Lo Front Nacional de Limós (Rasés) organizèt dissabte passat una manifestacion per denonciar l’arribada d’un grop de 90 migrants e refugiats que l’aculhirà la vila. Lo percors de la manifestacion passava per la Plaça de la Republica quatre còps. A cada còp los esperava una contramanifestacion espontanèa de sosten als refugiats dins la tradicion de benvenguda d’aquesta vila vinhairona. A cada passatge los dos grops s’invectivavan e s’insultavan sens qu’aquò despassèsse los limits verbals. D’efièch un cordèl pesuc de gendarmas empachèt tot contacte dirècte.
 
Dins lo grop ultrafrancista se podiá veire de plancardas que disián “Clandestins defòra! Franceses d’en primièr” amb de croses celticas. Qualques racistas anèron fins a arborar la crotz occitana. Entre los manifestants de sosten als refugiats, se legissiá la plancarda: “I a pas d’autre bonaür que la patz. Partegem”
 
Dempuèi qualques jorns se sap que per decision de l’estat francés, Limós deurà aculhir 90 migrants en provenença de la jungla de Calais. Aquestas personas seràn albergadas per l’associacion France Terre d’Accueil que per l’escasença engatjarà 4 assistents socials, una secretària e un director d’establiment d’acuèlh. Las 90 personas (un vintenat de familhas) seràn lotjadas dins 25 apartaments.
 
Limós es dempuèi plusors meses l’objècte d’un plan politic del Front Nacional. La seccion locala d’aqueste partit, recentament creada, s’apuèja sus de joves inconeguts que pantaissan de se far un nom dins la vida publica locala amb un discors d’ultranacionalisme francés desconnectat de las realitats socialas.

 

Bienvenue aux migrants sur Limoux ! https://t.co/E3QBB1kTxe#refugeeswelcome#Limoux#migrants#bienvenuecheznous

— bravetype (@BraveLeon66) 16 d’octubre de 2016

#Limoux des militants du FN ou des casseurs ?! #WelcomeRefugeespic.twitter.com/cIRpLxNL5P

— Fanny goutal (@fanny_goutal) 16 d’octubre de 2016