Dijòus de ser, lo fólzer tombèt sus Perpinhan la Catalana. La novèla corriguèt de boca en aurelha, la rumor venguèt informacion verificada: Trent Robinson seriá pas l’entrainaire dels Dracs la sason venenta. Aquò se decidiguèt aval luènh del costat de Sydney ont los dirigents dels Sydney Roosters demesiguèron de sas fonccions lo Brian Smith e pensèron a faire tornar aquel qu’èra son segond abans de se venir ocupar dels Dracs.
E cossí refusar de venir entrainaire d’una equipa de NRL? Aquela decision pesèt benlèu sus la partida jogada a Brutús aqueste dissabte pels Dracs fàcia a Bradfòrd. Una partida que los sang e aur entamenèron per una operacion “Pòrtas dobèrtas”: dos ensags encaissats dins las cinc primièras minutas e dètz a res pel Taures.
Mas los Dracs puntavan quantre còps dins las vint minutas seguentas per prene un avantatge bèl: 22-10. Puèi, s’acossomissián tornar e Bradfòrd reveniá a 22-20 a la pausa. A la represa, los Dracs accentuèron lor dominacion territoriala e faguèron melhor circular la pauma: aquò se concretizèt per 4 novèls ensags abans que Sammut interceptèsse per marcar son quatren ensag de la vesprada.
A la còrna, Scott Dureau tustava a seguir, la pauma rebombissiá sul pè dels pals e tornava coma una ofèrta dins los braces de l’òme de la partida Clint Greenshields que capitava lo còp del capèl: 50-26, una victòria confirma la quatrena plaça dels Dracs dins aquesta fasa de classament.
Aquò vòl dire un primièr torn de las pelhòfas divendres a Wigan. Aquí, pas d’aproximacions e la necessitat d’èsser dins lo còp las 80 minutas!
En cas de victòria, qualificacion dirècta per las mièja-finalas. En cas de desfaita, torn de barratge a Brutús contra lo ganhant de Leeds-Wakefield.
Dins lo naut del tablèu, Warrington reçauprà St-Helens dissabte alara que HullFC esperarà Huddersfield. De senhalar que los 36 punts al classament, siá 18 victòrias, signan la melhora sason dels Dracs dempuèi lor preséncia en Super-Liga: 812 punts marcats e 611 encaissats.
Mai de 120 000 espectators an seguit las partidas a Brutús. Los Dracs preparan a l’encòp la sason venenta costat jogaires: David Ferriòl arrèsta sa carrièra en Super-Liga per s’ocupar de sas vinhas, alara que Sebastian Raguin vendrà lo managèr de l’equipa; lo capitani de l’equipa de França Olivièr Elimà farà son retorn en Catalonha; l’internacional kiwi Brent Web daissa Leeds, per remplaçar Clint Greenshields a l’arrièr de la formacion sang e aur.
Setamaita Sa deuriá jogar a XV a Londres.E demòra doncas un entranaire a trapar que contunhèsse de presicar lo jòc ofensiu e ambiciós mes en plaça per Trent Robinson: benlèu que l’ora del Laurenç Fraissinós sona? En Australia, es tanben lo temps de las pelhòfas: Canterbury es ja en mièja-finala aprèp sa victòria 16-10 contra las Aglas de Mar de Manly coma los Melbourne Strorms venceires dels Lapinons (Rabbitohs) de South Sydney : 24-6.
Los perdents rescontraràn en barratge los Cow-boys del Queensland del Nòrd qu’an batut los Cavals-fèrs de Brisbana 33-16 e los Raiders de Canberra eliminaires de las Làmias de Cronulla: 34-16.
Abans de partir per 3 jorns d’estagi-commandò, Carcassona faguèt signar Luke Towers que jogava a Limós coma joquèr medical al pòste de mesclanha. L’equipa blanquetièra anóncia un recrutament d’estrangièrs de tria: aprèp lo pilar neozelandés Karl Temata en provenéncia dels London Broncòs ajusta son compatriòta Iafeta Paea’sina (30 ans, 120 quilòs) qu’a jogat 83 partidas en NRL amb los NZWarriors e 145 en Super-Liga amb Wigan e Salfòrd. Mas tanben dos australians : lo jove arrièr Scott Blanch (22 ans) e lo centre Marty Hatfield.
E jols cobèrts, se sòmia d’un retorn de David Ferriòl dins son club formator! Dissabte, en amical, Lesinhan a pres lo melhor sus Lescura d’Albigés: 36-0.
Aquesta dimenjada, lo Tolosa Olimpic, los Tolosa Broncòs, Lescura e Limós disputaràn un tornèg alara que Carcassona anirà dissabte de ser desfisar los campions d’Elita 2 de Palau. Darrièrs reglatges de faire abans la Dimenjada Magica de Lesinhan dels 22 e 23 de setembre.
Dimars passat, èra la dintrada pels escolans. E de segur a la Calandreta de Traussan de Menerbés. E aquí tre 3 oras del vèspre èra direccion l’estadi amb un animator de l’ASCarcassona per una sesilha de rugbi de tretze. Occitan e XIII, aquò es una longa e bèla istòria qu’es pas prèsta de s’acabar!
Alan Roch
E cossí refusar de venir entrainaire d’una equipa de NRL? Aquela decision pesèt benlèu sus la partida jogada a Brutús aqueste dissabte pels Dracs fàcia a Bradfòrd. Una partida que los sang e aur entamenèron per una operacion “Pòrtas dobèrtas”: dos ensags encaissats dins las cinc primièras minutas e dètz a res pel Taures.
Mas los Dracs puntavan quantre còps dins las vint minutas seguentas per prene un avantatge bèl: 22-10. Puèi, s’acossomissián tornar e Bradfòrd reveniá a 22-20 a la pausa. A la represa, los Dracs accentuèron lor dominacion territoriala e faguèron melhor circular la pauma: aquò se concretizèt per 4 novèls ensags abans que Sammut interceptèsse per marcar son quatren ensag de la vesprada.
A la còrna, Scott Dureau tustava a seguir, la pauma rebombissiá sul pè dels pals e tornava coma una ofèrta dins los braces de l’òme de la partida Clint Greenshields que capitava lo còp del capèl: 50-26, una victòria confirma la quatrena plaça dels Dracs dins aquesta fasa de classament.
Aquò vòl dire un primièr torn de las pelhòfas divendres a Wigan. Aquí, pas d’aproximacions e la necessitat d’èsser dins lo còp las 80 minutas!
En cas de victòria, qualificacion dirècta per las mièja-finalas. En cas de desfaita, torn de barratge a Brutús contra lo ganhant de Leeds-Wakefield.
Dins lo naut del tablèu, Warrington reçauprà St-Helens dissabte alara que HullFC esperarà Huddersfield. De senhalar que los 36 punts al classament, siá 18 victòrias, signan la melhora sason dels Dracs dempuèi lor preséncia en Super-Liga: 812 punts marcats e 611 encaissats.
Mai de 120 000 espectators an seguit las partidas a Brutús. Los Dracs preparan a l’encòp la sason venenta costat jogaires: David Ferriòl arrèsta sa carrièra en Super-Liga per s’ocupar de sas vinhas, alara que Sebastian Raguin vendrà lo managèr de l’equipa; lo capitani de l’equipa de França Olivièr Elimà farà son retorn en Catalonha; l’internacional kiwi Brent Web daissa Leeds, per remplaçar Clint Greenshields a l’arrièr de la formacion sang e aur.
Setamaita Sa deuriá jogar a XV a Londres.E demòra doncas un entranaire a trapar que contunhèsse de presicar lo jòc ofensiu e ambiciós mes en plaça per Trent Robinson: benlèu que l’ora del Laurenç Fraissinós sona? En Australia, es tanben lo temps de las pelhòfas: Canterbury es ja en mièja-finala aprèp sa victòria 16-10 contra las Aglas de Mar de Manly coma los Melbourne Strorms venceires dels Lapinons (Rabbitohs) de South Sydney : 24-6.
Los perdents rescontraràn en barratge los Cow-boys del Queensland del Nòrd qu’an batut los Cavals-fèrs de Brisbana 33-16 e los Raiders de Canberra eliminaires de las Làmias de Cronulla: 34-16.
Abans de partir per 3 jorns d’estagi-commandò, Carcassona faguèt signar Luke Towers que jogava a Limós coma joquèr medical al pòste de mesclanha. L’equipa blanquetièra anóncia un recrutament d’estrangièrs de tria: aprèp lo pilar neozelandés Karl Temata en provenéncia dels London Broncòs ajusta son compatriòta Iafeta Paea’sina (30 ans, 120 quilòs) qu’a jogat 83 partidas en NRL amb los NZWarriors e 145 en Super-Liga amb Wigan e Salfòrd. Mas tanben dos australians : lo jove arrièr Scott Blanch (22 ans) e lo centre Marty Hatfield.
E jols cobèrts, se sòmia d’un retorn de David Ferriòl dins son club formator! Dissabte, en amical, Lesinhan a pres lo melhor sus Lescura d’Albigés: 36-0.
Aquesta dimenjada, lo Tolosa Olimpic, los Tolosa Broncòs, Lescura e Limós disputaràn un tornèg alara que Carcassona anirà dissabte de ser desfisar los campions d’Elita 2 de Palau. Darrièrs reglatges de faire abans la Dimenjada Magica de Lesinhan dels 22 e 23 de setembre.
Dimars passat, èra la dintrada pels escolans. E de segur a la Calandreta de Traussan de Menerbés. E aquí tre 3 oras del vèspre èra direccion l’estadi amb un animator de l’ASCarcassona per una sesilha de rugbi de tretze. Occitan e XIII, aquò es una longa e bèla istòria qu’es pas prèsta de s’acabar!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari