Actualitats
Lo senator francés Michel Raison mes en causa per un reportatge de television
Mes en question sul contraròtle dels lobbies de l’indústria agroalimetària, lo senator s’abstentèt aparentament per telefonar al lobbyista
L’emission de reportatges Cash Investigation de France 2 a mes lo senator francés Michel Raison dins un grand embarràs durant un reportatge que s’emetèt lo 13 de setembre passat. Lo reportatge en question tractava de derivats de l’agroalimentària e del pes dels lobbies o grops de pression del sector sus la vida politica francesa. Entrevistèron Raison en tant que parlamentari que trabalha sus la legislacion d’aquel sector e tanben perque èra estat invitat a un eveniment de lobbying per l’Associacion francesa de las Indústrias Alimentàrias (ANIA).
Dins un primièr moment, l’elegit reconeguèt que se recor als lobbyistas, mas o ensagèt de justificar: “I a fòrça lobbyistas que venon aicí. Ven a nosautres de triar, a nosautres de nos far la nòstra pròpria opinion, mas n’avèm besonh d’eles. I a totplen de causas que sabèm pas. Los tipes te venon esclairar sus un daquòs, alavetz te pòdon enganar, mas es a tu de verificar”, çò explica Raison a la jornalista.
En seguida, una collaboradoira parlamentària, visiblament inqueta e irritada pel debanament de l’entrevista, l’interrompèt e menèt lo senator dins una autra sala. Pasmens, la prèissa los empediguèt de remarcar que lo senator portava lo microfòn e se poguèt escotar çò que disiá lo Raison. “Ela es venguda per me caçar”, çò planhiá lo senator a sa collaboradoira, mentre qu’ela li remembrava qu’el èra pas obligat de contunhar. Pasmens, lo senator respondèt: “Vau jogar lo jòc, me’n foti”. Alavetz la collaboradoira li demandèt: “Volètz qu’apelem l’ANIA?”. Qualques minutas après, l’elegit reprenguèt l’entrevista.
La conclusion que fan los jornalistas de Cash Investigation es que lo parlamentari quitèt l’entrevista per telefonar al lobbyista, e deploran un tal contraròtle del lobby de l’indústria agroalimentària sus l’elegit.
Michel Raison, el, critica dobèrtament la manièra qu’an concebuda e esplechada son entrevista, çò rapòrta France Soir. D’un costat afirma qu’el telefonèt pas a l’ANIA e de l’autre denóncia una “emission escandalosa” e una manipòla dels registraments.
Cash Investigation. Non, mais, allo l'ANIA...
Dins un primièr moment, l’elegit reconeguèt que se recor als lobbyistas, mas o ensagèt de justificar: “I a fòrça lobbyistas que venon aicí. Ven a nosautres de triar, a nosautres de nos far la nòstra pròpria opinion, mas n’avèm besonh d’eles. I a totplen de causas que sabèm pas. Los tipes te venon esclairar sus un daquòs, alavetz te pòdon enganar, mas es a tu de verificar”, çò explica Raison a la jornalista.
En seguida, una collaboradoira parlamentària, visiblament inqueta e irritada pel debanament de l’entrevista, l’interrompèt e menèt lo senator dins una autra sala. Pasmens, la prèissa los empediguèt de remarcar que lo senator portava lo microfòn e se poguèt escotar çò que disiá lo Raison. “Ela es venguda per me caçar”, çò planhiá lo senator a sa collaboradoira, mentre qu’ela li remembrava qu’el èra pas obligat de contunhar. Pasmens, lo senator respondèt: “Vau jogar lo jòc, me’n foti”. Alavetz la collaboradoira li demandèt: “Volètz qu’apelem l’ANIA?”. Qualques minutas après, l’elegit reprenguèt l’entrevista.
La conclusion que fan los jornalistas de Cash Investigation es que lo parlamentari quitèt l’entrevista per telefonar al lobbyista, e deploran un tal contraròtle del lobby de l’indústria agroalimentària sus l’elegit.
Michel Raison, el, critica dobèrtament la manièra qu’an concebuda e esplechada son entrevista, çò rapòrta France Soir. D’un costat afirma qu’el telefonèt pas a l’ANIA e de l’autre denóncia una “emission escandalosa” e una manipòla dels registraments.
Cash Investigation. Non, mais, allo l'ANIA...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal suprimir lo Senat. Nos còsta car e fan lo trabalh al revèrs: en luòc de pensar a melhora la vida de las gents se fan los cavals de Tròia dels lòbis (tabat e autres). D'un cèrt biais i de còps que son complicis d'assassinat mas van pas jamai als tribunals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari