Actualitats
Ongria: an invalidat lo referendum antirefugiats
Solament lo 43,3% de la lista electorala votèt e lo resultat aficha un 98% contra las quòtas de l’UE per l’aculhença dels refugiats
Lo burèu electoral ongrés a invalidat lo referendum sus l’aculhença dels refugiats, a causa de sa participacion bassa. Solament 43,3% de la lista electorala votèt. En mai d’aquò, lo 98% dels vòtes refusavan las quòtas de l’Union Europèa, après una campanha electorala marcada per lo racisme e la xenofobia.
Pasmens, lo primièr ministre, Victor Orbán, declarèt que lo resultat èra “magnific” e anoncièt un cambiament dins la Constitucion a prepaus de l’aculhença dels estrangièrs. “Nòu ongreses sus dètz an dich de non. Lançarem de cambiaments dins la Constitucion per desir exprès del pòble”, çò diguèt en tot desfisar l’Union Europèa. “L’UE deu prene una decision”—çò diguèt lo cap populista— “La comunautat democratica pòt pas forçar un país qu’a refusat l’imposicion de las quòtas amb lo 98%”. La quòta que l’UE prepausa per Ongria es solament de 1294 refugiats.
Orbán convoquèt aquel referendum per “arrestar lo flux d’immigrants musulmans qu’ensajan d’intrar dins lo còr d’Euròpa”. Amb son discors populista e xenofòb, Orbán assegura que “los refugiats menaçan l’identitat e la cultura crestiana tant d’Ongria coma d’Euròpa”.
Fa un an, Ongria levèt de barralhas sus sas frontièras meridionalas per sagelar sas frontièras als milièrs de refugiats que traversavan lo sieu territòri devèrs lo nòrd d'Euròpa. A introduch tanben de leis que punisson l'intrada illegala dins lo país amb de penas de preson de fins a cinc ans.
Oposicion e boicòt al referendum
En Ongria e endacòm mai an criticat aquel referendum, qu’es considerat coma un esplech per criminalizar los refugiats. Los panèls blaus de la campanha antirefugiats del govèrn mostravan de messatges demagogics. “Sabiatz qu’amb la crisi migratòria an aumentat los abuses sexuals contra las femnas en Euròpa?”, çò ditz un dels nombroses panèls del govèrn, qu’an semenat la paur dins una granda partida del pòble. “D’autres païses an acceptat d’immigrants e agachatz los problèmas qu’an. Viòlan las femnas”, çò disiá un ciutadan als jornalistas de la Television de Catalonha.
Demandas de demission
Ara las demandas de demission d’Orbán arriban de totes los costats. Lo partit ultradrechista Jobbik demandèt la partença del primièr ministre car considèra que lo boicòt a son referendum a plan capitat e a deslegitimat sa campanha.
Tanben l’èx-primièr ministre socialista, Ferenc Gyurcsány, a exigit la demission d’Orbán.
Pasmens, lo primièr ministre, Victor Orbán, declarèt que lo resultat èra “magnific” e anoncièt un cambiament dins la Constitucion a prepaus de l’aculhença dels estrangièrs. “Nòu ongreses sus dètz an dich de non. Lançarem de cambiaments dins la Constitucion per desir exprès del pòble”, çò diguèt en tot desfisar l’Union Europèa. “L’UE deu prene una decision”—çò diguèt lo cap populista— “La comunautat democratica pòt pas forçar un país qu’a refusat l’imposicion de las quòtas amb lo 98%”. La quòta que l’UE prepausa per Ongria es solament de 1294 refugiats.
Orbán convoquèt aquel referendum per “arrestar lo flux d’immigrants musulmans qu’ensajan d’intrar dins lo còr d’Euròpa”. Amb son discors populista e xenofòb, Orbán assegura que “los refugiats menaçan l’identitat e la cultura crestiana tant d’Ongria coma d’Euròpa”.
Fa un an, Ongria levèt de barralhas sus sas frontièras meridionalas per sagelar sas frontièras als milièrs de refugiats que traversavan lo sieu territòri devèrs lo nòrd d'Euròpa. A introduch tanben de leis que punisson l'intrada illegala dins lo país amb de penas de preson de fins a cinc ans.
Oposicion e boicòt al referendum
En Ongria e endacòm mai an criticat aquel referendum, qu’es considerat coma un esplech per criminalizar los refugiats. Los panèls blaus de la campanha antirefugiats del govèrn mostravan de messatges demagogics. “Sabiatz qu’amb la crisi migratòria an aumentat los abuses sexuals contra las femnas en Euròpa?”, çò ditz un dels nombroses panèls del govèrn, qu’an semenat la paur dins una granda partida del pòble. “D’autres païses an acceptat d’immigrants e agachatz los problèmas qu’an. Viòlan las femnas”, çò disiá un ciutadan als jornalistas de la Television de Catalonha.
Demandas de demission
Ara las demandas de demission d’Orbán arriban de totes los costats. Lo partit ultradrechista Jobbik demandèt la partença del primièr ministre car considèra que lo boicòt a son referendum a plan capitat e a deslegitimat sa campanha.
Tanben l’èx-primièr ministre socialista, Ferenc Gyurcsány, a exigit la demission d’Orbán.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Hai viscut en Ongria despuei gaireben 6 anadas. Mercè per lo comentari. Es eisactament aquo pensam aqui.
Es despodedis de comprendre ta los socialistas de papièr de l'Europa occidentala qui son pas cabedis de veire enlai de lor pichon carreirat ben confortiu. Per de que aqui hi ha pas cap de confort, lo salari mejan es 300€, avem perdut 60% dau terrador ongrès en 1918, i los communistas an destrusit tot que avia valor.
Avem pas las finanças ni la fortetat d'integrar folcs d'imigrats desconeissent i clus.
l'ongria au cors de l'istoria es estada primier independenta, puei assujetida per leis ottomans,i per leis austriacs amb cu se son puei aliats, en agut perdut doas guerras e lo terç de sa populacion, i aguèt enfin l'ocupacion russa, e vuei en aguent recuperat son independéncia, volon pas dependre d'una Europa passadoira e diablament immigationista e an rason, en mai d'aquo, lei baranhas qu'an construchas lo son estadas ai frontieras comunautàrias e son legalas dau punt de vista europenc
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari