Actualitats
Boko Haram a liberat vint e una de las joventas de Chibok raubadas
Las gojatas se tròban ara jos la garda de l’estat nigerian, segon çò qu’a raportat lo pòrtavotz del president
Lo grop terrorista nigerian Boko Haram a liberat vint e una de las mai de dos cents cinquanta menors raubadas l’an 2014 dins la vila de Chibok, al nòrd del país, çò rapòrta la cadena britanica BBC. Segon qualques mèdias locals las filhas se tròban ara amb las fòrças de seguretat nigerianas dins la vila de Maiduguri, la capitala de l’estat de Borno. Lo pòrtavotz del president del país, Mallam Garba Shehu, a confirmat l'informacion a travèrs dels rets socials. “Confirmam que 21 de las filhas de Chibok raubadas son estadas liberadas e se tròban jos la garda del Departament d’Estat”, çò a dich.
Las filhas de Chibok foguèron raubadas pels terroristas la nuèch del 14 d’abril de 2014. Aquel fach provoquèt una protèsta internacionala que se manifestèt suls rets socials amb l’etiqueta #BringBackOurGirls (tornatz las nòstras filhas), ont quitament Michelle Obama mandèt sa fòto amb l’etiqueta. Mas la protèsta mondiala s’amortèt pauc a cha pauc. Mentretant, avèm vist constantament d’informacions sus de presumidas liberacions de qualque joventa. De fach, Boko Haram emplega las gojatas coma arma politica per descreditar lo govèrn e l’armada de Nigèria, e exigir de contrapartidas en escambi de lor liberacion.
Boko Haram es considerat coma lo grop terrorista mai murtrièr del Mond, quitament mai que l’autoproclamat Estat Islamic, que los terroristas nigerians lor jurèron fidelitat fa mai d’un an.
De legir:
— “Quau son los de Boko Haram?” Article de Cecila Hautefeuille publicat lo 23.03.2013.
— “Sèt questions e responsas sus las tres cents dròllas raubadas en Nigèria”. Article publicat lo 09.05.2014
It is confirmed that 21 of the missing Chibok Girls have been released and are in the custody of the Department of State Services, DSS.
— Mallam Garba Shehu (@GarShehu) 13 d’octubre de 2016
Las filhas de Chibok foguèron raubadas pels terroristas la nuèch del 14 d’abril de 2014. Aquel fach provoquèt una protèsta internacionala que se manifestèt suls rets socials amb l’etiqueta #BringBackOurGirls (tornatz las nòstras filhas), ont quitament Michelle Obama mandèt sa fòto amb l’etiqueta. Mas la protèsta mondiala s’amortèt pauc a cha pauc. Mentretant, avèm vist constantament d’informacions sus de presumidas liberacions de qualque joventa. De fach, Boko Haram emplega las gojatas coma arma politica per descreditar lo govèrn e l’armada de Nigèria, e exigir de contrapartidas en escambi de lor liberacion.
Boko Haram es considerat coma lo grop terrorista mai murtrièr del Mond, quitament mai que l’autoproclamat Estat Islamic, que los terroristas nigerians lor jurèron fidelitat fa mai d’un an.
De legir:
— “Quau son los de Boko Haram?” Article de Cecila Hautefeuille publicat lo 23.03.2013.
— “Sèt questions e responsas sus las tres cents dròllas raubadas en Nigèria”. Article publicat lo 09.05.2014
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari