Actualitats
Besièrs: an portat en justícia lo racisme de Ménard dins las afichas e lo bulletin municipal
“Cal aturar de tota urgéncia las desvianças del cònsol màger de Besièrs. Es una accion de propaganda, non pas un discors d’informacion locala”
Doas associacions besierencas, “Esprit Libre” e “Cultures Solidaires”, exigisson la supression dels escriches antimigrants contenguts dins lo bulletin municipal nomenat Journal de Béziers. An sasit la justícia en urgéncia per obtenir lo retrach d’aqueles escriches, e mai de las afichas xenofòbas plaçadas per tota la vila dempuèi 11 d’octòbre passat.
“Cal aturar de tota urgéncia las desvianças del cònsol màger de Besièrs. Es una accion de propaganda, non pas un discors d’informacion locala”, çò diguèt Èric Bernard, un dels avocats dels militants besirencs presents a l’audiéncia, segon lo rapòrt de Midi Libre. Sa consòrre, Marie-Sygne Leca, qualificava la campanha de la comuna de Besièrs de “massissa, xenofòba que prejudícia la dignitat umana”, e ajustava qu’”es perque aqueles prepauses son grèus que i a urgéncia” en demandar lo retrach. Difusada per tota la vila, e largament suls rets socials, la campaha constituiriá una manca “als princips de neutralitat dels servicis publics”, al drech dels demandaires d’asil a disposar d’una “aculhença decenta”, als principis d’egalitat davant la lei e al principi de “pluralisme” del contengut del Journal de Béziers.
Un conselh municipal agitat
Dimars passat, 18 d’octòbre, se tenguèt a Besièrs un conselh municipal agitat. Lo cònsol màger, Robert Ménard, i faguèt adpotar un projècte de referendum sus la preséncia dels migrants. Los manifestants que protestavan foguèron evacuats per la Polícia Muncipala.
Es atal que lo cònsol ultradrechista, jonh l’alarma lançada per qualques grops racistas que planhon una “invasion”, a causa de l’intencion del govèrn francés de lotjar dins tot l’exagòn los refugiats del camp de Calais. E mai se 12 000 refugiats repartits per tota la Republica equivalon a un refugiat per tres comunas, Ménard a profechat de l’ocasion per èsser tornarmai lo protagonista d'un episòdi indigne d’un elegit democratic.
“Cal aturar de tota urgéncia las desvianças del cònsol màger de Besièrs. Es una accion de propaganda, non pas un discors d’informacion locala”, çò diguèt Èric Bernard, un dels avocats dels militants besirencs presents a l’audiéncia, segon lo rapòrt de Midi Libre. Sa consòrre, Marie-Sygne Leca, qualificava la campanha de la comuna de Besièrs de “massissa, xenofòba que prejudícia la dignitat umana”, e ajustava qu’”es perque aqueles prepauses son grèus que i a urgéncia” en demandar lo retrach. Difusada per tota la vila, e largament suls rets socials, la campaha constituiriá una manca “als princips de neutralitat dels servicis publics”, al drech dels demandaires d’asil a disposar d’una “aculhença decenta”, als principis d’egalitat davant la lei e al principi de “pluralisme” del contengut del Journal de Béziers.
Un conselh municipal agitat
Dimars passat, 18 d’octòbre, se tenguèt a Besièrs un conselh municipal agitat. Lo cònsol màger, Robert Ménard, i faguèt adpotar un projècte de referendum sus la preséncia dels migrants. Los manifestants que protestavan foguèron evacuats per la Polícia Muncipala.
Es atal que lo cònsol ultradrechista, jonh l’alarma lançada per qualques grops racistas que planhon una “invasion”, a causa de l’intencion del govèrn francés de lotjar dins tot l’exagòn los refugiats del camp de Calais. E mai se 12 000 refugiats repartits per tota la Republica equivalon a un refugiat per tres comunas, Ménard a profechat de l’ocasion per èsser tornarmai lo protagonista d'un episòdi indigne d’un elegit democratic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Òc-ben, l'i a las opinions e puei l'i a los delicts, aquí s'agís pas d'opinions simplas, son dins lo delict (en mai un delict d'elegits !!!!) e per questa rason deu èsser sancionat lo Ménard e sa benda de saquetats ! Lo Monge tabiraud tanben es dins lo delict o a la limita, fau saubre qu'an pas lo drech d'apelar a l'òdi e au murtre dins l'estat francés (estat que me fai despiech mas li fau au mens reconéisser quò).
Monge, nos pudisses, cala-te, vielha carna.
#1 Grandmercejam mon frèra lo monge de Montaudon d'aver fach lo viatge dins lo temps despuèi lo tretzen sègle per nos faire un bonjorn. ( Bòn, sas idèias son un pauc rafaladas mas li'n vodrem pas, repàpia un pauc )
Cal fer li un procés per racista.
la justicia ven de relaxar Robert Menard que serà pas condemnat, ,leis estralha-brasas revolucionaris de pacotilha an perdut la partida mai ailàs non pas la tolerància e l'intelligéncia amb aqueles ultràs qu volon la pensada unica, l'islam religion d'estat e que non veson la realitat qu'ei lo remplaçament d'una populacion per una autra, ço qu'ei probable se lei nouvenguts persiston à vouguer impausar la sharia e seis us e coustumas en terra de Francés ...Ma que diéu ? en terra de l'Estat francés , m'avetz compres ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari