Actualitats
Golfuèg: un excès de regèts radioactius pendent doas minutas
EDF assegura que l’incident a provocat pas “cap d’impacte sus l’environament ni pel personal del sit”, e mai se “lo lindal de regèt a la chimenèia, fixat a 4 MBq/m3 es estat despassat”
La centrala nucleara de Golfuèg (Sèrras d’Agenés) a liberat a l’atomosfèra de regèts radioactius superiors al limit autorizat. Segon çò qu’informèt diluns Electricitat de França (EDF), l’incident se seriá produch lo dimècres passat, 19 d’octòbre, çò rapòrta Sud Ouest.
Segon EDF, l’aument de l’activitat radiologica foguèt constatat durant una operacion de mesa en servici d’un “esquipament de tractament d’efluents liquids eissits del circuit primari”. EDF assegura que l’incident a provocat pas “cap d’impacte sus l’environament ni pel personal del sit”, e mai se “lo lindal de regèt a la chimenèia, fixat a 4 MBq/m3 es estat despassat”. Pasmens, avertiguèron l’Autoritat de seguretat nucleara.
Lo 26 de setembre passat, lo reactor numèro 2 de Golfuèg s’arrestèt automaticament après una anomalia.
Una pèrda radioactiva en 2010
En decembre de 2012 la cort d’apelacion de Tolosa condamnèt EDF a 4000 èuros d’emenda per una pèrda d’aiga radioactiva a la centrala de Golfuèg. Aquela condemnacion seguissiá una pèrda de triti que se debanèt lo 18 de genièr de 2010. Foguèt una pèrda mendre, qu’aguèt un impacte feble sus la santat, segon l’Autoritat de la Seguretat Nucleara (ASN).
Segon EDF, l’aument de l’activitat radiologica foguèt constatat durant una operacion de mesa en servici d’un “esquipament de tractament d’efluents liquids eissits del circuit primari”. EDF assegura que l’incident a provocat pas “cap d’impacte sus l’environament ni pel personal del sit”, e mai se “lo lindal de regèt a la chimenèia, fixat a 4 MBq/m3 es estat despassat”. Pasmens, avertiguèron l’Autoritat de seguretat nucleara.
Lo 26 de setembre passat, lo reactor numèro 2 de Golfuèg s’arrestèt automaticament après una anomalia.
Una pèrda radioactiva en 2010
En decembre de 2012 la cort d’apelacion de Tolosa condamnèt EDF a 4000 èuros d’emenda per una pèrda d’aiga radioactiva a la centrala de Golfuèg. Aquela condemnacion seguissiá una pèrda de triti que se debanèt lo 18 de genièr de 2010. Foguèt una pèrda mendre, qu’aguèt un impacte feble sus la santat, segon l’Autoritat de la Seguretat Nucleara (ASN).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari