Actualitats
Nacions Unidas: es urgent de regular los metòdes d’interrogatòri dels detenguts per evitar la tortura
Un grop d’expèrts de l’ÒNU en dreches umans defendet dimars passat lo desvolopament de nòrmas universalas per los metòdes non coercitius d’interrogatòri e las garentias proceduralas amb la tòca que cap de persona detenguda siá pas somesa a las torturas, als maltractaments o a la constrencha.
Las nòrmas prepausadas fan partida del darrièr rapòrt que lo raportaire de l’ÒNU contra la tortura, Juan Méndez, a presentat a l’Assemblada Generala de las Nacions Unidas.
L’expèrt en dreches umans indiquèt, dins una conferéncia de premsa tenguda amb d’autres expèrts d’aquel domeni, que l’evidéncia scientifica demòstra que los metòdes coercitius d’interrogatòri donan coma resultats d’informacions pauc fisablas e de confessions falsas, e mai que son contraproductivas per la seguretat publica.
Egalament, Méndez remarquèt las devastadoiras consequéncias de long tèrme sus las personas, las institucions e la societat quand s’emplega la tortura, los maltractaments o la constrencha.
Lo raportaire defendèt d’instaurar un modèl basat sus la cooperacion que se compause d’una fasa d’analisi de las pròvas e de l’establiment d’un interrogatòri non coercitiu. Lo modèl se basa sus dos principis, çò expliquèt Méndez.
“Lo primièr es la presompcion d’innocéncia e lo segond es reconéisser que la tòca d’una enquèsta criminala es de trobar la vertat, non pas d’obténer una confession, mas d’arribar a la vertat sus la basa de las pròvas que se’n dispausa”, çò soslinhèt.
L’expèrt demandèt als estats que dirigiguèsson lo desvolopament d’un protocòl universal, mejançant la convocacion d’una larga consulta publica ont s’establiriá los paramètres per la collaboracion dels actors concernits.
Aqueste article es adaptat de Geopolítica.cat amb qui Jornalet ten un acòrdi de cooperacion.
Las nòrmas prepausadas fan partida del darrièr rapòrt que lo raportaire de l’ÒNU contra la tortura, Juan Méndez, a presentat a l’Assemblada Generala de las Nacions Unidas.
L’expèrt en dreches umans indiquèt, dins una conferéncia de premsa tenguda amb d’autres expèrts d’aquel domeni, que l’evidéncia scientifica demòstra que los metòdes coercitius d’interrogatòri donan coma resultats d’informacions pauc fisablas e de confessions falsas, e mai que son contraproductivas per la seguretat publica.
Egalament, Méndez remarquèt las devastadoiras consequéncias de long tèrme sus las personas, las institucions e la societat quand s’emplega la tortura, los maltractaments o la constrencha.
Lo raportaire defendèt d’instaurar un modèl basat sus la cooperacion que se compause d’una fasa d’analisi de las pròvas e de l’establiment d’un interrogatòri non coercitiu. Lo modèl se basa sus dos principis, çò expliquèt Méndez.
“Lo primièr es la presompcion d’innocéncia e lo segond es reconéisser que la tòca d’una enquèsta criminala es de trobar la vertat, non pas d’obténer una confession, mas d’arribar a la vertat sus la basa de las pròvas que se’n dispausa”, çò soslinhèt.
L’expèrt demandèt als estats que dirigiguèsson lo desvolopament d’un protocòl universal, mejançant la convocacion d’una larga consulta publica ont s’establiriá los paramètres per la collaboracion dels actors concernits.
Aqueste article es adaptat de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Imperi del Mal se'n fot de l'ONU e se crese ser lo senher del mond. Tortura a Guantànamo e a las presons militar (veire la pel·lícula de Snaider), a los negres los tua al carrer davant tota la gent e la tv.
Lo trabuc qu’ei los regimis qui practican la tortura qu’an tendéncia a n’aver pas nat quéhar de l as nòrmas, convencions o leis internacionaus.
—
Los nostes casquetats tanben que van aver combat dab aquò. "Lo segond [principi] es reconéisser que la tòca d’una enquèsta criminala es de trobar la vertat, non pas d’obténer una confession, mas d’arribar a la vertat sus la basa de las pròvas que se’n dispausa." O sia ua filosofia exactament au reboish de l’amira proclamada de la guarda a vista a la franchimanda, tau com la defen per exemple lo sindicat Alliance.
l'azart fai qu'aièr qu'ai vist un filme espanhou que dèu datar deis annadas 90 "el drama de Cuenca" que relata una error judiciàri, un pastre un pauc niais qu'aviá dispareigut e qu'acusèron dos omes dau vilatge de l'aguer assassinats e lo jutge ordonèt a la gu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari