Actualitats
Val d’Aran: los orses d’Arties son estats menats a un santuari d’animals d’Ongria
Mimo e Aran vivián embarrats dins una gàbia davant l'ofici de torisme d’Arties
Mimo e Aran, los dos orses que vivián embarrats dins una gàbia davant lo burèu de torisme d’Arties (Val d’Aran) son estats menats al santuari d’orses de Medveotthon, en Ongria. Aquí passaràn un mes de quarantena e puèi poiràn viure amb d’autres orses de son espècia originaris d’Euròpa tota, dins un airal de 30 ectaras de bòsc.
La fondacion animalista FAADA lucha dempuèi 2012 per que los dos animals obtengan un abitatge. “Mimo e Aran vivon dins d’installacions que complisson pas la lei dels zòos”, çò denonciavan arunan del temps que precisavan que “l’estat fisic e psicologic de Mim e d’Aran es de mai en mai pièger. L’edat avançada de Mim e de signes evidents de deterioracion psicologic en Aran fan venir urgent lor transferiment al centre de salvament”.
De son costat lo cònsol pedani d’Arties David Torres planhèt la partença dels orses e diguèt diluns passat qu’èra “un dia trist” pr’amor que segon Torres los orses fasián partida de la comunautat del vilatge.
Lo sindic d’Aran, Carlos Barrera, declarèt: “Er an 1996, tot just un an dempús deth liurament per part der Estat francés des prumèrs exemplars d’orsi brun enes Pirenèus provenenti d’Eslovènia, er unic pòble deth Pirenèu qu'acceptèc era installacion d’un espaci entà acuélher laguens deth programa de sensibilizacion impulsat pera Generalitat siguec eth pòble d’Arties e eth municipi deth Naut Aran”. Ara, “damb era aplicacion dera actuau nòrma sus es parcs zoològics, er Ajuntament deth Naut Aran e eth pòble d’Arties decidiren er an 2015 dar per finalizada era sua implicacion en aguesta sensibilizacion”, çò soslinhèt Barrera.
Lo transpòrt dels animals s’es fach après un acòrdi de collaboracion entre lo Conselh General d’Aran, la comuna de Naut Aran e la Generalitat de Catalonha. De son costat FAADA a mercejat la collaboracion de totas las administracions: “Volem felicitar ar Ajuntament d’Arties pera sua decision e collaboracion, e ath Conselh Generau d’Aran e ara Generalitat de Catalonha pera sua cooperacion, e auem pogut trabalhar en còlha e poder hèr realitat eth traslat de Mimo e Aran. Tanben volem arregraïr a toti es auti collaboradors, coma es Agents Ruraus d’Aran e as Mòssos d’Esquadra, cuidadors, e sustot ath veterinari Robert Melero de Zootransfer. Sense era coordinacion e collaboracion de toti non ac auríem obtengut”.
Segon la FAADA, las negociacions comencèron en 2012 e son estadas complicadas a causa del blocatge sistematic de las administracions. “Er Ajuntament d’Arties considerava qu’es orsi èren un reclam tath torisme e era Generalitat e eth Conselh Generau d’Aran non se mostraven disposats a collaborar”. Mas après que la municipalitat d’Arties aguèt cambiada son opinion, la Generalitat de Catalonha, proprietària dels orses, acceptèt lo salvament de las doas bèstias. Un autre ors que viviá dins aquela gàbia moriguèt fa qualques ans.
La fondacion animalista FAADA lucha dempuèi 2012 per que los dos animals obtengan un abitatge. “Mimo e Aran vivon dins d’installacions que complisson pas la lei dels zòos”, çò denonciavan arunan del temps que precisavan que “l’estat fisic e psicologic de Mim e d’Aran es de mai en mai pièger. L’edat avançada de Mim e de signes evidents de deterioracion psicologic en Aran fan venir urgent lor transferiment al centre de salvament”.
De son costat lo cònsol pedani d’Arties David Torres planhèt la partença dels orses e diguèt diluns passat qu’èra “un dia trist” pr’amor que segon Torres los orses fasián partida de la comunautat del vilatge.
Lo sindic d’Aran, Carlos Barrera, declarèt: “Er an 1996, tot just un an dempús deth liurament per part der Estat francés des prumèrs exemplars d’orsi brun enes Pirenèus provenenti d’Eslovènia, er unic pòble deth Pirenèu qu'acceptèc era installacion d’un espaci entà acuélher laguens deth programa de sensibilizacion impulsat pera Generalitat siguec eth pòble d’Arties e eth municipi deth Naut Aran”. Ara, “damb era aplicacion dera actuau nòrma sus es parcs zoològics, er Ajuntament deth Naut Aran e eth pòble d’Arties decidiren er an 2015 dar per finalizada era sua implicacion en aguesta sensibilizacion”, çò soslinhèt Barrera.
Lo transpòrt dels animals s’es fach après un acòrdi de collaboracion entre lo Conselh General d’Aran, la comuna de Naut Aran e la Generalitat de Catalonha. De son costat FAADA a mercejat la collaboracion de totas las administracions: “Volem felicitar ar Ajuntament d’Arties pera sua decision e collaboracion, e ath Conselh Generau d’Aran e ara Generalitat de Catalonha pera sua cooperacion, e auem pogut trabalhar en còlha e poder hèr realitat eth traslat de Mimo e Aran. Tanben volem arregraïr a toti es auti collaboradors, coma es Agents Ruraus d’Aran e as Mòssos d’Esquadra, cuidadors, e sustot ath veterinari Robert Melero de Zootransfer. Sense era coordinacion e collaboracion de toti non ac auríem obtengut”.
Segon la FAADA, las negociacions comencèron en 2012 e son estadas complicadas a causa del blocatge sistematic de las administracions. “Er Ajuntament d’Arties considerava qu’es orsi èren un reclam tath torisme e era Generalitat e eth Conselh Generau d’Aran non se mostraven disposats a collaborar”. Mas après que la municipalitat d’Arties aguèt cambiada son opinion, la Generalitat de Catalonha, proprietària dels orses, acceptèt lo salvament de las doas bèstias. Un autre ors que viviá dins aquela gàbia moriguèt fa qualques ans.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben èra ora !!!
En agost de 2015, per anar veire la glèisa d'Arties, i passèri per asard davant d'aquela gàbia minuscula , plena d'estroncs, qu'embocanava a 400 mètres, amb dos orses maluroses dedins. Faguèri una "reclamacion" a la comuna de Salardú, a l'ofici de torisme de Vièlha e anèri al conselh general. Aguèri pas cap responsa, benlèu perque las talhas las pagui pas alai... Me gastèt mon sejorn en Aran de saber aquelas bèstias dins aquelas condicions. Un sovenir marrit de la Val d'Aran aquela gàbia.
Soi ben contenta per aquelas doas bèstias, que pòscan acabar sa vida dins de condicions melhoras...
Coneissi ben aqueles orses qu'i menavi mon dròlle quand èra petit. Es vertat que lor gàbia éra minuscula.
Una question: i a pas pro d'espaci en Aran per i aver fargat un santuari d'orses?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari