Actualitats
Iraq: mai d’un milion de civils se veiràn afectats pel començament de la batalha finala de Mossol, segon lo CICR
L’ÒNU alça la chifra al milion e mièg de personas e avertís d’“una escassetat critica de finançaments e de ressorsas” umanitaris
Gaireben un milion de civils poirián abandonar Mossol quand començarà l’operacion de las fòrças iraquianas e de sos aliats peshmergas, e tanben de la coalicion internacionala menada pels Estats Units, per prene lo contraròtle de l’autoproclamat Estat Islamic, çò comuniquèt dimenge passat a l’agéncia russa Sputnik la pòrtavotz del Comitat Internacional de la Crotz Roja (CICR) en Iraq, Sara Zawqari.
“Après lo començament de l’operacion a Mossol, cresèm que fugiràn de milièrs (de personas); la chifra pòt arribar al milion”, segon la pòrtavotz, que remembrèt que la situacion umanitària en Iraq es “extrèmament malaisida”, amb mai de tres milions de desplaçats.
Dins aquel sens, la Crotz Roja es preparada per ajudar gaireben 300 000 personas a Mossol. “Avèm ja de provisions, que comprenon de noiridura e d’objèctes d’urgéncia, e long de la setmana que ven ne recebrem mai”, çò diguèt a Sputnik.
Un milion e mièg de nòus refugiats
Las Nacions Unidas estiman una chifra d’afectats encara mai nauta. Dins lo pièger dels cases, un milion e mièg de personas seràn afectadas per l’operacion militara, que començarà dins una situacion d’enòrmes problèmas financièrs per satisfar los besonhs immediats d’ajuda.
“La responsa umanitària es plena de desfises, en començant pel fach qu'es impossible de predire amb exactitud quant de mond fugiràn e prendràn l’actuala corredor umanitari qu’òm a mes a disposicion”, çò precisa lo Burèu per la Coordinacion dels Afars Umanitaris (OCHA) dins son darrièr rapòrt.
Los umanitaris trabalhan amb las autoritats localas per que la populacion de Mossol aprenga las rotas de fugida designadas. Òm estima que mai de 700 000 personas se veiràn obligadas de s’abrigar dins d’albergaments d’urgéncia perque la manca de finançament e los risques per la seguretat an rendut impossibla l’installacion de camps de refugiats pròches de las rotas de fugida.
Malgrat de “generosas ajudas de darrièra minuta”, la darrièra demanda d’ajuda de 250 milions d’èuros facha en julhet sembla qu'arribarà pas a temps a respècte del començament dels combats, que poirián començar totara.
“Coma resultat, los elements essencials de la responsa umanitària, coma aqueles campaments de refugiats d’urgéncia, an pas de fonzes d’un biais alarmant”, çò conclutz l’ÒNU.
“Après lo començament de l’operacion a Mossol, cresèm que fugiràn de milièrs (de personas); la chifra pòt arribar al milion”, segon la pòrtavotz, que remembrèt que la situacion umanitària en Iraq es “extrèmament malaisida”, amb mai de tres milions de desplaçats.
Dins aquel sens, la Crotz Roja es preparada per ajudar gaireben 300 000 personas a Mossol. “Avèm ja de provisions, que comprenon de noiridura e d’objèctes d’urgéncia, e long de la setmana que ven ne recebrem mai”, çò diguèt a Sputnik.
Un milion e mièg de nòus refugiats
Las Nacions Unidas estiman una chifra d’afectats encara mai nauta. Dins lo pièger dels cases, un milion e mièg de personas seràn afectadas per l’operacion militara, que començarà dins una situacion d’enòrmes problèmas financièrs per satisfar los besonhs immediats d’ajuda.
“La responsa umanitària es plena de desfises, en començant pel fach qu'es impossible de predire amb exactitud quant de mond fugiràn e prendràn l’actuala corredor umanitari qu’òm a mes a disposicion”, çò precisa lo Burèu per la Coordinacion dels Afars Umanitaris (OCHA) dins son darrièr rapòrt.
Los umanitaris trabalhan amb las autoritats localas per que la populacion de Mossol aprenga las rotas de fugida designadas. Òm estima que mai de 700 000 personas se veiràn obligadas de s’abrigar dins d’albergaments d’urgéncia perque la manca de finançament e los risques per la seguretat an rendut impossibla l’installacion de camps de refugiats pròches de las rotas de fugida.
Malgrat de “generosas ajudas de darrièra minuta”, la darrièra demanda d’ajuda de 250 milions d’èuros facha en julhet sembla qu'arribarà pas a temps a respècte del començament dels combats, que poirián començar totara.
“Coma resultat, los elements essencials de la responsa umanitària, coma aqueles campaments de refugiats d’urgéncia, an pas de fonzes d’un biais alarmant”, çò conclutz l’ÒNU.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara veirem lo que fa l'Imperi del Mal, lo mateis qu' ha organizat, pagat e enviat a la colha de delincuents de l'EI a invadir Siria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari