Actualitats
Juan Manuel Santos, prèmi Nobel de la Patz, per l’acòrdi amb las FARC
An guierdonat lo president de Colómbia per son prètzfach dins lo procès de patz
Lo comitat norvegian del Prèmi Nobel a anonciat qu'ongan lo guierdonat amb lo prèmi Nobel de la Patz es Juan Manuel Santos per son prètzfach dins lo procès de patz de Colómbia. La patz entre lo govèrn colombian e las Fòrças Armadas Revolucionàrias de Colómbia (FARC) se signèt a la fin de setembre a Cartagena de Indias, e foguèt puèi refusada après un referendum.
Lo president colombian Manuel Santos e lo dirigent de las FARC, Rodrigo Londoño Echeverri, chafrat Timochenko, signèron l’acòrdi après d’un procès de negociacions que comencèt en 2012 a L’Havana (Cuba). Dins un acòrdi signat lo 24 d’agost passat s'anoncièt ja lo renonciament a la lucha armada e l’incorporacion de la guerrilha a la vida civila.
Lo procès de desmobilizacion —rassemblament e desarmament— de las Fòrças Armadas Revolucionàrias de Colómbia (FARC) es ja començat, mas caldrà veire la seguida après lo resultat del referendum. Santos a convidat los partisans del “non” a jónher la negociacion de patz.
Lo president colombian Manuel Santos e lo dirigent de las FARC, Rodrigo Londoño Echeverri, chafrat Timochenko, signèron l’acòrdi après d’un procès de negociacions que comencèt en 2012 a L’Havana (Cuba). Dins un acòrdi signat lo 24 d’agost passat s'anoncièt ja lo renonciament a la lucha armada e l’incorporacion de la guerrilha a la vida civila.
Lo procès de desmobilizacion —rassemblament e desarmament— de las Fòrças Armadas Revolucionàrias de Colómbia (FARC) es ja començat, mas caldrà veire la seguida après lo resultat del referendum. Santos a convidat los partisans del “non” a jónher la negociacion de patz.
Announcement of the 2016 #NobelPrize in Peace https://t.co/pMBPquTF3S
— The Nobel Prize (@NobelPrize) 7 d’octubre de 2016
BREAKING NEWS The 2016 #NobelPrize#Peace is awarded to Colombian President Juan Manuel Santos pic.twitter.com/7OhiCruc1o
— The Nobel Prize (@NobelPrize) 7 d’octubre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
dins mon comentari après lo referendum, ai agut unja intuicion que se lei Farcs volián la patz, la rason n'èra qu'avián perdut la batalha e n'ai agut confirmacion aièr sus la cadena de tele LCI amb Vincent Hervouët qu' a espelucat a fons lo problèma de la Colombia. m'a apres que lo president en exercici Santos abans èra ministre de l'interior dau president Uribe, un gladiator qu'a luchat eficaçament contra lei Farcs, li levant tota esperança de victoria e vuei qu'a pres la plaça de son predecessor. en aguent negociat per un acordi, ei justicia que li aguèsson decernit lo premi Nobel de la patz e me sembla que li aurà ara quauquei negociacions suplementaris que le partisans dau non li seràn associats e que pasmens la patz serà afortida, ajudada per lo premi Nobel
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari