Actualitats
Merkel anóncia que doblarà la despensa militara d’Alemanha
La cancelièra alemanda defend la creacion d'una zòna protegida per los iaziditas en Iraq
La cancelièra alemanda, Angela Merkel, a anonciat son intencion de respondre als critèris minimals de despensa militara pachats dins l’OTAN, e doncas qu’aumentarà la despensa alemanda dins la Defensa, que passarà de l’1,2% actual al 2% del PIB. “Per passar de l’1,2% al 2% lo devèm aumentar per la fòrça”, çò declarèt la cap del govèrn alemand dins un acte de las joventuts de son partit, l’Union Democrata Crestiana (CDU) a Paderborn.
Pasmens, Merkel a pas especificat l’aument concret, ni mai lo tèrme que serà efectiu. La quita cancelièra explicava que lo president estatsunidenc, Barack Obama, li diguèt que los Estats Units podián pas contunhar de despensar lo 3,4% de lor PIB dins la Defensa, mentre qu’Alemanha, un dels aliats màgers de l’OTAN, ne despensa sonque l’1,2%.
Lo darrièr budget federal consagra 34,3 miliards d’èuros a la Defensa, e per tant complís l’intencion anonciada per Merkel en tot l’aumentar de mai de 20 miliards.
D’un autre costat, Merkel defendèt la percaça dels estrangièrs qu'aguèsson pas lo drech legal de demorar dins lo país. “Avèm de besonh d’un vam nacional per expulsar los que son estats refusats. Aquò es indiscutible e trabalham durament sus aquò a l’ora d’ara”, çò apondèt.
Per o far, s’aumentarà las ressorsas umanas utilizadas dins l’immigracion al nivèl municipal, çò expliquèt la cancelièra alemanda, que soslinhèt qu'aquelas percaças èran solament una pèça de mai d’una estrategia globala que compren d’afrontar las causas que provòcan l'immigracion. Per contra, “los qu'auràn lo permés de demorar auràn d’èsser integrats”, segon ela.
En mai d’aquò, Merkel parlèt de la situacion al nòrd d’Iraq, ont segon ela, i deuriá existir una zòna protegida ont se pòsca refugiar la minoritat iazidista. “Lo plan s’es pas encara precisat, serai sincèra amb vosautres, mas es dins l’agenda”, çò diguèt.
Segon l’ÒNU, l’Estat Islamic a perpetrat un genocidi contra los iaziditas en Siria e Iraq en tuant mai de 400 000 personas qu’apertenián a aquela minoritat.
Fin finala, Merkel critiquèt los bombardaments de l’armada siriana sostenguda per Russia sus la vila d’Alèp, de malfaches que son “fòrça pròches dels crimes de guèrra”.
Pasmens, Merkel a pas especificat l’aument concret, ni mai lo tèrme que serà efectiu. La quita cancelièra explicava que lo president estatsunidenc, Barack Obama, li diguèt que los Estats Units podián pas contunhar de despensar lo 3,4% de lor PIB dins la Defensa, mentre qu’Alemanha, un dels aliats màgers de l’OTAN, ne despensa sonque l’1,2%.
Lo darrièr budget federal consagra 34,3 miliards d’èuros a la Defensa, e per tant complís l’intencion anonciada per Merkel en tot l’aumentar de mai de 20 miliards.
D’un autre costat, Merkel defendèt la percaça dels estrangièrs qu'aguèsson pas lo drech legal de demorar dins lo país. “Avèm de besonh d’un vam nacional per expulsar los que son estats refusats. Aquò es indiscutible e trabalham durament sus aquò a l’ora d’ara”, çò apondèt.
Per o far, s’aumentarà las ressorsas umanas utilizadas dins l’immigracion al nivèl municipal, çò expliquèt la cancelièra alemanda, que soslinhèt qu'aquelas percaças èran solament una pèça de mai d’una estrategia globala que compren d’afrontar las causas que provòcan l'immigracion. Per contra, “los qu'auràn lo permés de demorar auràn d’èsser integrats”, segon ela.
En mai d’aquò, Merkel parlèt de la situacion al nòrd d’Iraq, ont segon ela, i deuriá existir una zòna protegida ont se pòsca refugiar la minoritat iazidista. “Lo plan s’es pas encara precisat, serai sincèra amb vosautres, mas es dins l’agenda”, çò diguèt.
Segon l’ÒNU, l’Estat Islamic a perpetrat un genocidi contra los iaziditas en Siria e Iraq en tuant mai de 400 000 personas qu’apertenián a aquela minoritat.
Fin finala, Merkel critiquèt los bombardaments de l’armada siriana sostenguda per Russia sus la vila d’Alèp, de malfaches que son “fòrça pròches dels crimes de guèrra”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La question es com a rebaissar las despesas militaras de l'OTAN, e pas augmentar-las. L'OTAN xucla tot los diners de l'estat del benestar, e augmenta los deutes dels estats víctimas de lo robatori capitalista.
#3 A! se la mesfisença arriba fins a Malhana, alara...
#2 es doncas un neologisme inventat per Mistral qu'ei pas lo solet dins ,lo TDF. fisèm se puslèu au diccionari d'Honnorat, de luenh superior an aqueu de Mistral per doas rasons:1° en aguent passat quatre o cinc ans a Paris per seis estudis, Honnorat coneis mielhs lo francés que Mistral 2°se lo mot ei pas en usatge dins lo provençau de l'epoca nos ne balha la provenença vl- vieille langue, dl. dialecte langedocien percassar vl procacciare it pourchasser, tracasser, chercher, poursuivre percas (s.m.)dl recherche , persécution, fréquentation, poursuite- escrivan provençau, m'azardi gaire dins lo domeni dau dl (dialecte langedocien)o dins leis archaïsmes trobadorescs
#1www.lexilogos.com/provencal/felibrige.php?q=percasso
expulsion al loc e plaça del neologisme incompreënsible percaça, ei pasmens curios lo nivelament europenc que leis alemands aguèsson tant de pena coma nautres a forabandir lei sensa-papiers o aqueles que li an pas balhat l'estatut de refugiats : cu a fach la lei a fach l'engambi, ditz la saviesa provençala, cambiem doncas la lei faguem ne una sensa engambi, mai l'Europa non lo pot faire a 27 signaturas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari