Actualitats
Lo Prèmi Nobel de Fisica es per tres scientifics per lors recèrcas sus la matèria
Son tres cercaires angleses qu’exercisson als Estats Units. Abans lors trabalhs un grand nombre de fenomèns restavan inexplicats
Lo Prèmi Nobel de Fisica 2016 foguèt concedit dimars a tres scientifics per lors recèrcas sus la matèria. Lo guierdon s’autregèt d’un costat, ex aequo, a David J. Thouless; e de l’autre a F. Duncan Haldane M. e J. Michael Kosterlitz, per aver revelat los “secrets exotics de la matèria”.
Los tres son britanics mas exercisson dins d’universitats estatsunidencas. La resolucion del prèmi soslinha que lo guierdon lor es autrejat pr’amor que “lors descobèrtas an permés d’avançadas dins la compreneson teorica dels mistèris de la matièra e crèa de nòvas perspectivas per lo desvolopament de materials innovants”.
Dich amb d’autres mots, lors estudis basats sus de modèls matematics avançats an experimentat las nòvas fasas que las pòdon aquerir de matèrias coma los superconductors, los superfluids o los filmes magnetics prims. Aquelas descobèrtas pòdon aver, dins l’avenir, d’aplicacions dins los domenis de l’electronica e de la sciéncia dels materials. Abans los trabalhs de Thoules e de son estudiant Kosterlitz, un grand nombre de fenomèns, diches de transicion de fasa, restavan inexplicats.
Los tres son britanics mas exercisson dins d’universitats estatsunidencas. La resolucion del prèmi soslinha que lo guierdon lor es autrejat pr’amor que “lors descobèrtas an permés d’avançadas dins la compreneson teorica dels mistèris de la matièra e crèa de nòvas perspectivas per lo desvolopament de materials innovants”.
Dich amb d’autres mots, lors estudis basats sus de modèls matematics avançats an experimentat las nòvas fasas que las pòdon aquerir de matèrias coma los superconductors, los superfluids o los filmes magnetics prims. Aquelas descobèrtas pòdon aver, dins l’avenir, d’aplicacions dins los domenis de l’electronica e de la sciéncia dels materials. Abans los trabalhs de Thoules e de son estudiant Kosterlitz, un grand nombre de fenomèns, diches de transicion de fasa, restavan inexplicats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai pas ren comprris çò qu'avian trobats aquels tres scientifics mas quò es totjorn de la matiera a ajotar a de la matiera. Se son pas pausats la question de saber si l'esser uman era uros dins tota aquela tecnologia e si l'ocean de plastic dins lo Pacifica era pas mai important per l'umanitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari