Actualitats
Li disián Asia Ramazan Antar e fasiá partida de las Unitats de Proteccion Populara
E mai se los mèdias l'apelavan l’Angelina Jolie del Curdistan, ela se nomenava Asia Ramazan Antar e fasiá partida de las Unitats de Proteccion Populara (YPG) de las femnas de Curdistan
Fa qualques jorns, una jove miliciana curda de 22 ans moriguèt en luchant contra l’autoproclamat Estat Islamic. Sabèm pas grand causa d’aquela jove miliciana, e mai se venguèt coneguda a causa d’una fòto que faguèt lo torn del Mond. L’imatge mostrava la gojata amb son unifòrme, lo cairat tradicional e una mitrailhadoira, e pr'amor de sa beutat, los mèdias occidentals l'avián escaissada l’Angelina Jolie o la Penélope Cruz de Curdistan.
Luènh d’aquò, ela se nomenava Asia Ramazan Antar e fasiá partida de las Unitats de Proteccion Populara (YPG) de las femnas de Curdistan, e segon qualques fonts foguèt engatjada dins qualques batalhas clau contra l’Estat Islamic en Rojava.
Sa mòrt la confirmèt la pagina Facebook We Want Freedom for Kurdistan que ven de comunicar son decès: aguèt luòc lo 31 d’agost passat a l’entorn de Manbij, la vila qu’en agost passat se liberèt de l’Estat Islamic gràcias a la lucha dels curds de las YPG e de las Fòrças Democraticas Sirianas, çò que quitament festegèt la comunautat curda de Marselha.
Las YPG comptan almens amb 50 000 combatents, dont lo 20% serián de femnas e qu'an jogat un ròtle màger dins la lucha contra l’Estat Islamic. Se ditz que los jihadistas an paur de las peshmèrgas pr’amor que creson que se los tua una femna anaràn pas al paradís.
Luènh d’aquò, ela se nomenava Asia Ramazan Antar e fasiá partida de las Unitats de Proteccion Populara (YPG) de las femnas de Curdistan, e segon qualques fonts foguèt engatjada dins qualques batalhas clau contra l’Estat Islamic en Rojava.
Sa mòrt la confirmèt la pagina Facebook We Want Freedom for Kurdistan que ven de comunicar son decès: aguèt luòc lo 31 d’agost passat a l’entorn de Manbij, la vila qu’en agost passat se liberèt de l’Estat Islamic gràcias a la lucha dels curds de las YPG e de las Fòrças Democraticas Sirianas, çò que quitament festegèt la comunautat curda de Marselha.
Las YPG comptan almens amb 50 000 combatents, dont lo 20% serián de femnas e qu'an jogat un ròtle màger dins la lucha contra l’Estat Islamic. Se ditz que los jihadistas an paur de las peshmèrgas pr’amor que creson que se los tua una femna anaràn pas al paradís.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una heroïna....que el seu sacrifici, serveixi per acabar amb tanta maldat, i els interessos de quatre que volen manar.
Visca la terra...Lliure !
L'Ernest, "El Tàrrega".
Ambe la complicitat dels Estats Units e dels seus afeudats/vailets.
Era polida la femna. Es plan mediatic tot aquò, fa plorar dens los ostals occidentals.
Polida Asia, morta per las màfias de l'EI, de la "gusanera"de l'Imperi del mal e d'Arabia Saudita e sos quaranta ladres.
Manca doás informacions utilas aicí :
1) Quantes Curds, femnas o òmes, bèls o comuns, son mòrts dempèi la debuta de la guèrra contra los capbords islamistas ?
2) Quantes Curds, femnas o òmes, bèls o comuns, son mòrts a causa de la politica racista e colonialista de Turquia dempèi, digam, la debuta de las ostilitats islamistas ?
Se ditz que los jihadistas an paur de las peshmèrgas pr’amor que creson que se lors tuan una femna anaràn pas al paradís ? Mas los jihadistas anaràn pas al paradís, qué que ne vire, ja que se permeton de suprimir unas vidas que Allah sol autregèt. Òr "çò que dona Allah, Allah sonque o pòt tornar préner". Fa qu'aqueles jihadistas non son musulmans : son calucs, e ren mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari