Actualitats
La lucha d’un païsan roergàs contra l’acaparrament de tèrras dins los païses paures
Christian Roqueirol es acusat de degradacion per aver manifestat a París contra lo grop Bolloré. Dins una entrevista publicada per Midi Libre explica sa lucha
Christian Roqueirol, païsan a Sant Salvaire de Larzac, foguèt entendut dijòus passat a la gendarmariá a la seguida d’una denóncia del grop Bolloré. Roqueirol es acusat de degradacion dins l’encastre d’una manifestacion davant lo sèti del grop Bolloré lo jorn de son assemblada generala.
“Èrem almens 150. Reüssiguèrem a empedir los accionaris de rintrar e lor distribuiguèrem de tractes per denonciar l’acaparrament de tèrras dins plusors païses d’Africa e d’Asia”, çò explica Roqueirol a Midi Libre dins una entrevista. La denóncia, pasmens, es per aver despenjar un drapèl. “Descendiái las colors de Bolloré, coma las d’un enemic vencut. En aquel moment, los velhaires se roncèron sus ieu, los collègas atrapèron lo drapèl e tirèron dessús, ço que faguèt bolegar lo mast. Donc Bolloré m’acusa de degradacion”.
Dins aquela entrevista, Roqueirol se mòstra “plan fièr” de son accion, qu’el la definís coma “una accion simbolica que permet de denonciar lo problèma al nivèl mondial”. Coma tant d’autras associacions de païsans dins tot lo Mond, e d’organizacions umanitàrias, Roqueirol denóncia, en nom de la Confederacion Païsana, l’acaparrament de tèrras dins de païses d’Asia e d’Africa. “Son d’endreches plan rics al nivèl agricòla, irrigables per la majoritat e aquò a un impacte suls petits païsans. Al començament, lor fan creire que l’acaparrament va portar lo progrès, d’escòlas, l’accès als suènhs, a l’aiga e a l’emplec. Levat qu’eles pòrtan pas res de tot aquò, e lor pican lors tèrras. Las gents d’aqueles païses luchan per far respectar un minimum d’espaci vital per aver de culturas alimentàrias”.
En mai d’aquò, Roqueirol denóncia l’empresonament de representants d’aquelas comunautats a la seguida de manifestacions, e una “fòrta repression, car los grops estrangièrs son supausats portar de progrès e d’argent”.
“Òm estima qu’a l’ora d’ara, 250 milions d’ectaras de tèrra son estadas presas a de comunautats localas. Es un sistèma mondial ont d’estats paures s’organizan amb de multinacionalas o de païses coma China o Libia que venon utilizar lors tèrras”, çò apond lo païsan roergàs, en tot precisar qu’“aqueles acaparraments tòcan tanben de païses europèus coma Romania o Ucraïna”.
Christian Roqueirol es longtemps estat elegit al sindicat agricòla de la Confederacion Païsana, e a l’ora d’ara fa partida del burèu de l’organizacion agricòla mondiala Vía Campesina.
“Èrem almens 150. Reüssiguèrem a empedir los accionaris de rintrar e lor distribuiguèrem de tractes per denonciar l’acaparrament de tèrras dins plusors païses d’Africa e d’Asia”, çò explica Roqueirol a Midi Libre dins una entrevista. La denóncia, pasmens, es per aver despenjar un drapèl. “Descendiái las colors de Bolloré, coma las d’un enemic vencut. En aquel moment, los velhaires se roncèron sus ieu, los collègas atrapèron lo drapèl e tirèron dessús, ço que faguèt bolegar lo mast. Donc Bolloré m’acusa de degradacion”.
Dins aquela entrevista, Roqueirol se mòstra “plan fièr” de son accion, qu’el la definís coma “una accion simbolica que permet de denonciar lo problèma al nivèl mondial”. Coma tant d’autras associacions de païsans dins tot lo Mond, e d’organizacions umanitàrias, Roqueirol denóncia, en nom de la Confederacion Païsana, l’acaparrament de tèrras dins de païses d’Asia e d’Africa. “Son d’endreches plan rics al nivèl agricòla, irrigables per la majoritat e aquò a un impacte suls petits païsans. Al començament, lor fan creire que l’acaparrament va portar lo progrès, d’escòlas, l’accès als suènhs, a l’aiga e a l’emplec. Levat qu’eles pòrtan pas res de tot aquò, e lor pican lors tèrras. Las gents d’aqueles païses luchan per far respectar un minimum d’espaci vital per aver de culturas alimentàrias”.
En mai d’aquò, Roqueirol denóncia l’empresonament de representants d’aquelas comunautats a la seguida de manifestacions, e una “fòrta repression, car los grops estrangièrs son supausats portar de progrès e d’argent”.
“Òm estima qu’a l’ora d’ara, 250 milions d’ectaras de tèrra son estadas presas a de comunautats localas. Es un sistèma mondial ont d’estats paures s’organizan amb de multinacionalas o de païses coma China o Libia que venon utilizar lors tèrras”, çò apond lo païsan roergàs, en tot precisar qu’“aqueles acaparraments tòcan tanben de païses europèus coma Romania o Ucraïna”.
Christian Roqueirol es longtemps estat elegit al sindicat agricòla de la Confederacion Païsana, e a l’ora d’ara fa partida del burèu de l’organizacion agricòla mondiala Vía Campesina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Roquairòl es bèdre! Es un valent!
perque d'estats paures d'Africa s'organizan amb de chinés, de libians (?) e de multinacionalas, per posquer esplotar de terras agricolas que li fan de besonh ? saubrián pas, eles, las cultivar eficaçament ? o ben a las poblacions localas li agradariá mai de cercar refugi dins de megapolis que se constituïsson d'aqui e d'ailà e que caldrà noirir ? entanterin, a Calais an garçat lo fuoc als campaments e la prefècta dal despartament,aquest matin a fach a BFM tele de declaracion qu'auriam d'escalprar en letras d'aur sus lo fronton de la prefectura : " aquest incendi ? Es pas grèu, es una tradicion dei migrants !" coma en Vauclusa lo romavatge de Sant-Gent per far venir la pluja o ailalin una dansa totemica per esconjurar los marrits esperits perdiune ! anuech, aprenèm que malavalisca pasmens an arrestat quatre d'aqueles incendiaris e que pas puslèu lo cordon de policia aguèt dispareigut, vesèm sus l'escran de migrants que tornan per s'instalar au mitan dels cendres e de las tendas e cafornas encara drechas ... l'evacuacion es acabada, a declarat sus aquelas entrefachas aquela prefècte tan benh inspirada
Òsca al Christian Roqueirol ! As milantas còps rason e deuriam totes far coma tu !
Sosten total !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari