Actualitats
Turquia estend de tres meses l’estat d’excepcion e barra plusors mèdias curds
Demest las televisions clavadas n’i a una qu’emet de dessenhs animats pels enfants. Los locals de divèrsas estacions de ràdio e television son estats perquisicionats e sagelats
Lo govèrn turc estendrà encara de tres meses l’estat d’excepcion que decretèt just après lo còp d’estat mancat del 15 de julhet. La tòca, segon lo pòrtavotz governamental Numan Kurtulmuş, es d’eliminar las “organizacions terroristas” qu’opèran en Turquia. Dins aquel paquet se compren, segon Ankara, lo movement Gülen, mas tanben lo Partit dels Trabalhadors de Curdistan (PKK). Lo govèrn turc a donat l’òrdre de barrar mai de 20 televisions e ràdios curdas e de l’esquèrra turca, en las acusant de fomentar d’activitats subversivas.
Lo govèrn turc, abans, aviá clavat los mèdias restacats a Fetullah Gülen, l’entrepreneire e clergue que lo president turc Recep Tayyip Erdoğan acusa d’aver organizat lo còp d’estat. Tanben, en agost, un tribunal turc aviá barrat lo jornal pròcurd Özgür Gündem per aver publicat de “propaganda terrorista”. Ara, Ankara o a aprofechat per estendre aquela neteja mediatica a las cadenas de lenga curda.
Atira l’atencion que demest las cadenas barradas n’i aja una qu’emet solament de dessenhs animats pels enfants, Zarok TV. La coordinatritz de la cadena, Dilek Demiral, a mostrat son estupefaccion dins de declaracions a Al-Monitor: “Emetèm de dessenhs animats de Cartoon Network e de canals similars après los aver doblats en curd e en zazaki. S’i compren los Schtroumfs, Garfield e Bob l’Esponja. Cossí se supausa que podèm èsser implicats en d’activitats separatistas e subversivas?”.
Segon Al-Monitor, an tampadas tanben de cadenas qu’emeton d’informacions en curd, e an solament salvadas las que programan sonque de vidèos musicals. Egalament, la difusion de la cadena per satellit Med Nûçe es estada suspenduda per Eutelsat, un operator de satellits francés. Ankara ditz que Med Nûçe es lo pòrtavotz oficiós del PKK. La direccion de Med Nûçe a publicat un comunicat qu’acusa Eutelsat d’èsser “complice de la repression” d’Erdoğan contra los mèdias.
“Après aver fòrça muselat la premsa critica, Turquia perseguís ara una bona partida de l’expression culturala e politica mejançant lo barrament d’emetors minoritaris”, çò a dich lo vicedirector executiu del Comitat per la Proteccion dels Jornalistas, Robert Mahoney, que dempuèi qualques meses seguís los eveniments en Turquia. “Quand lo govèrn vei quitament la programacion infantila coma una menaça per la seguretat nacionala, es evident qu’abusa de sos poders d’emergéncia”, çò apond.
Perquisicions policièras
L’agéncia d’informacions JINHA, basada a Amed (Diyarbakır, Curdistan del Nòrd), explica que i a agut de perquisicions de la polícia als burèus de las cadenas de television Azadî, Jiyan, Zarok e Özgür, e tanben de la ràdio Özgür. Los burèus son estats sagelats.
Aquesta nòva es adaptada de Nationalia, amb qui Jornalet ten un acòrdi de cooperacion.
Lo govèrn turc, abans, aviá clavat los mèdias restacats a Fetullah Gülen, l’entrepreneire e clergue que lo president turc Recep Tayyip Erdoğan acusa d’aver organizat lo còp d’estat. Tanben, en agost, un tribunal turc aviá barrat lo jornal pròcurd Özgür Gündem per aver publicat de “propaganda terrorista”. Ara, Ankara o a aprofechat per estendre aquela neteja mediatica a las cadenas de lenga curda.
Atira l’atencion que demest las cadenas barradas n’i aja una qu’emet solament de dessenhs animats pels enfants, Zarok TV. La coordinatritz de la cadena, Dilek Demiral, a mostrat son estupefaccion dins de declaracions a Al-Monitor: “Emetèm de dessenhs animats de Cartoon Network e de canals similars après los aver doblats en curd e en zazaki. S’i compren los Schtroumfs, Garfield e Bob l’Esponja. Cossí se supausa que podèm èsser implicats en d’activitats separatistas e subversivas?”.
Segon Al-Monitor, an tampadas tanben de cadenas qu’emeton d’informacions en curd, e an solament salvadas las que programan sonque de vidèos musicals. Egalament, la difusion de la cadena per satellit Med Nûçe es estada suspenduda per Eutelsat, un operator de satellits francés. Ankara ditz que Med Nûçe es lo pòrtavotz oficiós del PKK. La direccion de Med Nûçe a publicat un comunicat qu’acusa Eutelsat d’èsser “complice de la repression” d’Erdoğan contra los mèdias.
“Après aver fòrça muselat la premsa critica, Turquia perseguís ara una bona partida de l’expression culturala e politica mejançant lo barrament d’emetors minoritaris”, çò a dich lo vicedirector executiu del Comitat per la Proteccion dels Jornalistas, Robert Mahoney, que dempuèi qualques meses seguís los eveniments en Turquia. “Quand lo govèrn vei quitament la programacion infantila coma una menaça per la seguretat nacionala, es evident qu’abusa de sos poders d’emergéncia”, çò apond.
Perquisicions policièras
L’agéncia d’informacions JINHA, basada a Amed (Diyarbakır, Curdistan del Nòrd), explica que i a agut de perquisicions de la polícia als burèus de las cadenas de television Azadî, Jiyan, Zarok e Özgür, e tanben de la ràdio Özgür. Los burèus son estats sagelats.
Aquesta nòva es adaptada de Nationalia, amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari