L’ÒNU presentèt arunan lo documentari Clouds over Sidra, qu’explicava l’istòria d’un refugiat de dotze ans d’un ponch de vista de realitat virtuala. Dempuèi alara, l’organizacion emplega aquela tecnologia coma esplech de conscientizacion e de sensibilizacion dels ciutadans. Ara a fach una aplicacion nomenada UNVR qu’amassa aqueles contenguts e nos rapròcha de la realitat dels refugiats.
 
A l’ora d’ara i a quatre experiéncias en realitat virtuala, disponiblas tant sus Android coma sus IOS e Oculus. Lo contengut compren Clouds over Sidra e tanben un filme nòu apelat Beyond the lake, suls refugiats de la Republica Democratica de Còngo. Se prevei que i aurà tres vidèos a la fin de l’annada.
 
L’ÒNU assegura que publicarà un flux constant de contenguts. “Narram d’istòrias de personas vulnerablas”, çò precisa lo director creatiu de l’ÒNU, Gabo Arora, que vòl que los vidèos desvelhen l’empatia dels espectators.