Europèa e l’FMI pòrta tòrt a Grècia
Assegura que Grècia a ja complit lo 70% de las reformas requeridas mas qu’an pas vist de resultats a causa d’aquel desacòrdi
La disputa qu’an lo Fons Monetari Internacional (FMI) e l'Union Europèa sus cossí afrontar la crisi del deute grèc “porta tòrt al país”, segon çò que diguèt dimenge passat lo primièr ministre grèc, Alexis Tsipras. L’FMI a pas encara decidit se participa a un tresen salvament a Grècia signat en julhet de 2015, en afirmant qu'es pas convencut que lo deute del país siá sostenable o sos objectius budgetaris fasables. Lo deute public del país supèra lo 170% del PIB e es lo pus grand de la zòna èuro.
“Ieu diriá que çò que crèa las condicions de l'espèra per recuperar la fisança dels mercats e dels investisseires (…) son los constants desacòrdi e batèsta entre l’FMI e las institucions europèas”, çò faguèt remarcar Tsipras dins una conferéncia de premsa a Tessalonica.
Segon lo primièr ministre, aqueles desavens empedisson l'inclusion del deute grèc dins lo programa de crompa d’expansion quantitativa (QE) de la Banca Centrala Europèa (BCE). La BCE a dich que pòt pas especificar quora poiriá començar de crompar d’obligacions grègas, mas que Grècia a de besonh de passar d’en primièr una analisi de sostenabilitat del deute.
Los prestaires an promés de veire cossí lo deute grèc pòt devenir sostenable, e que çò qu’eles decidiràn cambiarà se l’FMI causís de jónher lo darrièr acòrdi de salvament. Tsipras precisèt dimenge que lo temps prèissa.
“Un país qu'a fach un ajustament tan dur pòt pas gaire esperar”, çò afirmèt lo primièr ministre del temps qu’assegurèt, net e clar, que “lo problèma grèc es un problèma europèu”.
Divendres, los ministres de las finanças de l’eurozòna avián demandat a Grècia que contunhèsse las reformas que deu adoptar en vertut del salvament, avalorat a 86 miliards d’èuros, abans una segonda revision de l’acòrdi qu'es previst que comence en octòbre.
Tsipras assegurèt que Grècia a ja complit lo 70% de las reformas requeridas. “Normalament ja ne deuriam aver reculhit los fruches […] mas o avèm pas fach […] e aquò es perque i a aquel desacòrdi entre l’FMI e Alemanha”, çò soslinhèt.
“Ieu diriá que çò que crèa las condicions de l'espèra per recuperar la fisança dels mercats e dels investisseires (…) son los constants desacòrdi e batèsta entre l’FMI e las institucions europèas”, çò faguèt remarcar Tsipras dins una conferéncia de premsa a Tessalonica.
Segon lo primièr ministre, aqueles desavens empedisson l'inclusion del deute grèc dins lo programa de crompa d’expansion quantitativa (QE) de la Banca Centrala Europèa (BCE). La BCE a dich que pòt pas especificar quora poiriá començar de crompar d’obligacions grègas, mas que Grècia a de besonh de passar d’en primièr una analisi de sostenabilitat del deute.
Los prestaires an promés de veire cossí lo deute grèc pòt devenir sostenable, e que çò qu’eles decidiràn cambiarà se l’FMI causís de jónher lo darrièr acòrdi de salvament. Tsipras precisèt dimenge que lo temps prèissa.
“Un país qu'a fach un ajustament tan dur pòt pas gaire esperar”, çò afirmèt lo primièr ministre del temps qu’assegurèt, net e clar, que “lo problèma grèc es un problèma europèu”.
Divendres, los ministres de las finanças de l’eurozòna avián demandat a Grècia que contunhèsse las reformas que deu adoptar en vertut del salvament, avalorat a 86 miliards d’èuros, abans una segonda revision de l’acòrdi qu'es previst que comence en octòbre.
Tsipras assegurèt que Grècia a ja complit lo 70% de las reformas requeridas. “Normalament ja ne deuriam aver reculhit los fruches […] mas o avèm pas fach […] e aquò es perque i a aquel desacòrdi entre l’FMI e Alemanha”, çò soslinhèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal sortir de l'OTAN, reduir la despesa militar çò que calga, portar una politica de transparencia informativa, e pagar lo qu' es just del deute, pas mai. E encara los sobraran los diners.
s'un cop legissi lo mot desaven o ben mai se l'entendiáu, pensariáu a dètz avencs, que n'i a força en Provença, l'avenc dau caladaire en estent lo pus famos. lo diccionari tot en oc dona desavenir (se) vp èsser en desacordi, manca lo substantiu artificiau e incompreënsible. Honnorat (doncas Mistral) nota : se desavenir vl (vièlha lenga) l'opposé de s'avenir et de counvenir, c'est-à-dire se brouiller, se diviser, mésarriver, désunir desavengut ,uda adj. et part. brouillé, ée pas besonh doncas de descendre dins un avenç, qu'aquo ei dangeiros per aqueu qu'ei pas escala-barri -qu'ei pereu lo nom d'un aucelon
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari