Actualitats
Era BCE que cromparà deute public des estats que n’agen de besonh
Totun, be cau qu’Espanha e demane eth sauvament entà qu’era BCE crompe eth sòn deute
Eth president deth conselh de govèrn dera Banca Centrau Europèa (BCE), Mario Draghi, qu’anoncièc agèr qu’era entitat e cromparà deute des Estats dera zòna èuro, pr’amor des “grèus perturbacions observades en mercat des obligacions publiques que provien des temors infondades per part des investisseires sus era reversabilitat der euro” ce diguèc en ua conferéncia de premsa en Frankfurt (Alemanha).
En aguest sens, eth prumèr messatge que lancèc Draghi ena comparucion que siguèc precisaments qu”er èuro b’ei irreversible”. Que confirmèc tanben era mantenença des tipes d’interès deth 0,75% e era contraccion dera economia dera zòna èuro en 0,2% pendent eth dusau trimèstre d’enguan. “Era BCE que preve un creishement deth PIB d’entre 0,6% e 0,2% en 2012, e de 0,4% e 1,4% en 2013”, ce diguèc Draghi.
Totun, entà començar a crompar de bons sobirans, era BCE qu’exigirà as païsi que n’an de besonh, coma Espanha e Itàlia, que demanen eth sauvament e qu’assumisquen ues “condicions estrictes”. “B’ei cruciau qu’es govèrns e adòpten totes es mesures de besonh” entà enfortir es sòns creishements e arténher es compromisi de deficit.
Eth representant d’Alemanha ena BCE qu’ei estat eth solet a votar contra era mesura, quitament s’es mesures que demane era BCE entà crompar bons sobeirans signifiquen mès reduccions budetàries o “retalhades”.
En çò que tanh a hèr naues reformes, eth president deth govèrn espanhòu, Mariano Rajoy, qu’arresponèc as jornalistes que “quan aurà bèra novetat ja la harà a saber”. Qu’ac diguèc ena conferéncia de premsa dempús d’amassar-se damb era presidenta d’Alemanha, Angela Merkel deth temps qu’assegurèc que non a cap d’intencion de reformar eth sistèma de pensions.
Merkel qu’elogièc totes es reformes e reduccions budgetàries qu’a hèt Rajoy, es nomentades “retalhades”. Era cancelhera qu’ahigèc que cau aplicar-les a totes es administracions der estat espanhòu e diguèc que non a demanat cap de mesura de mès a Rajoy.
Merkel que visitèc agèr a Mariano Rajoy en darrèr torn de contactes qu’era presidenta d’Alemanha a hèt pendent aqueri darrèri dies. S’ère ja amassada damb eth president francés, François hollande; eth prumèr ministre italian, Mario Monti, e eth prumèr ministre grèc, Antonis Samaras.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal demorar organizat e metodic :
1) Per d'actius financièrs poirits, engimbram una crisi bancària màger.
2) Los estats son obligats de sosténer lo sector finanaci!èr privat e los deutes privats venon publics.
3) Las bancas privadas reclaman d'interèsses subre prèst als estats, interèsses que creisson a vista de nas, e los estats s'arroïnan.
4) Las bancas reclaman de condicions "draconianas" per accpetar d'adobaments amb los estats acatats. Aquelas condicions son ditas "de rigor". Dins los faits, s'agís de privatisar a qui mai pòt, contra l'interès mai evident de 99% de la populacion, e dins l'interès d'1%… S'agís d'impausar per fòrça de politicas de dreita dreitassièra a de pòbles que ne vòlon democraticament pas (la majoritat nasejant entre centre-dreita e centre esquèrra).
5) La banca centrala europèa arriba après la chavana, per salvar çò que se pòt salvar abans la susmauta finala dels pòbles acatats.
Seriá la salvacion ultima… abans qué ? Abans qu'òm reclamèsse a un pòble de moneda qu'a pas jamai aguda, qu'a pas jamai tocada ni panada, coma se viviá al dessús de sos mejans. Anatz explicar a un Alamand o a un Grèc que ganhan penosament 500 € del mes que "vivon en dessús sde sos mejans" !!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari