Dissabte passat, 1r d’octòbre, se tenguèt a Tarragona lo concors de castells, aquelas construccions umanas tradicionalas de Catalonha. Mas l’edicion d’ongan vegèt una causa insolita. Demièg las còlas que i participavan, una veniá de China: los Xiquets de Hangzhou, que faguèron istòria en bastissent de castells de quitament nòu estancis. L’accion dels castellers chineses foguèt ovacionada.
 
La còla dels Xiquets de Hangzhou se nomena en chinés 桃花庄 - 人塔俱乐部 (táo huā zhuāng - rén tǎ jù lè bù), çò es lo club de las torres umanas de la vila de las flors del perseguièr. La creèt l’entrepreneire chinés Quan Anhua, que s’enamorèt d’aquela tradicion catalana en 2009 quand vesitava lo país dels nòstres fraires. El decidiguèt d’introduire aquela tradicion dins son sit textil coma una activitat sociala per los salariats, e compta amb aperaquí 200 castellers.

 
 

Històric! Els @xiquetsdehangzh descarreguen el 3de9f! #ConcursTgn2016#castellsenxarxapic.twitter.com/uxsYCbU55T

— Castells en Xarxa (@CastellsEnXarxa) 1 d’octubre de 2016