Actualitats
Amassada deu CRÈO Aquitània
Arrevadut de las soas brasas o deu son som-som, lo CRÈO existeish en Aquitània. La manca de professors deu secondari es un deus sons problèmas vertadèirs
Vienuts en màger part de Bearn o de Gironda (quauques uns, hòrt actius en Perigòrd, avèn simplament mandat lo lor poder), los ensenhaires deu Centre regionau de l’ensenhament occitan (CRÈO) qu’an causit Pissòs (Gran Lana), en posicion centrau e aisidament accessibla, per lor amassada generau lo dissabte 15 d’octòbre. Lo CRÈO, associacion professionau presidida dempuish tres ans per Joan-Luc Landi, professor de las escòlas a Morlans (Bearn), existeish dempuish la fin de las annadas 1970. Que tienó quitament un acamp generau dens la medisha comuna au miei de las annadas 1980…
Diferent deus sindicats, lo CREO hè partida de la FÈLCO creada en 1987 per informar e coordenar los esfòrçs deus qui òbran a la transmission de la lenga e de la cultura occitanas, de l’escòla mairau a l’universitat.
Interlocutor
Vint o trenta ans a, l’accion deu CRÈO concerniva en màger part collègis e licèus. Dempuish –pr’amor de la(s) reforma(s) (e se pòden comptar?) e deus trabucs nombrٕós de l’administracion – l’ensenhament de l’occitan a coneishut ua baisha de las seriosas qui pausa problèma. Au contra, las seccions bilinguas, en primari, on l’òc (dialècte gascon a nòste, ben solide) es ensenhat en parallèl dab lo francés (en Bearn, pro; dens las Lanas o en Gironda, un chic mensh) se son multiplicadas. Dab, en consequéncia, l’arribada d’escolans ben formats en collègi. Aquò que pausa donc lo problèma, qui n’es pas navèth, de la manca de professors bivalents titularis deu CAPES-Occitan/Lenga d’Òc. D’on l’accion deu CRÈO per coordenar, balhar informacions praticas e pedagogicas aus parents e professors, participar cada annada a la Comission Academica de las Lengas “Regionaus” (CALR) reünida peu Rector d’Acadèmia, o tanben estar un deus interlocutors deu (navèth) conselh regionau (lo de la regionassa “Navèra Aquitània[1]) qui deveré, en principi, perseguir la soa politica de sostien dab la mesa en plaça de l’ÒPLO (Ofici Public interregionau per la Lenga Occitana).
Joan Jacme Fénié
Diferent deus sindicats, lo CREO hè partida de la FÈLCO creada en 1987 per informar e coordenar los esfòrçs deus qui òbran a la transmission de la lenga e de la cultura occitanas, de l’escòla mairau a l’universitat.
Interlocutor
Vint o trenta ans a, l’accion deu CRÈO concerniva en màger part collègis e licèus. Dempuish –pr’amor de la(s) reforma(s) (e se pòden comptar?) e deus trabucs nombrٕós de l’administracion – l’ensenhament de l’occitan a coneishut ua baisha de las seriosas qui pausa problèma. Au contra, las seccions bilinguas, en primari, on l’òc (dialècte gascon a nòste, ben solide) es ensenhat en parallèl dab lo francés (en Bearn, pro; dens las Lanas o en Gironda, un chic mensh) se son multiplicadas. Dab, en consequéncia, l’arribada d’escolans ben formats en collègi. Aquò que pausa donc lo problèma, qui n’es pas navèth, de la manca de professors bivalents titularis deu CAPES-Occitan/Lenga d’Òc. D’on l’accion deu CRÈO per coordenar, balhar informacions praticas e pedagogicas aus parents e professors, participar cada annada a la Comission Academica de las Lengas “Regionaus” (CALR) reünida peu Rector d’Acadèmia, o tanben estar un deus interlocutors deu (navèth) conselh regionau (lo de la regionassa “Navèra Aquitània[1]) qui deveré, en principi, perseguir la soa politica de sostien dab la mesa en plaça de l’ÒPLO (Ofici Public interregionau per la Lenga Occitana).
Joan Jacme Fénié
[1] Aquò que pausa, au passatge, la question de l’ensenhament de l’òc dens la “defunta” region de Lemosin e (aute aspècte, lhèu un chic marginau mes totun…) de la Charanta occitana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 E es en coneissent perfiechament los rondatges dels budgets de las regions tanplan coma la dels departaments que porem quichar dessus e fa enantir las causas.
E es atal qu'amariai plan que i aguessa un descriptiu economic de las regions dels departaments d'aqui qu'aquò tanben fa partit d'occitània.
"Lo que ten lo poder es lo que far lo business" Es atal que las causas fonccionan per ara. Se pòt discutir ideologicamant de segur, voler cambiar las causas. Mas per cambiar cal èsser endins, puèi avèm vertadièrament pas los mejans de cambiar, i capitessem un jorn, l'occitan sarà benlèu pas d'aqueste mond....
#11 Ah non perdon, qu'es una meschanta manipulacion de ma part. Qu'era pas una responsa. Sei d'acòrd coma vautres per çò dau mot "sostien", qu'es de l'autor de l'article, pas de me.
E efectivament, per çò de l'OPLO faudrà veire çò balhat per las regions Novela Aquitània e Occitània dins lors budgets respectius (las misions de l'encharjat tocaràn las doas regions).
#10 Crèsi que nos comprenem brica !
"lo de la regionassa “Navèra Aquitània) qui deveré, en principi, perseguir la soa politica de sostien dab la mesa en plaça de l’ÒPLO (Ofici Public interregionau per la Lenga Occitana)."
E quela mesa en plaça passa aparadament, coma lo mostra la publicitat que vesetz benleu denaut de la paja, per empleiar un/a "Encargat/ada de seguit de las operacions Estat-Region dins lo domeni de l’ensenhament e de la transmission escolara de l’occitan ". L'oferta d'emplec es aqui :
http://emplec.com/spip.php?page=offre_detail&id_offre=713
#8 Bona causa, mas auria estat melhor d'aver dins lo budget previsional qualquas regas per l'espandiment de la lenga occitana.
Lo mòt "sosten" es brave mas vòl pas dire grand causa, pòt simplament èsser una intencion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari