CAPÇALERA PAIS INVISIBLE

Actualitats

SocietatPoliticaInternacional

Sarkozy reconeis l’alienacion e quitament se'n vanta

“Quina que siá la nacionalitat dels vòstres parents, joves franceses, tre que devenètz franceses, los vòstres aujòls son los galleses e es Vercingetorix”

Nicolas Sarkozy a reconegut l’alienacion qu’avèm patit dins l’estat francés los pòbles e las culturas autras que la sola oficiala, e quitament se n’es vantat. Dins un discors que faguèt diluns a Franconville (França), diguèt que “tre que devenèm franceses, los nòstres aujòls son galleses”.
 
L’èx-president e candidat a la presidenciala 2017 del partit drechista LR reconeguèt l’alienacion dels pòbles administrats per l’estat francés, e tanben n’exigís son aplicacion eficaça a las novèlas culturas vengudas al pais: “S’òm vòl devenir francés, òm parla francés, òm esposa son istòria, òm viu coma un francés e òm cèrca pas de cambiar lo mòde de vida qu’es lo nòstre dempuèi tant d’annadas”. Dins aquel sens, se manifestèt partisan d’assimilar l’immigracion e non pas de l’integrar: “Nos contentarem pas pus d’una integracion que marcha pas pus, exigirem l’assimilacion. Quina que siá la nacionalitat dels vòstres parents, joves franceses, tre que devenètz franceses, los vòstres aujòls son los galleses e es Vercingetorix”.
 
 
L’èx-president se mostrava el coma exemple en se vantant de renegar sas originas: “Mon paire es ongrés, m’an pas ensenhat l’istòria d’Ongria. Mon grand mairal es grèc, m’an pas ensenhat l’istòria de Grècia. Tre que soi francés, aimi França, apreni l’istòria de França, parli francés e mos aujòls son los aujòls de França, es aquò l’assimilacion”.
 
Aquelas paraulas, lo candidat drechista las reblèt en soslinhar que “s’òm vòl pas aquò, degun vos obliga pas de voler èsser francés”, en tot remembrar son ja conegut discors de març de 2006 que prepausava de quitar França als que l’aiman pas.
 

 
 
Los prepauses de Sarkozy an lèu fach reagir los rets socials.
 

 
 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

E Passa Que T Ai Vist Lo Clapàs (Montpelhièr)
15.

#12 Car Valetudinari, es pas la pèna de se legir (coma, ne soi gaire sorprès, o-fasètz religiosament) totas las "Très Riches Heures" d'aquèl Zemmour de sinistra memoria per encapar que l'obsession sèuna es la desfensa de l'Europa blanca crestiana. Sufis de l'ausir charrar un briconèl sus quina que siague telè per comprene ço que se passèja dins son closc d'alucat paranoïac. Es coma legir una declaracion dau Pessamesse sul Jornalet : al cap de doas frasas om compren lèu ont ne vol venir lo tipe, se vesètz ço que voli dire. Pas la pèna de se bèure tota l'aiga de la mar per saupre qu'es d'aiga salada, basta de ne tastar un glopèt per se'n trachar.

  • 15
  • 0
Quim Malgratenc 08380-Malgrat de Mar
14.

Vercingetorix, parlait il français?, avec le nez ou la gueule... ?

  • 0
  • 0
Pirolet
13.

Me dirètz que soi piòt mas me mainèri plan tard qu'a Alesia èrem venceires e pas vencuts, que fasiá dos sègles qu’èrem romans dins la Narbonesa.

  • 0
  • 0
constantin valetudinari
12.

#7 siáu en trin de legir lo radier libre d'Eric Zemmour un "quinquenat pour rien" que recuelh sei cronicas matinieras de RTL e enluoc ai trobat que defendiá la raça blanca coma dins seis obratges precedents. Amaga ren de seis originas que per eu son pas dobtosas, jusiu maugraben - es ansin qu'avèm de revirar magrebhin_ efai partida dei bons polemistas francés, escrivan confirmat e enfin rapelarai que siguèt lo decret Crèmieux deis annadas 1880 que faguèt deis Israelitas d'Argeria de "citoyens francais" que laissava lei musulmans coma solets indigènes. es estat una bona mesura ? D'aquo se ne pot discutir. en tot cas desenant leis ancians berberes -'barbares romans- foguèron francés ni corts ni costiers coma lo ditz Mistral, coma toti leis occitans dau sègle XIX qu'abandonèron sa lenga e se faguèron tuiar en 1870, en 1914 e en 1939 per defendre la patria. an aquo, li diem l'istoria, pasmens aqueu montpleierenc m'a apres una causa que zemour vou dire oliva en cabile e aquo tomba ben que ara vau cambiar l'aiga ais olivas

  • 1
  • 22
francesc palma
11.

Lo choviniste Sarkozi narcis per força, sia pas colhon, fa com se ho fos. És un polític messorguier de destra, que se digués lo que pensa, ni som paire lo votaria.

  • 2
  • 0

Escriu un comentari sus aqueste article