Actualitats
De protèstas en Ongria après lo barrament sobde del principal jornal del país
Népszabadság èra lo jornal de referéncia en çò que tanh a la critica del govèrn del populista drechista Victor Orbán
Qualques milièrs de personas manifestèron ièr a Budapèst en protèsta contra lo barrament del jornal Népszabadság e en revendicant la libertat de premsa.
Népszabadság vòl dire “la libertat del pòble”, e èra lo jornal de referéncia en çò que tanh a la critica del govèrn del populista drechista Victor Orbán. Èra lo jornal qu’aviá lo tiratge pus naut e dins los darrièrs meses mantenguèt un refús clar e net de las politicas antiimmigracion del govèrn.
La decision de barrar lo jornal estonèt los quites salariats, que sabián pas res fins a dissabte, quand recebèron la letra de la direccion que lor raportava lo barrament del mèdia. Aquel jorn se permetèt pas als jornalistas d’accedir a la redaccion e s’anullèt totes lors comptes d’e-mail.
Los nòus proprietaris del mèdia justifican lo barrament per de rasons economicas. Mas qualques jornalistas de Népszabadság asseguran que s’agís d’una manòbra del poder e d’un atemptat contra la libertat de premsa. L’oposicion a manifestat son chepic davant la manca de pluralitat informativa.
Népszabadság vòl dire “la libertat del pòble”, e èra lo jornal de referéncia en çò que tanh a la critica del govèrn del populista drechista Victor Orbán. Èra lo jornal qu’aviá lo tiratge pus naut e dins los darrièrs meses mantenguèt un refús clar e net de las politicas antiimmigracion del govèrn.
La decision de barrar lo jornal estonèt los quites salariats, que sabián pas res fins a dissabte, quand recebèron la letra de la direccion que lor raportava lo barrament del mèdia. Aquel jorn se permetèt pas als jornalistas d’accedir a la redaccion e s’anullèt totes lors comptes d’e-mail.
Los nòus proprietaris del mèdia justifican lo barrament per de rasons economicas. Mas qualques jornalistas de Népszabadság asseguran que s’agís d’una manòbra del poder e d’un atemptat contra la libertat de premsa. L’oposicion a manifestat son chepic davant la manca de pluralitat informativa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
se legissi ben l'article, me sembla qu'ei pas lo govèrn qu'a barrat lo jornau, mai sei proprietaris e, per ieu, aquo, ei pas parier, doncas aqueu qu'a fach lo cop es un marrit capitalista que nautres en França n'avèm de bons, que finançan de jornaus que perdon d'argent coma Libération, le monde e 'l'estat que sosten de sei subvencions l'humanité, la croix e autres jornalets d'esquerra que sensa eu aurián begut la tassa dempuei long-temps
La dreta quan governa ja sabem lo que fa. Messorgas, calumnias. Haver tots los medias de dretas, e cap d'esquerras. Son concepte de democràcia es pichonet. Nomai quan li conven.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari