Segon un estudi publicat fa gaire dins Nature, s’es pogut confirmar una relacion dirècta entre los natius americans d’Amazonas e los indigènas d’Australasia. Lo genòma descobèrt parla d’una migracion desconeguda en America fa de milièrs d’ans. Mas se sap pas encara per ont.
“Es estat estonant – çò diguèt David Reich, cap de l’estudi -. L’arqueologia d’uèi encara afirma que i aguèt solament una migracion vèrs America fa 15 000 annadas. E se son enganats. Avèm fach una fauta plan importanta en estudiant las donadas originalas”.
Tot començèt en 2012, quand un collèga de Reich, Pontus Skoglund, estudiava de donadas geneticas e trobèt que ja i aviá plusors gèns semblables entre dos grops de natius americans brasilièrs e d’indigènas que demòran en Austràlia, Nòva Guinèa e las Illas Andaman.
“Foguèt una descobèrta mai qu’estonanta pr’amor qu’èra pas de creire – çò diguèt Reich -. Estudièrem pendent fòrça temps las resultas e cada còp que o fasiam lo gèn èra encara mai fort”.
Un estudi que l’an ajudat plusors universitats
Las resultas èran solidas mas tanben estonantas. Reich e la siá còla de scientifics demandèron d’ajuda a divèrsas universitats americanas. Aital, poguèron confrontar l’informacion genetica de 21 populacions de natius americans d’America Centrala e del Sud amb d’autras 200 non americanas. Lo gèn desapareissiá pas. Los suruís, que parlan tupí, e los shavantes, locutors de gê, avián d’ancessors restacats amb d’australasiatics. Mai que cap autra populacion uèi lo jorn. Cap migracion posteriora europèa, africana o polinesiana o podiá pas explicar.
Los ancessors foguèron nomenats Populacion Y pr’amor de la paraula tupí ypykuéra (ancessor). Puèi Reich, Skoglund e los sieus collègas faguèron una nòva proposicion: la Populacion Y èra una de las doas primièras populacions qu’arribèron a America. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
“Es estat estonant – çò diguèt David Reich, cap de l’estudi -. L’arqueologia d’uèi encara afirma que i aguèt solament una migracion vèrs America fa 15 000 annadas. E se son enganats. Avèm fach una fauta plan importanta en estudiant las donadas originalas”.
Tot començèt en 2012, quand un collèga de Reich, Pontus Skoglund, estudiava de donadas geneticas e trobèt que ja i aviá plusors gèns semblables entre dos grops de natius americans brasilièrs e d’indigènas que demòran en Austràlia, Nòva Guinèa e las Illas Andaman.
“Foguèt una descobèrta mai qu’estonanta pr’amor qu’èra pas de creire – çò diguèt Reich -. Estudièrem pendent fòrça temps las resultas e cada còp que o fasiam lo gèn èra encara mai fort”.
Un estudi que l’an ajudat plusors universitats
Las resultas èran solidas mas tanben estonantas. Reich e la siá còla de scientifics demandèron d’ajuda a divèrsas universitats americanas. Aital, poguèron confrontar l’informacion genetica de 21 populacions de natius americans d’America Centrala e del Sud amb d’autras 200 non americanas. Lo gèn desapareissiá pas. Los suruís, que parlan tupí, e los shavantes, locutors de gê, avián d’ancessors restacats amb d’australasiatics. Mai que cap autra populacion uèi lo jorn. Cap migracion posteriora europèa, africana o polinesiana o podiá pas explicar.
Los ancessors foguèron nomenats Populacion Y pr’amor de la paraula tupí ypykuéra (ancessor). Puèi Reich, Skoglund e los sieus collègas faguèron una nòva proposicion: la Populacion Y èra una de las doas primièras populacions qu’arribèron a America. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Avèm lo drech d'estudiar la genetica de populacions exoticas mas quora se tracta d'estudiar la genetica en França es pas possible. Dire, per exemple, que los Gascons son pas de gallés cèltas o de germans, aquò se pòt pas perqué los jacobins francés te dison qu'es de fascisme identitari e de replegament racial que nos torna a "las oras mai escuras de nòstra Istòria", als nazis e patatí e patatá. Estudiar la genetica dels Papós es pas dangierós per l'unitat e l'indivisivilitat de la Republica e per l'Istòria nacionala de la raça gallesa millenària.
Estudièri a l'universitat de sciéncias de Tolosa, la genetica de las populacions amerindianas intertropicalas, en tresen cicle. Mos estudis foguèron validats en 1994.
D'aquel temps, los modèls scientifics afortissián, arqueologia amb genetica de las populacions ajustadas, que i aviá agut non una mas tres migracions.
1) La migracion mai anciana èra situada a pauc près a 20 000 ans abans lo sègle XX occidental. Concernissiá sonque una populacion fòrça redusida en efectiu, a la broa del Lac Titicaca, un pòble de pescaires.
2) La segonda migracion èra de plan mai luènh la mai considerabla en efectiu de populacion concernida, estant que pertocavan 95% dels Amerindians, tant al nòrd coma al sud. Los ligams genetics entre totes aquels pòbles apareissiá coma evident, per enlà las diferéncias. Datariá de fa 10 000 ans.
3) La darrièra èra estimada a quelques 5 000 ans, e concernissiá exclusivament de populacions del grand nòrd del continent, e dels natius de Groenland. Totas aquelas migracions èran supausadas èsser partidas de Siberia orientala. L'animisme dels unes (Asia) e dels autres (Americas) parlavan tanplan d'un ligam evident.
D'aquí estant, soi un pauquet susprés del contengut d'aqueste article, quand legissi : "L’arqueologia d’uèi encara afirma que i aguèt solament una migracion vèrs America fa 15 000 annadas" … Mas en sciéncias, avançam per "modèls explicatius prepausats", e cada avançada infirma lo modèl precedent per ne prepausar un novèl. Aquí un exemple fòrça significatiu.
Çaquelà, seriá interessent de conéisser melhor lo passat de las populacions de çò que disètz "Australasia" abans de ne tirar tròp aviat conclusions subre las originas e las migracions dels Ameridians considerats. Supausi que los sabents autors de la publicacion dins Nature i auràn soscat ben abans ieu, pecaire ! Amb aquel novèl modè lexplicatiu, sèm convidats a considerar que los umans d'Oceania aurián traversat lo Pacific per abordar en America del Sud sens passa per Siberia, fa mai de… Ai quelques dificultats a o imaginar.
Mai imaginabla me sembla l'ipotèsi d'unes aujòls comuns als unes e als autres (d'aquí una semblança genetica observada), los unes estant partits cap al sud (Australasia), e los autres cap al nòrd est (Bering), abans de migrar tot lo long del continent american. Mas non soi pas mai un especialista del subjècte.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari