Actualitats
Kenavo, Martial Ménard
Encarnava la figura del lingüista engatjat per la lenga, la cultura e lo país
Diluns passat, aguèron luòc a Lanrelaz (Bretanha) las funeralhas de Martial Ménard. La glèisa de la vilòta que l’aviá vist nàisser venguèt tota petita per aculhir la molonada d’amics, collègas, confraires e personalitats de la cultura bretona que i anèron per li dire un darrièr “kenavo”.
Lo grand lexicograf breton nos quitèt l’8 de setembre passat a 65 ans a l’espital de Kemper. Encarnava la figura del lingüista engatjat per la lenga, la cultura e lo país. El aviá creat lo festival del libre breton de Karaez, e foguèt l’autor dels diccionaris pus importants del breton. Son Diccionari istoric de la lenga bretona es un trabalh enòrme amb mai d’8000 intradas e son Diccionari francés-breton, acabat après 35 ans de trabalh, amassa 51 000 intradas reculhidas en 35 ans de trabalh.
En 1975 jonguèt l’associacion Skol An Emsav (Escòla del Movement), un organisme de formacion e d'alfabetizacion d’adultes en breton, un movement cultural fòrça actiu dins las vilas bretonas. En 1979 foguèt condemnat a 37 ans de preson per far partida del Front de Liberacion de Bretanha - Armada Revolucionària Bretona, qu’èra un grop clandestin. En preson entamenèt son trabalh lexicografic.
Liberat en 1981 gràcias a una amnestia, contunhèt son prètzfach e en 1983 fondèt l’ostal d’edicion An Here. En 1996 foguèt fondador, amb Charlie Grall, del setmanièr independentista Breizh Info, e en 2000 comencèt sa collaboracion amb Ouest-France ont publicava una tribuna en breton.
La trista nòva del decès de Martial Ménard es estada quitament raportada dins lo blòg catalan Nacions e dins lo jornal galèc Sermos Galiza.
Lo grand lexicograf breton nos quitèt l’8 de setembre passat a 65 ans a l’espital de Kemper. Encarnava la figura del lingüista engatjat per la lenga, la cultura e lo país. El aviá creat lo festival del libre breton de Karaez, e foguèt l’autor dels diccionaris pus importants del breton. Son Diccionari istoric de la lenga bretona es un trabalh enòrme amb mai d’8000 intradas e son Diccionari francés-breton, acabat après 35 ans de trabalh, amassa 51 000 intradas reculhidas en 35 ans de trabalh.
En 1975 jonguèt l’associacion Skol An Emsav (Escòla del Movement), un organisme de formacion e d'alfabetizacion d’adultes en breton, un movement cultural fòrça actiu dins las vilas bretonas. En 1979 foguèt condemnat a 37 ans de preson per far partida del Front de Liberacion de Bretanha - Armada Revolucionària Bretona, qu’èra un grop clandestin. En preson entamenèt son trabalh lexicografic.
Liberat en 1981 gràcias a una amnestia, contunhèt son prètzfach e en 1983 fondèt l’ostal d’edicion An Here. En 1996 foguèt fondador, amb Charlie Grall, del setmanièr independentista Breizh Info, e en 2000 comencèt sa collaboracion amb Ouest-France ont publicava una tribuna en breton.
La trista nòva del decès de Martial Ménard es estada quitament raportada dins lo blòg catalan Nacions e dins lo jornal galèc Sermos Galiza.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Kenavo, professor Ménard. Breizh e la umanitat rèsta un pauc mai pobre sense personas coma vós.
Mas avèm tota sa magnifica òbra. Aquò demora entre nosautres per totjorn.
Bro gozh ma zadoù
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari