Actualitats
La justícia requerís de dos a quatre meses de preson contra cinc salariats d’Air France
Los acusan de “degradacions” per una protèsta violenta, après que la companhiá anoncièt la supression de 2900 emplecs
La justícia francesa requerís de dos a quatre meses de preson amb sosta contra cinc salariats d’Air France, jutjats davant lo tribunal correccional de Bobigny per aver participat al nomenat episòdi de la camisa arrancada, çò es una protèsta violenta que se debanèt lo 5 d’octòbre de 2015. Quatre dels jutjats son aderents al sindicat CGT. En mai d’aquò, lo ministèri public requerís 1000 èuros de multa contra los autres dètz prevenguts perseguits per “degradacions”.
“Aquò èra pas una operacion sindicala” mas “una operacion de trencaires, puèi de sacamands”, çò declarèt lo procuraire Philippe Bourion. Per aquò, assegurèt qu’aviá pres en compte lo “contèxt” d’aqueles incidents, subrevenguts après l’anóncia de la supression de 2900 emplecs.
L’episòdi de la camisa arrancada
Lo 5 d’octòbre d’arunan, al sit d’Air France près de l’aeropòrt parisenc de Roissy, se produguèt un episòdi de violéncias del salariats contra los dirigents d’Air France, après qu’anoncièsson la supression de 2900 emplecs. Los imatges del director de las ressorsas umanas de la societat amb sa camisa arrancada faguèron lo torn del mond. Lo president francés François Hollande qualifiquèt los imatges d’“inacceptables”, que segon el podián nòire a “l’imatge de França”.
La reünion del comitat central d’entrepresa d’Air France se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion aviá aprovat, qualques jorns abans, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, los quatre sindicats del transpòrt aerian avián convocat una cauma. E ansin protestavan davant lo sit ont los dirigents se reünissián.
Aquel episòdi faguèt partida del debat public. Los imatges foguèron espantants e la violéncia condemnabla. Ça que la, enviar 2900 personas al caumatge es, de segur, la vertadièra violéncia d’aquel afar. Jornalet raportèt la nòva, e publiquèt d’articles d’opinion dont los de Joan Marc Leclercq (Quauques punts sus Air France) e de Terric Lausa (Air France: la colèra justa).
“Aquò èra pas una operacion sindicala” mas “una operacion de trencaires, puèi de sacamands”, çò declarèt lo procuraire Philippe Bourion. Per aquò, assegurèt qu’aviá pres en compte lo “contèxt” d’aqueles incidents, subrevenguts après l’anóncia de la supression de 2900 emplecs.
L’episòdi de la camisa arrancada
Lo 5 d’octòbre d’arunan, al sit d’Air France près de l’aeropòrt parisenc de Roissy, se produguèt un episòdi de violéncias del salariats contra los dirigents d’Air France, après qu’anoncièsson la supression de 2900 emplecs. Los imatges del director de las ressorsas umanas de la societat amb sa camisa arrancada faguèron lo torn del mond. Lo president francés François Hollande qualifiquèt los imatges d’“inacceptables”, que segon el podián nòire a “l’imatge de França”.
La reünion del comitat central d’entrepresa d’Air France se deguèt suspendre. Mai d’un milièr de salariats, que manifestavan, ocupèron lo sit e batèron qualques dirigents. Lo conselh d’administracion aviá aprovat, qualques jorns abans, una reduccion d’emplecs tocant 300 pilòts, 900 navigants e 1700 salariats de personal al sòl dins los dos ans venents, coma consequéncia de la reduccion del 10% de las linhas. Per tant, los quatre sindicats del transpòrt aerian avián convocat una cauma. E ansin protestavan davant lo sit ont los dirigents se reünissián.
Aquel episòdi faguèt partida del debat public. Los imatges foguèron espantants e la violéncia condemnabla. Ça que la, enviar 2900 personas al caumatge es, de segur, la vertadièra violéncia d’aquel afar. Jornalet raportèt la nòva, e publiquèt d’articles d’opinion dont los de Joan Marc Leclercq (Quauques punts sus Air France) e de Terric Lausa (Air France: la colèra justa).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Maime a rason, disen tròp ren los pussents d'aqueu monde quand fan fàcia a daus manifestants d'un lobby que podriá jugar sus l'economia mas quand son d'obriers simples, se'n foten, los condamnan sens vergonha sens 'visar las circonstàncias. Ente es la violéncia ? Sabem ben que la violéncia es dau costat de las entrepresas que fan daus beneficis e que licencian mas per que los dirijants s'enrichesissan totjorn mai, que te fan dins l'exil fiscau, que meissonjan a tots pas moments, que finançan lo trafic d'armas, que sostenen los lobbys divers per se gardar lo poder e tutti quanti... que ne'n 'chabariam pas, daus saligauds, una mafià internacionala ! e ne riscan jamai ren.
Justícia ? LOL, n'i a pas.
#3 La violéncia pòt èsser acceptada mas quò depend dau camp. Quand son daus sindicalistas agricòlas, quò passa : degradacion de ben public, sequestracion de ministre, paralisi de vila, ... Quand son daus obriers, ren ne passa.
Res de nòu jol solelh : http://merlerene.canalblog.com/archives/2015/10/14/32769172.html
lo faissisme amb lei faissistas totjorn que mai condemnats 70 ans après que Mussolini foguèsse pendolat a un croc de maselier, perque govèrnavan per la violencia e l'arbitrari non pas per la democracia ... e la violéncia seriá justificada quand de militants CGT ne fan usatge immoderat ? e aurián rason, lei gus, perqué licenciar un trabalhaire, un emplegat seriá un acte vioulent ! coma de garçar una espoussada a un ome e li estraçar la camisa ? aquela empega ! e lo trtibunau dei prudome exista pas ?
#1 E ben ieu, pensi mailèu que totes los espleitaires de carn umana que son los grands capitalistas e tota sa racalha de servici, politica o directoriala, los deuriam abandonar desnuses en plen Sahara per lor tornar tot lo ben que fana l'ora d'ara a l'environament e a la collectivitat umana. La camisa, segur bastava pas !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari