Actualitats
La region de Provença romp las negociacions amb l’SNCF
Estrosi denóncia una “situacion intolerabla”, un “laissatz-anar”, un “degalhatge”, e doncas a decidit de pagar pas la factura de 2016, e a anonciat la mesa en concurréncia dels trens regionals TER
“Pagarem que çò que devèm”, declarèt ièr lo president de la region Provença-Alps-Còsta d’Azur, Christian Estrosi, en tot anonciar la rompedura de las negociacions amb la Societat Estatala dels Camins de Fèrre (SNCF) e signarà pas la convencion venenta, çò rapòrta La Provence.
Estrosi denóncia una “situacion intolerabla”, un “laissatz-anar”, un “degalhatge”, en tot plànher los retards, las caumas, los trens anullats, la marrida gestion del personal... Per tant, a decidit de pagar pas la factura de 2016 per l’SNCF, çò rapòrta France 3. Lo president regional considèra que lo transportaire assegura “un servici de marrida qualitat per 300 milions d’èuros per an. Aquò es intolerable”, çò diguèt en tot denonciar 86 jorns de cauma comptabilizats ongan e la penúria dels conductors, çò precisa Nice-Matin. Estrosi deplora pereu que “cada jorn, aperaquí 40 trens comandats per la Region circulen pas”.
En mai d’aquò, lo president regional anoncièt la mesa en concurréncia dels trens regionals TER a partir de 2019, quitament s’abans n’a autorizat una experimentacion. Mentretant, lo servici dels TER contunha, mas la Region pagarà solament “lo just prètz (...) sensa convencion ”.
A partir del 3 de novembre se sometrà una deliberacion als conselhièrs regionals per amputar de 36 milions d’èuros lo montant versat a l’SNCF per 2016, que, segon un audit mençonat per Estrosi, correspond al “subrecòst”. Lo montant deviá èsser inicialament de 291 milions d’èuros.
Estrosi denóncia una “situacion intolerabla”, un “laissatz-anar”, un “degalhatge”, en tot plànher los retards, las caumas, los trens anullats, la marrida gestion del personal... Per tant, a decidit de pagar pas la factura de 2016 per l’SNCF, çò rapòrta France 3. Lo president regional considèra que lo transportaire assegura “un servici de marrida qualitat per 300 milions d’èuros per an. Aquò es intolerable”, çò diguèt en tot denonciar 86 jorns de cauma comptabilizats ongan e la penúria dels conductors, çò precisa Nice-Matin. Estrosi deplora pereu que “cada jorn, aperaquí 40 trens comandats per la Region circulen pas”.
En mai d’aquò, lo president regional anoncièt la mesa en concurréncia dels trens regionals TER a partir de 2019, quitament s’abans n’a autorizat una experimentacion. Mentretant, lo servici dels TER contunha, mas la Region pagarà solament “lo just prètz (...) sensa convencion ”.
A partir del 3 de novembre se sometrà una deliberacion als conselhièrs regionals per amputar de 36 milions d’èuros lo montant versat a l’SNCF per 2016, que, segon un audit mençonat per Estrosi, correspond al “subrecòst”. Lo montant deviá èsser inicialament de 291 milions d’èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E quand son amic Sarkòzi serà president tornaraà pagar la factura. Te disi!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari