Era Mongetada que comencèc hè cinc ans en Garòs, coma ua dimenjada gastronomica e culturau entà revendicar era varietat locau dera mongeta de Bossòst. Ara ei ja un eveniment màger de revalorizacion dera agricultura, dera gastronomia e deth patrimòni culturau deth país. Era edicion d’ongan que se debanarà en Vielha, Bossòst, Garòs e Salardú deth 28 ath 31 d’octobre.

Organizada peth Grèmi d’Ostalaria dera Val d’Aran, damb eth sosten des ajuntaments de Naut Aran, Bossòst e Vielha e Mijaran, e en collaboracion damb diuèrses entitats publiques e privades, era edicion d’enguan dera Mongetada que prepause, entre eth 28 e eth 31 d’octobre, un pialèr d’activitats en seguida deth succès des edicions precedentes. De soslinhar era velhada occitana de concèrts damb Gigi de Niça e eth grop des Valades Lo Seriòl. Ath delà, es activitats d’enguan seràn repartides en Vielha, Bossòst, Garòs e Salardú.
 
Era activitat gastronomica principau ei eth “Menú Gastronomic” qu'ei un espaci diferenciat dera rèsta der eveniment, damb accès restrenhut a vesitaires, vesins de Garòs e partenaris. En aqueth espaci que s'aufrís es plats que s’elabòren en dirècte en un veritable “show-cooking” a on era mongeta n’ei era protagonista. Entàs mainatges que s’aufrís tanben un menú especiau acompanhat en un espaci reservat entada eri, damb animacions. D’autes activitats que son: Eth Sopar Solidari, Eth Dinnar deth Pagés e era Net de Pinchos.
 
 
Codinèrs convidadi
 
Enguan es codinèrs convidadi son Daniel Garner, originari des Estats Units e cap dera codina deth restaurant Okra de Beijing (China) e Tony Botella, ensenhaire en TBTC, era soleta escòla consagrada exclusivaments ara codina jos uet.
 
Era Mongetada qu’ei ua proposicion originau e fòrça interessanta entara prumèra dimenjada de noveme. L’organize eth Grèmi d’Ostalaria dera Val d’Aran damb era tòca d’arrecuperar e de promòir era varianta locau de mongeta, nomentada mongeta de Bossòst.
 
Mès informacion sus eramongetada.com.
 
 
 
 
Redaccion/Arténher