Actualitats
Belgica a blocat l’acòrdi economic e comercial global de l’UE e Canadà a causa de l’oposicion del Parlament de Valonia
Segon lo foncionament federal de Belgica, las regions an de competéncias per l’aprobacion dels tractats internacionals
L’Union Europèa deu reportar l’aprobacion de l’Acòrdi Economic e Comercial Global (CETA segon sa sigla en anglés) amb Canadà, pr’amor que Belgica l’a blocat. Aquò s’es passat pr’amor que lo primièr ministre bèlga, Charles Michel, a mes en evidéncia que l’acòrdi pòt pas aver l’aprobacion de Valonia. Lo Parlament valon votèt contra l’aprobacion del CETA la setmana passada e, segon lo foncionament federal de Belgica, las regions an de competéncias per l’aprobacion dels tractats internacionals. Pr’amor d’aquò, lo govèrn de Belgica a blocat l’aprobacion del tractat fins que se tornen negociar los ponches mai conflictius.
Èra prevista una ceremònia lo 27 d’octòbre per la signatura del CETA entre l’UE e Canadà, mas per qu’aquel acòrdi se pòsca signar, es necite que los 28 estats membres lo sostengan, e doncas, per ara, aquò es pas possible.
Èra prevista una ceremònia lo 27 d’octòbre per la signatura del CETA entre l’UE e Canadà, mas per qu’aquel acòrdi se pòsca signar, es necite que los 28 estats membres lo sostengan, e doncas, per ara, aquò es pas possible.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Los amricans van passar per lors filalasal canadà, sarà una mena de TTIP deguizat....
#1 Aqui coma endacòm mai (lei el Khomri) los politics aplican çò que dis bruxela.
Aquel tractat es de 1600 paginas publicat en febrier de 2016 es de segur plan sorne. De qual pòt dire que lo coneis ?
Canadà 35 milhons de consomators EU 500 milhons de consomators.
Los Valons nos balhan una brava leiçon de democracia. E pensar que totes los govèrnaments d'estats se baissan las braias davant los nòrdamericans... Amb totes los avertiments qu'an aguts cambian pas d'amira: la "sola politica possibla", dison. A causa d'eles nos caldrà beure lo calici fin a la liga e finiràn per nos far passar per la casa populista (e "populista" es pas qu'un eufemisme).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari