Actualitats
Catalonha e Aran: se farà un referendum d’independéncia en setembre de 2017
Se l’estat espanhòl refusa lo vòte, se metrà en marcha lo procès de desconnexion per èsser independents de facto en julhet, e atal poder far lo referendum de faiçon unilaterala
Lo Parlament de Catalonha a votat aqueste dijòus la fisança al president Carles Puigdemont, per menar a bon tèrme lo procès de Catalonha e Aran devèrs son independéncia. Somés a una mocion de fisança, Puigdemont anoncièt dimècres sas rasons per demandar lo visat del Parlament per cargar definitivament son govèrn de començar la bastison e l’organizacion d’un referendum que “torne a Catalonha lo poder politic d’un estat sobeiran”.
“O referendum o referendum”, çò diguèt Puigdemont. “Perseguirem l’acòrdi a tot moment, mas a la fin de la legislatura serem preparats per montar lo darrièr escalon abans proclamar l’independéncia”, çò precisèt.
Dins aquel sens, Puigdemont demandarà un referendum per l’independéncia pachat amb l’estat espanhòl. En cas que l'estat refuse, coma a fach tantes d’autres còps, se metrà en marcha las leis de desconnexion de l’estat, per tal qu’en julhet que ven tot siá prèst per la convocacion d’un referendum unilateral en setembre de 2017. Aquelas leis de desconnexion devon permetre una lei integrala de proteccion sociala catalana, una agéncia catalana dels impòstes e un regim juridic pròpri.
“O referendum o referendum”, çò diguèt Puigdemont. “Perseguirem l’acòrdi a tot moment, mas a la fin de la legislatura serem preparats per montar lo darrièr escalon abans proclamar l’independéncia”, çò precisèt.
Dins aquel sens, Puigdemont demandarà un referendum per l’independéncia pachat amb l’estat espanhòl. En cas que l'estat refuse, coma a fach tantes d’autres còps, se metrà en marcha las leis de desconnexion de l’estat, per tal qu’en julhet que ven tot siá prèst per la convocacion d’un referendum unilateral en setembre de 2017. Aquelas leis de desconnexion devon permetre una lei integrala de proteccion sociala catalana, una agéncia catalana dels impòstes e un regim juridic pròpri.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Adissiatz, Francesc.
Ai entés pas ta responsa. Qué vòls dir amb 'tot son de messorgas'?
Amistats.
Tot es mentida, tot son messurguos!
Dire lo nom de Catalonha e coma dire lo nom d'Occitania. Se Catalonha es la tèrra de la "lenga catalana", alavètz Catalonha va de Leucata a Guardamar e fins a l'Alguer. E aquò, si qu'es lo País Catalan. Lo tròç de tèrra ligat a la "Région Occitanie" de l'estat francés non es LO País Catalan se que non la partida mai setentrionala d'aquel País. Fa que segon aqueste constat, dire "région Occitanie" per nommar Occitania Centrala es tant illegitim coma dire "Pays Catalan" per aqueste pichon tròç al nòrd d'aquel país.
Autre problèma : quora vau en Catalonha, que siá a Valéncia o a Barcelona, parli occitan a tot lo mond, e tot lo mond me respond en catalan en m'agent comprés. E compreni tot lo mond. Per aquesta rason fòrça pragmatica e practica, m'es malaisit de concebre una "nacion catalana" que seriá distincta d'una "nacion occitana". Per ieu, un Catalan es simplament un Occitan que refusa de se daissar tondre… E la "nacion catalana" es la partida de ma nacion que refusa de se daissar escafar pel nacionalisme francés o castelhan…
Definicions subjectivas, me diretz…
Aran fa pas part de la nacion catalana mas òc de la nacion occitana. Catalonha del Sud es la -oficialment- Comunitat Autònoma de Catalunya- mens Aran.
Dich d'autra manièra: La futura República de Catalunya a l'obligacion etica de metre dins las mans del Conselh Generau d'Aran un plebiscit per que los araneses e las aranesas 'parlen'. Se vòlon independéncia, doncas, independéncia, es a dir, Republica d'Aran. La democracia es çò meteis: lo drech d'autodeterminacion dels pòbles.
Soi d'acord amb Jornalet: Catalonha del Sud e Aran.
Una causa agradiva dins aquelas assembladas delà Pirenèus es de veire plan mai de joves, de femnas e mens de costumes/cravata qu'ençà!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari