Actualitats
Lo govèrn de Colómbia convida los partisans del “non” a jónher la negociacion de patz
Las FARC se mòstran “dispausats a modificar l’acòrdi, per tal que se pèrda pas la batalha de la patz”
Lo president de Colómbia a pas acceptat la demission d’Humberto de la Calle, lo cap de la còla qu’a menat las negociacions de patz en Colómbia del costat del govèrn colombian. De la Calle aviá mes son cargue a la disposicion del president, Juan Manuel Santos, après la plan bassa participacion al referendum sus l’acòrdi de patz de Colómbia entre lo govèrn e las Fòrças Armadas Revolucionàrias de Colómbia (FARC), ont s’impausèt lo “non” dins un resultat fòrça sarrat.
Es atal qu’Humberto de la Calle a assumit sa responsabilitat politica per la desfacha dins las urnas dels acòrdis de patz, qu’el aviá menat pendent los darrièrs quatre ans a la taula de las negociacions de L’Avana. S’agís de la primièra demission a causa del referendum.
Solament lo 37% dels colombians cridats a votar depausèron lor bulletin, dont lo 59,21% votèron de “non” a l’acòrdi de patz, e ganhèron los partisans de l’”òc” per a pena 50 000 vòtes.
Santos convida los partisans del “non” a la negociacion
Delà refusar la demission d’Humberto de la Calle, Santos a convidat l’èx-president Álvaro Uribe, e los autres partisans del “non”, a jónher la taula de las negociacions amb las FARC, per reformular l’acòrdi de patz.
Las FARC dispausats a modificar l’acòrdi
De son costat, lo dirigent de las FARC, Rodrigo Londoño Echeverri, dich Timochenko, a declarat que de son costat es “dispausat a modificar l’acòrdi, per tal que se pèrda pas la batalha de la patz”. E mai, a afirmat que las FARC “emplegaràn solament la paraula coma arma”.
L’OEA: “es necite que lo procès arribe tanben al 60% que votèron pas”
De son costat, lo secretari de l’Organizacion dels Estats Americans (OEA), Luis Almagro, a demandat un “dialòg inclusiu”. Almagro a afortit qu’“es essencial que lo procès de patz arribe a totes los colombians, quitament lo 60% que votèron pas”.
L’OEA a acompanhat Colómbia dempuèi 2004 dins lo procès de patz, e dimenge mandèt una mission d’observacion pel referendum.
Es atal qu’Humberto de la Calle a assumit sa responsabilitat politica per la desfacha dins las urnas dels acòrdis de patz, qu’el aviá menat pendent los darrièrs quatre ans a la taula de las negociacions de L’Avana. S’agís de la primièra demission a causa del referendum.
Solament lo 37% dels colombians cridats a votar depausèron lor bulletin, dont lo 59,21% votèron de “non” a l’acòrdi de patz, e ganhèron los partisans de l’”òc” per a pena 50 000 vòtes.
Santos convida los partisans del “non” a la negociacion
Delà refusar la demission d’Humberto de la Calle, Santos a convidat l’èx-president Álvaro Uribe, e los autres partisans del “non”, a jónher la taula de las negociacions amb las FARC, per reformular l’acòrdi de patz.
Las FARC dispausats a modificar l’acòrdi
De son costat, lo dirigent de las FARC, Rodrigo Londoño Echeverri, dich Timochenko, a declarat que de son costat es “dispausat a modificar l’acòrdi, per tal que se pèrda pas la batalha de la patz”. E mai, a afirmat que las FARC “emplegaràn solament la paraula coma arma”.
L’OEA: “es necite que lo procès arribe tanben al 60% que votèron pas”
De son costat, lo secretari de l’Organizacion dels Estats Americans (OEA), Luis Almagro, a demandat un “dialòg inclusiu”. Almagro a afortit qu’“es essencial que lo procès de patz arribe a totes los colombians, quitament lo 60% que votèron pas”.
Es clave q el proceso d paz llegue a todos los colombianos, incluyendo 60% q no voto. Apoyamos diálogo incluyente. La Paz es obra d todos https://t.co/8n021LjGBm
— Luis Almagro (@Almagro_OEA2015) 3 d’octubre de 2016
L’OEA a acompanhat Colómbia dempuèi 2004 dins lo procès de patz, e dimenge mandèt una mission d’observacion pel referendum.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari